ਮੋਗਾ (ਗੋਪੀ ਰਾਊਕੇ): ਮੋਗਾ ਦੇ ਪਿੰਡ ਰਾਮੂੰਵਾਲਾ ਨਵਾਂ ਦੇ ਇੱਕ ਘਰ 'ਚੋਂ ਨੀਹਾਂ ਦੀ ਖੁਦਾਈ ਕਰਦੇ ਸਮੇਂ ਇਕ ਘਰ 'ਚੋਂ ਬੰਬ ਨੁਮਾ ਚੀਜ ਮਿਲੀ ਹੈ। ਜਾਣਕਾਰੀ ਅਨੁਸਾਰ ਮਿਲਵੰਤ ਸਿੰਘ ਪੁੱਤਰ ਸਾਧੂ ਸਿੰਘ ਆਪਣਾ ਨਵਾਂ ਮਕਾਨ ਬਣਾਉਣ ਲਈ ਪੁਰਾਣੇ ਕਮਰਿਆਂ ਦੀ ਢੋਆ-ਢੁਹਾਈ ਕਰ ਰਿਹਾ ਸੀ ਤਾਂ ਮਜਦੂਰ ਜਦੋਂ ਪੁਰਾਣੀ ਕੰਧ ਦੀ ਨੀਂਹ ਪੁੱਟ ਰਹੇ ਸਨ ਤਾਂ ਲੋਹੇ ਦੀ ਬੰਬ ਨੁਮਾ ਚੀਜ ਮਿਲੀ। ਉਨ੍ਹਾਂ ਨੇ ਪਿੰਡ ਦੇ ਹੀ ਮੁਲਾਜ਼ਮ ਇਕਬਾਲ ਸਿੰਘ ਨੂੰ ਸੱਦਿਆ ਤਾਂ ਉਸ ਨੇ ਘਰਦਿਆਂ ਨੂੰ ਇਸ ਦੀ ਸੂਚਨਾ ਦੇਣ ਲਈ ਥਾਣੇ ਜਾਣ ਨੂੰ ਕਿਹਾ।
ਉਨ੍ਹਾਂ ਵਲੋਂ ਥਾਣਾ ਮਹਿਣਾ ਜਾ ਕੇ ਇਸ ਦੀ ਸੂਚਨਾ ਦਿੱਤੀ ਤਾਂ ਤੁਰੰਤ ਹੀ ਐੱਸ.ਐੱਚ ਓ. ਜਸਵਿੰਦਰ ਸਿੰਘ ਮੌਕੇ ਤੇ ਪਹੁੰਚੇ ਤੇ ਸਾਰੀ ਸੂਚਨਾ ਡੀ.ਐੱਸ.ਪੀ. ਧਰਮਕੋਟ ਨੂੰ ਦਿੱਤੀ ਤਾਂ ਡੀ.ਐਸ.ਪੀ ਯਾਦਵਿੰਦਰ ਸਿੰਘ ਨੇ ਮੌਕੇ 'ਤੇ ਪਹੁੰਚ ਕੇ ਇਸ ਨੂੰ ਪਿੰਡ ਦੇ ਬਾਹਰਵਾਰ ਬਣੀ ਸੇਮ ਕੋਲ ਰਖਵਾ ਕੇ ਮਾਮਲਾ ਉੱਚ ਅਧਿਕਾਰੀਆਂ ਦੇ ਧਿਆਨ ਚ ਲਿਆ ਦਿੱਤਾ ਹੈ।
ਐੱਸ. ਜੀ. ਪੀ. ਸੀ. ਨੂੰ ਤੋੜਨ ਦੀ ਇਜਾਜ਼ਤ ਕਿਸੇ ਨੂੰ ਨਹੀਂ : ਸੁਖਬੀਰ
NEXT STORY 
