5ਵੀਂ ’ਚ ਹੀ ਅਟਕੇ ਜ਼ਿਲ੍ਹੇ ਦੇ 219 ਵਿਦਿਆਰਥੀ, ਥੱਲਿਓਂ ਦੂਜੇ ਸਥਾਨ ’ਤੇ ਰਿਹਾ ਲੁਧਿਆਣਾ

Edited By Anuradha,
Updated: 07 Apr, 2023 02:35 PM

ਲੁਧਿਆਣਾ (ਵਿੱਕੀ) : ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ 5ਵੀਂ ਕਲਾਸ ਦਾ ਨਤੀਜਾ ਐਲਾਨਿਆ ਗਿਆ। ਕੁਝ ਦਿਨ ਪਹਿਲਾਂ ਹੋਈ ਇਸ ਪ੍ਰੀਖਿਆ ’ਚ ਲੁਧਿਆਣਾ ਜ਼ਿਲੇ ਦੇ ਕੁੱਲ 49,877 ਵਿਦਿਆਰਥੀਆਂ ਨੇ 5ਵੀਂ ਦੀ ਪ੍ਰੀਖਿਆ ਦਿੱਤੀ ਸੀ, ਜਿਸ ’ਚੋਂ 49,658 ਵਿਦਿਆਰਥੀ ਪਾਸ ਹੋਏ ਹਨ, ਜਦੋਂਕਿ 219 ਵਿਦਿਆਰਥੀ ਇਹ ਪ੍ਰੀਖਿਆ ਪਾਸ ਕਰਨ ’ਚ ਅਸਫਲ ਰਹੇ। ਬੋਰਡ ਦੇ ਅੰਕੜਿਆਂ ਮੁਤਾਬਕ ਜ਼ਿਲ੍ਹੇ ਦਾ ਕੁੱਲ ਪਾਸ ਫੀਸਦੀ ਨਤੀਜਾ 99.56 ਫੀਸਦੀ ਰਿਹਾ। ਹਾਲਾਂਕਿ ਜ਼ਿਲ੍ਹਾ ਵਾਰ ਪਾਸ ਫੀਸਦੀ ਮਾਮਲੇ ’ਚ ਲੁਧਿਆਣਾ ਦਾ 22ਵਾਂ ਸਥਾਨ ਰਿਹਾ। ਉਸ ਤੋਂ ਬਾਅਦ ਆਖਰੀ ਸਥਾਨ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਦਾ ਹੈ। ਇਸ ਸੂਚੀ ’ਚ ਜ਼ਿਲ੍ਹਾ ਬਰਨਾਲਾ ਨੇ ਪਹਿਲਾ, ਜ਼ਿਲ੍ਹਾ ਤਰਨਤਾਰਨ ਨੇ ਦੂਜਾ ਅਤੇ ਜ਼ਿਲ੍ਹਾ ਰੂਪ ਨਗਰ ਨੇ ਤੀਜਾ ਸਥਾਨ ਹਾਸਲ ਕੀਤਾ ਹੈ। ਅੰਕੜੇ ਦੇਖੀਏ ਤਾਂ ਇਸ ਪ੍ਰੀਖਿਆ ’ਚ ਜ਼ਿਲ੍ਹਾ ਲੁਧਿਆਣਾ ਦਾ ਪ੍ਰਦਰਸ਼ਨ ਬਹੁਤ ਚੰਗਾ ਨਹੀਂ ਰਿਹਾ। ਪਿਛਲੇ ਦਿਨੀਂ ‘ਮਿਸ਼ਨ ਸ਼ਤ ਪ੍ਰਤੀਸ਼ਤ’ ਸਬੰਧੀ ਵਿਭਾਗ ਵਲੋਂ ਵੱਖ-ਵੱਖ ਯਤਨ ਕੀਤੇ ਗਏ ਸਨ ਪਰ ਲੁਧਿਆਣਾ ਦੇ ਥੱਲਿਓਂ ਦੂਜੇ ਸਥਾਨ ’ਤੇ ਆਉਣ ਕਾਰਨ ਇਨ੍ਹਾਂ ਯਤਨਾਂ ਦਾ ਮਕਸਦ ਅਜੇ ਸਫਲ ਹੁੰਦਾ ਨਜ਼ਰ ਨਹੀਂ ਆ ਰਿਹਾ।

ਇਹ ਵੀ ਪੜ੍ਹੋ : ਇਤਿਹਾਸ ’ਚ ਪਹਿਲੀ ਵਾਰ : ਸੈਸ਼ਨ ਸ਼ੁਰੂ ਹੁੰਦੇ ਹੀ ਸਕੂਲਾਂ ’ਚ ਪਹੁੰਚੀਆਂ ਕਿਤਾਬਾਂ

ਕਿਸ ਵਿਸ਼ੇ ’ਚੋਂ ਕਿੰਨੇ ਹੋਏ ਫੇਲ
ਜੇਕਰ ਸਬਜੈਕਟ ਵਾਈਜ਼ ਦੇਖਿਆ ਜਾਵੇ ਤਾਂ ਅੰਗਰੇਜ਼ੀ ਅਤੇ ਗਣਿਤ ’ਚ ਵਿਦਿਆਰਥੀਆਂ ਦੀ ਪੇਸ਼ਕਾਰੀ ਠੀਕ-ਠਾਕ ਹੀ ਰਹੀ ਹੈ। ਰਾਜ ਭਰ ਦੇ ਕੁੱਲ ਵਿਦਿਆਰਥੀਆਂ ਦਾ ਵਿਸ਼ੇ ਵਾਰ ਨਤੀਜਾ ਇਸ ਤਰ੍ਹਾਂ ਰਿਹਾ :

ਵਿਸ਼ਾ	ਕੁੱਲ ਵਿਦਿਆਰਥੀ	ਪਾਸ ਵਿਦਿਆਰਥੀ	ਫੇਲ ਵਿਦਿਆਰਥੀ
ਪੰਜਾਬੀ (ਭਾਸ਼ਾ 1)	251437	251119	318
ਪੰਜਾਬੀ (ਭਾਸ਼ਾ 2)	42408	42323	85
ਹਿੰਦੀ (ਭਾਸ਼ਾ 1)	42409	42370	39
ਹਿੰਦੀ (ਭਾਸ਼ਾ 2)	250885	2505143	71
ਉਰਦੂ (ਭਾਸ਼ਾ 1)	01	01	00
ਉਰਦੂ (ਭਾਸ਼ਾ 2)	554	055	013
ਇੰਗਲਿਸ਼	293847	293483	0364
ਗਣਿਤ	293847	293485	0362
ਵਾਤਾਵਰਣ ਸਿੱਖਿਆ	293847	293477	0370
ਸਵਾਗਤ ਜ਼ਿੰਦਗੀ	293847	293552	0295