ਜਲੰਧਰ (ਖੁਰਾਣਾ)-ਨਗਰ ਨਿਗਮ ਦੀ ਕਰੋੜਾਂ ਰੁਪਏ ਦੀ ਬਕਾਇਆ ਰਾਸ਼ੀ ਦਬਾ ਕੇ ਬੈਠੇ ਜਲੰਧਰ ਸ਼ਹਿਰ ਦੇ ਲਗਭਗ 100 ਕਾਲੋਨਾਈਜ਼ਰਾਂ ਖ਼ਿਲਾਫ਼ ਹੁਣ ਪੁਲਸ ਅਤੇ ਪ੍ਰਸ਼ਾਸਨਿਕ ਕਾਰਵਾਈ ਸ਼ੁਰੂ ਹੋ ਗਈ ਹੈ। ਇਸ ਸਿਲਸਿਲੇ 'ਚ ਨਗਰ ਨਿਗਮ ਕਮਿਸ਼ਨਰ ਨੇ ਪੁਲਸ ਕਮਿਸ਼ਨਰ ਨੂੰ ਚਿੱਠੀ ਲਿਖ ਕੇ ਸਬੰਧਤ ਕਾਲੋਨਾਈਜ਼ਰਾਂ ਖ਼ਿਲਾਫ਼ ਬੀ. ਐੱਨ. ਐੱਸ. ਅਤੇ ਪਾਪਰਾ ਐਕਟ ਦੀਆਂ ਧਾਰਾਵਾਂ ਤਹਿਤ ਅਪਰਾਧਿਕ ਮਾਮਲੇ ਦਰਜ ਕਰਨ ਦੀ ਬੇਨਤੀ ਕੀਤੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਦਿਨਾਂ 'ਚ ਕਦੇ ਵੀ ਇਹ ਐੱਫ਼. ਆਈ. ਆਰ. ਦਰਜ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ: ਪੰਜਾਬ ਕਾਂਗਰਸ ਨੇ ਚੋਣਾਂ ਲਈ ਖਿੱਚੀ ਤਿਆਰੀ! 3 ਨਵੇਂ ਕਾਰਜਕਾਰੀ ਪ੍ਰਧਾਨਾਂ ਨੂੰ ਸੌਂਪੀਆਂ ਅਹਿਮ ਜ਼ਿੰਮੇਵਾਰੀਆਂ
ਮੇਅਰ ਵਿਨੀਤ ਧੀਰ ਨੇ ਦੱਸਿਆ ਕਿ ਨਿਗਮ ਵੱਲੋਂ ਕਈ ਵਾਰ ਨੋਟਿਸ ਜਾਰੀ ਕੀਤੇ ਗਏ ਅਤੇ ਜਨਤਕ ਰੂਪ ਵਿਚ ਵੀ ਬਕਾਇਆ ਰਾਸ਼ੀ ਜਮ੍ਹਾ ਕਰਵਾਉਣ ਦੀ ਚਿਤਾਵਨੀ ਦਿੱਤੀ ਗਈ ਪਰ ਵਧੇਰੇ ਕਾਲੋਨਾਈਜ਼ਰਾਂ ਨੇ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ। ਇਸ ਤੋਂ ਬਾਅਦ ਹੁਣ ਡਿਫ਼ਾਲਟਰ ਕਾਲੋਨਾਈਜ਼ਰਾਂ ਦੀ ਸੂਚੀ ਪੁਲਸ ਕਮਿਸ਼ਨਰ ਨੂੰ ਭੇਜ ਦਿੱਤੀ ਗਈ ਹੈ ਤਾਂ ਜੋ ਨਿਯਮਾਂ ਅਨੁਸਾਰ ਐੱਫ਼. ਆਈ. ਆਰ. ਦਰਜ ਕਰਕੇ ਅਗਲੀ ਕਾਰਵਾਈ ਕੀਤੀ ਜਾ ਸਕੇ। ਉਨ੍ਹਾਂ ਦੱਸਿਆ ਕਿ ਨਿਗਮ ਨੇ ਸਿਰਫ਼ ਪੁਲਸ ਕਾਰਵਾਈ ਤੱਕ ਹੀ ਮਾਮਲਾ ਸੀਮਤ ਨਹੀਂ ਰੱਖਿਆ ਹੈ। ਇਸ ਸਬੰਧ ਵਿਚ ਡਿਪਟੀ ਕਮਿਸ਼ਨਰ ਨੂੰ ਵੀ ਚਿੱਠੀ ਭੇਜੀ ਗਈ ਹੈ, ਜਿਸ ਵਿਚ ਬੇਨਤੀ ਕੀਤੀ ਗਈ ਹੈ ਕਿ ਜਿਹੜੀਆਂ ਕਾਲੋਨੀਆਂ ਵਿਚ ਸਬੰਧਤ ਕਾਲੋਨਾਈਜ਼ਰਾਂ ਦੀ ਮਲਕੀਅਤ ਵਾਲੇ ਖਾਲੀ ਪਲਾਟ ਮੌਜੂਦ ਹਨ, ਉਨ੍ਹਾਂ ਦੀ ਰਜਿਸਟਰੀ ਅਤੇ ਹੋਰ ਜਾਇਦਾਦ ਸਬੰਧੀ ਲੈਣ-ਦੇਣ ’ਤੇ ਤੁਰੰਤ ਰੋਕ ਲਾਈ ਜਾਵੇ। ਨਿਗਮ ਦਾ ਮੰਨਣਾ ਹੈ ਕਿ ਇਸ ਨਾਲ ਬਕਾਇਆ ਰਾਸ਼ੀ ਦੀ ਵਸੂਲੀ ਵਿਚ ਮਦਦ ਮਿਲੇਗੀ।
ਇਹ ਵੀ ਪੜ੍ਹੋ: ਪੰਜਾਬ 'ਚ 4 ਦਿਨ ਅਹਿਮ! ਭਾਰੀ ਮੀਂਹ ਤੇ ਹਨ੍ਹੇਰੀ-ਤੂਫ਼ਾਨ ਦਾ Alert, ਸਾਵਧਾਨ ਰਹਿਣ ਲੋਕ
ਮੇਅਰ ਨੇ ਦੱਸਿਆ ਕਿ ਸਾਲ 2013 ਅਤੇ 2018 'ਚ ਪੰਜਾਬ ਸਰਕਾਰ ਨੇ ਗ਼ੈਰ-ਕਾਨੂੰਨੀ ਕਾਲੋਨੀਆਂ ਨੂੰ ਰੈਗੂਲਰ ਕਰਨ ਲਈ ਵਿਸ਼ੇਸ਼ ਪਾਲਿਸੀ ਲਾਗੂ ਕੀਤੀ ਸੀ। ਉਸ ਸਮੇਂ ਵੱਡੀ ਗਿਣਤੀ ਵਿਚ ਕਾਲੋਨਾਈਜ਼ਰਾਂ ਨੇ ਆਪਣੀਆਂ ਕਾਲੋਨੀਆਂ ਨੂੰ ਰੈਗੂਲਰ ਕਰਵਾਉਣ ਲਈ ਅਪਲਾਈ ਕੀਤਾ ਸੀ ਪਰ ਤੈਅ ਵਿਕਾਸ (ਡਿਵੈੱਲਪਮੈਂਟ) ਫ਼ੀਸ ਅਤੇ ਹੋਰ ਦੇਣਦਾਰੀ ਰਾਸ਼ੀ ਦਾ ਸਿਰਫ਼ ਕੁਝ ਹਿੱਸਾ ਹੀ ਭੁਗਤਾਨ ਕੀਤਾ। ਇਸ ਦੇ ਬਾਅਦ ਤੋਂ ਕਰੋੜਾਂ ਰੁਪਏ ਦੀ ਰਾਸ਼ੀ ਨਗਰ ਨਿਗਮ ਕੋਲ ਬਕਾਇਆ ਚਲੀ ਆ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਨਿਗਮ ਲਗਾਤਾਰ ਇਨ੍ਹਾਂ ਬਕਾਇਆਂ ਦੀ ਵਸੂਲੀ ਦੇ ਯਤਨ ਕਰਦਾ ਰਿਹਾ ਹੈ ਪਰ ਕਈ ਕਾਲੋਨਾਈਜ਼ਰ ਭੁਗਤਾਨ ਤੋਂ ਬਚਦੇ ਰਹੇ। ਹੁਣ ਨਿਗਮ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਸਰਕਾਰੀ ਰੈਵੇਨਿਊ ਦੀ ਵਸੂਲੀ ਲਈ ਨਿਯਮਾਂ ਅਨੁਸਾਰ ਹਰ ਸੰਭਵ ਕਾਨੂੰਨੀ ਕਦਮ ਚੁੱਕਿਆ ਜਾਵੇਗਾ।
ਇਹ ਵੀ ਪੜ੍ਹੋ: SKM ਨੇ ਖੋਲ੍ਹਿਆ ਮੋਰਚਾ! 13 ਜੁਲਾਈ ਨੂੰ ਲੈ ਕੇ ਪੰਜਾਬ ਲਈ ਕੀਤਾ ਵੱਡਾ ਐਲਾਨ
ਇਨ੍ਹਾਂ ਕਾਲੋਨੀਆਂ ਨੂੰ ਕੱਟਣ ਵਾਲਿਆਂ ’ਤੇ ਕੱਸਿਆ ਸ਼ਿਕੰਜਾ
ਲੱਧੇਵਾਲੀ-ਹਿਮਾਚਲ ਜਨਹਿੱਤ ਸਭਾ ਸੋਸਾਇਟੀ, ਚੌਹਕਾਂ-ਸ਼ਾਲੀਮਾਰ ਗਾਰਡਨ ਕਾਲੋਨੀ ਫੇਜ਼-2, ਬਸਤੀ ਬਾਵਾ ਖੇਲ-ਪੰਨੂ ਇੰਡਸਟਰੀਅਲ ਐਸਟੇਟ, ਮਕਸੂਦਾਂ-ਅਮਨਦੀਪ ਐਵੇਨਿਊ ਐਕਸਟੈਨਸ਼ਨ, ਚੌਹਕਾਂ-ਅਮਨ ਕਾਲੋਨੀ, ਕਿੰਗਰਾ, ਸਤਕਰਤਾਰ ਨਗਰ, ਨੰਗਲ ਸ਼ਾਮਾ ਕੈਪਟਨ ਪ੍ਰੀਤਮ ਸਿੰਘ ਪਾਰਟਨਰ ਕਾਲੋਨੀ, ਸੁੱਚੀ ਪਿੰਡ ਵਿਚ ਕਾਲੋਨੀ, ਪਾਰਕ ਇੰਡਸਟਰੀਅਲ ਐਸਟੇਟ, ਲੱਧੇਵਾਲੀ-ਕਬੀਰ ਐਵੇਨਿਊ, ਬੂਟ ਪਿੰਡ ਕਿੰਗਰਾ, ਸਿਲਵਰ ਓਕ ਮਾਰਕੀਟ, ਕਾਲੀਆ ਕਾਲੋਨੀ ਐਕਸਟੈਨਸ਼ਨ, ਬੜਿੰਗ ਮਾਸਟਰ ਮਹਿੰਗਾ ਸਿੰਘ ਐਕਸਟੈਨਸ਼ਨ, ਬੜਿੰਗ ਕਾਲੋਨੀ, ਬੜਿੰਗ ਕਾਲੋਨੀ ਫੇਜ਼-2, ਨਿਊ ਉਦੈ ਨਗਰ, ਦਕੋਹਾ ਮਾਡਰਨ ਐਸਟੇਟ, ਬਸੰਤ ਕੁੰਜ, ਢਿੱਲਵਾਂ-ਸੈਨਿਕ ਵਿਹਾਰ, ਢਿੱਲਵਾਂ-ਤਾਰਾ ਐਨਕਲੇਵ, ਵਰਿਆਣਾ ਕਾਲੋਨੀ, ਕਿੰਗਰਾ ਮਹਿਤਾ ਐਨਕਲੇਵ, ਮਿੱਠਾਪੁਰ ਨਿਊ ਕਬੀਰ ਐਵੇਨਿਊ, ਚੌਹਕਾਂ ਸ਼ਿਵਪੁਰੀ ਵਿਹਾਰ, ਲੱਧੇਵਾਲੀ ਵਿਚ ਕਾਲੋਨੀਆਂ, ਗ੍ਰੀਨ ਫੀਲਡ ਵਰਿਆਣਾ, ਪਰਾਗਪੁਰ, ਕੋਟ ਸਦੀਕ, ਬੂਟਾ, ਚੱਕ ਜਿੰਦਾ, ਸੀ. ਟੀ. ਰੋਡ ਕਾਲੋਨੀ, ਫੋਲੜੀਵਾਲ, ਦਕੋਹਾ ਵਿਚ ਕਾਲੋਨੀ, ਸੁੱਚੀ ਪਿੰਡ-ਮੋਤੀ ਬਾਗ, ਢੱਡਾ ਕਿੰਗਸ ਸਿਟੀ ਐਕਸਟੈਨਸ਼ਨ, ਮਿੱਠਾਪੁਰ, ਸ਼ੇਖੇ-ਧਰਮ ਸੋਸਾਇਟੀ, ਗਦਾਈਪੁਰ, ਪਟਵਾਰੀ ਕਾਲੋਨੀ, ਚੱਕ ਹੁਸੈਨਾ, ਲੰਮਾ ਪਿੰਡ, ਐੱਸ. ਐੱਸ. ਚੱਠਾ ਕੰਪਲੈਕਸ, ਦਕੋਹਾ ਰਾਮ ਨਗਰ, ਗੁਲਮਰਗ ਐਵੇਨਿਊ ਐਕਸਟੈਨਸ਼ਨ, ਨਿਊ ਦਸਮੇਸ਼ ਨਗਰ ਐਕਸਟੈਨਸ਼ਨ, ਚੌਹਕਾਂ ਵਿਚ ਕਾਲੋਨੀ, ਕੈਪਟਨ ਕਾਲੋਨੀ, ਢਿੱਲੋਂ ਕਾਲੋਨੀ, ਜੀ. ਪੀ. ਡੀ. ਐਨਕਲੇਵ, ਚੌਗਿੱਟੀ ਪਟੇਲ ਨਗਰ ਕਾਲੋਨੀ, ਤਰਲੋਕ ਐਵੇਨਿਊ, ਗੁਰੂ ਨਾਨਕ ਐਵੇਨਿਊ, ਲਕਸ਼ਮੀ ਇੰਡਸਟਰੀਅਲ ਕੰਪਲੈਕਸ, ਕ੍ਰਿਸ਼ਨਾ ਐਨਕਲੇਵ, ਰੋਜ਼ ਐਨਕਲੇਵ, ਕਬੀਰ ਵਿਹਾਰ ਐਕਸਟੈਨਸ਼ਨ, ਤਲਵਿੰਦਰ ਕਾਲੋਨੀ, ਨੰਗਲ ਐਸਟੇਟ, ਬਸੰਤ ਨਗਰ, ਸ਼ਾਲੀਮਾਰ ਐਨਕਲੇਵ, ਗਦਾਈਪੁਰ, ਕਾਲੀਆ ਕਾਲੋਨੀ, ਸੰਜੇ ਗਾਂਧੀ ਨਗਰ, ਗੁਰੂ ਅੰਗਦ ਐਵੇਨਿਊ, ਤੂਰ ਐਨਕਲੇਵ, ਸ਼ਿਵ ਨਗਰ, ਨਿਊ ਕਾਲੋਨੀ, ਸਟਾਰ ਸਿਟੀ, ਵਿਕਾਸ ਪੁਰੀ, ਪੰਚਸ਼ੀਲ ਐਵੇਨਿਊ, ਨਿਊ ਡਿਫੈਂਸ ਕਾਲੋਨੀ ਫੇਜ਼-1, ਰਾਮ ਨਗਰ, ਰੈਡੀਸਨ ਐਨਕਲੇਵ ਫੇਜ਼-1
ਇਹ ਵੀ ਪੜ੍ਹੋ: ਜਲੰਧਰ-ਅੰਮ੍ਰਿਤਸਰ NH 'ਤੇ ਰੂਹ ਕੰਬਾਊ ਹਾਦਸਾ, ਇਕੋ ਪਰਿਵਾਰ ਦੇ 3 ਜੀਆਂ ਦੀ ਮੌਤ, ਕਾਰ ਦੇ ਉੱਡੇ ਪਰਖੱਚੇ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਕੂਲ 'ਚ ਲੱਗੀ ਅੱਗ! ਛੁੱਟੀ ਕਰ ਕੇ ਘਰ ਭੇਜੇ ਗਏ ਵਿਦਿਆਰਥੀ
NEXT STORY 
