ਚੰਡੀਗੜ੍ਹ/ਰੂਪਨਗਰ (ਸ਼ੀਨਾ) : ਕਲਪਨਾ ਕਰੋ ਤੁਸੀਂ ਅਧਿਆਪਕ ਹੋ ਪਰ ਤੁਹਾਨੂੰ ਆਪਣੇ ਵਿਦਿਆਰਥੀਆਂ ਦੀ ਆਵਾਜ਼ ਹੀ ਨਹੀਂ ਸੁਣਾਈ ਦਿੰਦੀ। ਰੋਜ਼ਾਨਾ ਕਲਾਸਰੂਮ ’ਚ ਜਾਣਾ ਪਰ ਅੰਦਰੋਂ ਇਕ ਖਾਮੋਸ਼ ਦੁਨੀਆ ’ਚ ਕੈਦ ਰਹਿਣਾ। ਇਹੀ ਜ਼ਿੰਦਗੀ ਸੀ, ਰੋਪੜ ਨੇੜੇ ਜਗਤੇਵਾਲ ਪਿੰਡ ਦੀ ਅਧਿਆਪਕਾ ਸਰਬਜੀਤ ਕੌਰ ਦੀ। ਦੋਵੇਂ ਕੰਨਾਂ ਤੋਂ ਸੁਣਾਈ ਦੇਣਾ ਬੰਦ, ਇਕ ਕੰਨ ਵਹਿੰਦਾ ਵੀ ਸੀ। ਸੁਣਨ ਵਾਲੀਆਂ ਮਸ਼ੀਨਾਂ ਅਜ਼ਮਾਈਆਂ ਪਰ ਕੋਈ ਫ਼ਾਇਦਾ ਨਹੀਂ ਹੋਇਆ। ਪਹਿਲਾਂ ਸਰਜਰੀ ਵੀ ਕਰਵਾਈ ਮਗਰ ਬੇਅਸਰ ਰਹੀ। ਲੱਗਦਾ ਸੀ, ਜਿਵੇਂ ਜ਼ਿੰਦਗੀ ਅਤੇ ਕਰੀਅਰ ਦੋਵੇਂ ਹੱਥੋਂ ਨਿਕਲ ਰਹੇ ਹਨ। ਜੀ. ਐੱਮ. ਸੀ. ਐੱਚ.-32 ’ਚ ਈ. ਐੱਨ. ਟੀ. ਮਾਹਰ ਡਾ. ਸੁਰਿੰਦਰ ਕੇ ਸਿੰਘਾਲ ਤੇ ਉਨ੍ਹਾਂ ਦੀ ਟੀਮ ਨੇ ਸਰਬਜੀਤ ਕੌਰ ਦੀ ਜ਼ਿੰਦਗੀ ਬਦਲਣ ਦਾ ਫ਼ੈਸਲਾ ਕੀਤਾ। ਉੱਤਰੀ ਭਾਰਤ ’ਚ ਪਹਿਲੀ ਵਾਰ ਓਸੀਆ 3 ਬੋਨ-ਐਂਕਰ ਹੇਅਰਿੰਗ ਸਿਸਟਮ ਦੀ ਸਰਜਰੀ ਕੀਤੀ। ਇਹ ਕੋਈ ਆਮ ਸਰਜਰੀ ਨਹੀਂ ਸੀ। ਮੈਗਨੇਟ ਤੇ ਮੈਟਲ ਦਾ ਬਣਿਆ ਸਿਰਫ਼ 2.5 ਸੈਂਟੀਮੀਟਰ ਦਾ ਛੋਟਾ ਯੰਤਰ ਕੰਨ ਦੇ ਪਿੱਛੇ ਦੀ ਹੱਡੀ ’ਚ ਇੰਪਲਾਂਟ ਕੀਤਾ ਗਿਆ। ਇਹ ਯੰਤਰ ਕੰਨ ਦੀਆਂ ਸਾਰੀਆਂ ਰੁਕਾਵਟਾਂ ਨੂੰ ਬਾਈਪਾਸ ਕਰਕੇ ਸਿੱਧਾ ਹੱਡੀ ਰਾਹੀਂ ਵਾਈਬ੍ਰੇਸ਼ਨ ਭੇਜਦਾ ਹੈ ਅਤੇ ਦਿਮਾਗ਼ ਤੱਕ ਸਾਫ਼ ਆਵਾਜ਼ ਪਹੁੰਚਦੀ ਹੈ।
ਇਹ ਵੀ ਪੜ੍ਹੋ : ਬਿਜਲੀ ਬਿੱਲ ਨਾ ਭਰਨ ਵਾਲਿਆਂ ਲਈ ਵੱਡੀ ਖ਼ਬਰ, ਨਹੀਂ ਮਿਲੇਗੀ ਕੋਈ ਵੀ ਰਾਹਤ, ਪਾਵਰਕਾਮ ਨੇ...
ਇਹ ਪਲ ਮੇਰੇ ਲਈ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ : ਅਧਿਆਪਕਾ
ਸਰਜਰੀ ਤੋਂ ਚਾਰ ਹਫ਼ਤੇ ਬਾਅਦ ਜਦੋਂ ਡਿਵਾਈਸ ਐਕਟੀਵੇਟ ਕੀਤੀ ਗਈ, ਉਸ ਪਲ ਦਾ ਅਹਿਸਾਸ ਸ਼ਬਦਾਂ ’ਚ ਬਿਆਨ ਕਰਨਾ ਮੁਸ਼ਕਲ ਹੈ। ਸਾਲਾਂ ਦੀ ਖਾਮੋਸ਼ੀ ਤੋਂ ਬਾਅਦ ਪਰਿਵਾਰ ਦੀਆਂ ਅਤੇ ਵਿਦਿਆਰਥੀਆਂ ਦੀਆਂ ਆਵਾਜ਼ਾਂ ਸੁਣਾਈ ਦਿੱਤੀਆਂ, ਉਹ ਵੀ ਸਾਫ਼-ਸੁਥਰੀਆਂ। ਸਰਬਜੀਤ ਕੌਰ ਨੇ ਕਿਹਾ ਕਿ ਇਹ ਪਲ ਉਨ੍ਹਾਂ ਲਈ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ। ਉਨ੍ਹਾਂ ਵਿਦਿਆਰਥੀ ਪ੍ਰਬੰਧਨ ਅਤੇ ਸਾਥੀਆਂ ਨਾਲ ਗੱਲਬਾਤ ਬਹੁਤ ਮੁਸ਼ਕਲ ਲੱਗ ਰਿਹਾ ਸੀ ਪਰ ਸਰਜਰੀ ਤੋਂ ਬਾਅਦ ਹੁਣ ਉਹ ਸਾਫ਼ ਸੁਣ ਪਾ ਰਹੇ ਹਨ। ਅਧਿਆਪਕ ਲਈ ਸੰਚਾਰ ਹੀ ਸਭ ਕੁੱਝ ਹੁੰਦਾ ਹੈ ਤੇ ਉਹ ਇਸ ਨੂੰ ਗੁਆ ਬੈਠੇ ਸਨ। ਅੱਜ ਉਨ੍ਹਾਂ ਲੱਗਦਾ ਹੈ ਕਿ ਜ਼ਿੰਦਗੀ ਤੇ ਕਰੀਅਰ ਵਾਪਸ ਆ ਗਿਆ ਹੈ।
ਇਹ ਵੀ ਪੜ੍ਹੋ : ਚੰਡੀਗੜ੍ਹ ’ਚ ਜਨਗਣਨਾ 2027 ਦਾ ਸ਼ਡਿਊਲ ਜਾਰੀ, ਸਵੈ-ਗਣਨਾ ਤੇ ਮਕਾਨਾਂ ਦੀ ਸੂਚੀ ਲਈ ਤਾਰੀਖਾਂ ਦਾ ਐਲਾਨ
‘ਓਸੀਆ 3’ ਆਧੁਨਿਕ ਡਿਜੀਟਲ ਤਕਨਾਲੋਜੀ
ਜੀ.ਐੱਮ.ਸੀ.ਐੱਚ.-32 ਦੇ ਈ.ਐੱਨ.ਟੀ. ਵਿਭਾਗ ਦੇ ਪ੍ਰੋਫੈਸਰ ਤੇ ਸਾਬਕਾ ਐੱਚ.ਓ.ਡੀ. ਡਾ. ਸੁਰਿੰਦਰ ਕੇ ਸਿੰਘਾਲ ਦੇ ਦੱਸਿਆ ਕਿ ਜਿਨ੍ਹਾਂ ਮਰੀਜ਼ਾਂ ਨੂੰ ਆਮ ਸੁਣਨ ਮਸ਼ੀਨਾਂ ਕੋਈ ਫ਼ਾਇਦਾ ਨਹੀਂ ਦਿੰਦੀਆਂ, ਜਿਵੇਂ ਮਿਕਸਡ ਹੇਅਰਿੰਗ ਲੌਸ ਜਾਂ ਇਕ ਪਾਸੇ ਦਾ ਮੁਕੰਮਲ ਬਹਿਰਾਪਣ, ਉਨ੍ਹਾਂ ਲਈ ਓਸੀਆ-3 ਨਵੀਂ ਉਮੀਦ ਹੈ ਅਤੇ ਹੁਣ ਇਹ ਉਮੀਦ ਉੱਤਰੀ ਭਾਰਤ ’ਚ ਪਹਿਲੀ ਵਾਰ ਜੀ. ਐੱਮ. ਸੀ. ਐੱਚ.-32 ’ਚ ਹਕੀਕਤ ਬਣ ਚੁੱਕੀ ਹੈ। ਮਰੀਜ਼ ਸਰਬਜੀਤ ਨੂੰ ਦੋਵੇਂ ਕੰਨਾਂ ਤੋਂ ਸੁਣਨ ’ਚ ਦਿੱਕਤ ਸੀ ਅਤੇ ਇਕ ਕੰਨ ਵਹਿੰਦਾ ਵੀ ਸੀ, ਉਨ੍ਹਾਂ ਪਹਿਲਾਂ ਵੀ ਸਰਜਰੀ ਕਰਵਾਈ ਸੀ ਪਰ ਅਸਰਦਾਰ ਨਾ ਹੋਣ ਕਾਰਨ ਉਸ ਨੂੰ ਫਿਰ ਦਿੱਕਤ ਸ਼ੁਰੂ ਹੋ ਗਈ ਸੀ। ਇਸ ਸਰਜਰੀ ਤੋਂ ਬਾਅਦ ਹੁਣ ਉਹ ਸਾਫ਼ ਸੁਣ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਕੁੱਝ ਖਾਸ ਕਿਸਮਾਂ ਦੀ ਸੁਣਨ ਦੀ ਕਮੀ ਜਿਵੇਂ ਉੱਚਾ-ਨੀਵਾਂ ਦੋਵੇਂ ਕੰਨਾਂ ਤੋਂ ਸੁਣਨ ਦਾ ਨੁਕਸਾਨ, ਜਾਂ ਇਕ ਪਾਸੇ ਦਾ ਬਹਿਰਾਪਣ, ਜੋ ਆਮ ਸੁਣਨ ਵਾਲੀ ਮਸ਼ੀਨਾਂ ਨਾਲ ਨਹੀਂ ਸੁਧਾਰ ਪਾਉਂਦੇ। ਇਹ ਯੰਤਰ ਅਕਸਰ ਬੇਅਸਰ ਹੁੰਦੇ ਹਨ। ‘ਓਸੀਆ 3’ ਆਧੁਨਿਕ ਡਿਜੀਟਲ ਤਕਨਾਲੋਜੀ ਸਿਸਟਮ ਦੀ ਸਰਜਰੀ ਨਾਲ ਕੰਨ ਤੇ ਅੰਦਰ ਤੱਕ ਸੁਣਨ ਦੀ ਰੁਕਾਵਟਾਂ ਨੂੰ ਬਾਈਪਾਸ ਕਰਦਾ ਹੈ। ਇਹ ਹੱਡੀ ਰਾਹੀਂ ਵਾਈਬ੍ਰੇਸ਼ਨ ਭੇਜਦਾ ਹੈ। ਇਸ ਨਾਲ ਦੁਬਾਰਾ ਸਾਫ਼ ਸੁਣਨਾ ਸੰਭਵ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਏਅਰ ਐਂਬੂਲੈਂਸ ਕ੍ਰੈਸ਼ 'ਚ ਅੰਮ੍ਰਿਤਸਰ ਦੇ ਪਾਇਲਟ ਦੀ ਦਰਦਨਾਕ ਮੌਤ ! ਇਲਾਕੇ 'ਚ ਫੈਲੀ ਸੋਗ ਦੀ ਲਹਿਰ
NEXT STORY 
