ਨਵਾਂਸ਼ਹਿਰ (ਤ੍ਰਿਪਾਠੀ)—ਨਵਾਂਸ਼ਹਿਰ 'ਚ ਇਸ ਸਾਲ ਜਨਵਰੀ ਤੋਂ ਹੁਣ ਤੱਕ ਕੁੱਲ ਵੱਖ-ਵੱਖ ਥਾਣਿਆਂ 'ਚ 1240 ਪੁਲਸ ਮਾਮਲੇ ਦਰਜ ਕੀਤੇ ਗਏ ਹਨ ਜਦੋਂਕਿ ਬੀਤੇ ਸਾਲ 2017 'ਚ ਕੁੱਲ 1379 ਪੁਲਸ ਮਾਮਲੇ ਦਰਜ ਹੋਏ ਸਨ, ਜਿਸ ਨਾਲ ਸਪੱਸ਼ਟ ਹੁੰਦਾ ਹੈ ਕਿ ਇਸ ਵਾਰ ਜ਼ਿਲੇ 'ਚ ਅਪਰਾਧਿਕ ਮਾਮਲਿਆਂ 'ਚ ਪਹਿਲਾਂ ਤੋਂ ਕਮੀ ਆਈ ਹੈ। ਹਾਲਾਂਕਿ ਸਾਲ 2017 'ਚ ਕਤਲ ਦੇ ਕੁੱਲ 8 ਮਾਮਲੇ ਦਰਜ ਹੋਏ ਸਨ ਜਿਨ੍ਹਾਂ ਵਿਚ ਪੁਲਸ ਉਕਤ ਸਾਰੇ ਮਾਮਲਿਆਂ ਨੂੰ ਹੱਲ ਕਰਨ 'ਚ ਸਫਲ ਰਹੀ ਹੈ ਪਰ ਇਸ ਸਾਲ ਕਤਲ ਦੇ ਮਾਮਲਿਆਂ 'ਚ ਵਾਧਾ ਹੋਇਆ ਹੈ। ਜ਼ਿਲੇ ਦੇ ਵੱਖ-ਵੱਖ ਥਾਣਿਆਂ 'ਚ ਦਰਜ ਕੁੱਲ 10 'ਚੋਂ ਪੁਲਸ ਹੱਤਿਆ ਦੇ 8 ਮਾਮਲਿਆਂ ਨੂੰ ਹੱਲ ਕਰਨ 'ਚ ਸਫਲ ਰਹੀ ਹੈ, ਜਿਸ 'ਚ ਥਾਣਾ ਸਿਟੀ ਨਵਾਂਸ਼ਹਿਰ ਅਧੀਨ ਆਉਂਦੇ ਪਿੰਡ ਬੇਗਮਪੁਰ 'ਚ ਕਲੰਦਰ ਗਿਰੋਹ ਦੁਆਰਾ ਐੱਨ. ਆਰ. ਆਈ. ਦੀ ਹੱਤਿਆ ਅਤੇ ਪਿੰਡ ਔੜ 'ਚ ਰਿਸ਼ਤੇ ਵਿਚ ਲਗਦੇ ਦਿਓਰ ਵੱਲੋਂ ਨਾਜਾਇਜ਼ ਸਬੰਧਾਂ ਕਰ ਕੇ ਭਰਜਾਈ ਦੀ ਹੱਤਿਆ ਦਾ ਮਾਮਲਾ ਪ੍ਰਮੁੱਖ ਹੈ। ਸਾਲ ਭਰ 'ਚ ਹੋਏ ਅਪਰਾਧਿਕ ਮਾਮਲਿਆਂ ਦਾ ਵੇਰਵਾ ਇਸ ਤਰ੍ਹਾਂ ਹੈ।
ਜ਼ਿਲੇ 'ਚ ਹੋਏ 10 ਕਤਲ ਦੇ ਮਾਮਲਿਆਂ ਦਾ ਤਰੀਕ ਸਮੇਤ ਵਿਵਰਣ12 ਜਨਵਰੀ ਨੂੰ ਥਾਣਾ ਸਿਟੀ ਨਵਾਂਸ਼ਹਿਰ ਦੀ ਚਰਚ ਕਾਲੋਨੀ 'ਚ ਔਰਤ ਦੀ ਹੱਤਿਆ, 30 ਜਨਵਰੀ ਨੂੰ ਥਾਣਾ ਬਹਿਰਾਮ ਅਧੀਨ ਆਉਂਦੇ ਪਿੰਡ ਖੋਤੜਾ ਦੇ ਖੇਤਾਂ 'ਚ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਮਿਲੀ। ਉਕਤ ਵਿਅਕਤੀ ਦੀ ਹੱਤਿਆ ਕਰ ਕੇ ਖੇਤਾਂ 'ਚ ਸੁੱਟਿਆ ਗਿਆ ਸੀ, 28 ਮਈ ਨੂੰ ਥਾਣਾ ਬਲਾਚੌਰ ਦੇ ਪਿੰਡ ਮਹਿਤਪੁਰ 'ਚ ਔਰਤ ਦੀ ਹੱਤਿਆ, 30 ਮਈ ਨੂੰ ਥਾਣਾ ਬਲਾਚੌਰ ਦੇ ਪਿੰਡ ਠਠਿਆਲਾ 'ਚ 32 ਸਾਲਾ ਔਰਤ ਦੀ ਹੱਤਿਆ, 7 ਜੂਨ ਨੂੰ ਥਾਣਾ ਕਾਠਗੜ੍ਹ 'ਚ 60-65 ਸਾਲ ਦੇ ਵਿਅਕਤੀ ਦਾ ਕਤਲ, 10 ਅਗਸਤ ਨੂੰ ਥਾਣਾ ਬਲਾਚੌਰ 'ਚ 22 ਸਾਲਾ ਲੜਕੀ ਦਾ ਕਤਲ ਹਾਲਾਂਕਿ ਪੁਲਸ ਵੱਲੋਂ ਪਹਿਲਾਂ 363-366 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ। 15 ਅਗਸਤ ਨੂੰ ਥਾਣਾ ਕਾਠਗੜ੍ਹ ਦੇ ਪਿੰਡ ਸਰਿੰਗਪੁਰ ਪੰਜ ਪੇੜਾ 'ਚ 18 ਸਾਲਾ ਲੜਕੇ ਲਭਪ੍ਰੀਤ ਸਿੰਘ ਦਾ ਕਤਲ, 19 ਸਤੰਬਰ ਨੂੰ ਥਾਣਾ ਬੰਗਾ ਅਧੀਨ ਪੈਂਦੇ ਪਿੰਡ ਮਜਾਰੀ 'ਚ 55 ਸਾਲਾ ਵਿਅਕਤੀ ਦਾ ਕਤਲ, 11 ਅਕਤੂਬਰ ਨੂੰ ਥਾਣਾ ਬਲਾਚੌਰ ਦੇ ਪਿੰਡ ਡੁਗਰੀ ਵੇਟ 'ਚ 70 ਸਾਲਾ ਔਰਤ ਦਾ ਕਤਲ, 19 ਨਵੰਬਰ ਨੂੰ ਥਾਣਾ ਔੜ 'ਚ ਨਾਜਾਇਜ਼ ਸਬੰਧਾਂ ਕਰ ਕੇ ਦਿਓਰ ਵੱਲੋਂ ਭਰਜਾਈ ਦੇ ਕਤਲ ਦਾ ਮਾਮਲਾ ਦਰਜ ਕੀਤਾ ਗਿਆ।
ਜ਼ਿਲੇ 'ਚ ਐੱਨ. ਡੀ. ਪੀ. ਐੱਸ. ਐਕਟ ਤਹਿਤ ਦਰਜ ਪੁਲਸ ਮਾਮਲਿਆਂ ਦਾ ਵੇਰਵਾ
ਰਾਹੋਂ ਥਾਣਾ ਪੁਲਸ ਨੇ 2 ਜਨਵਰੀ ਨੂੰ 1 ਕਿਲੋ ਹੈਰੋਇਨ ਬਰਾਮਦ ਕੀਤੀ, 21 ਫਰਵਰੀ ਨੂੰ ਥਾਣਾ ਕਾਠਗੜ੍ਹ ਦੀ ਪੁਲਸ ਨੇ 760 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ, 27 ਜੂਨ ਨੂੰ ਥਾਣਾ ਬਹਿਰਾਮ ਦੀ ਪੁਲਸ ਨੇ 100 ਕਿਲੋ ਚੂਰਾ ਪੋਸਤ ਬਰਾਮਦ ਕੀਤਾ, 27 ਜੂਨ ਨੂੰ ਥਾਣਾ ਸਿਟੀ ਨਵਾਂਸ਼ਹਿਰ ਦੀ ਪੁਲਸ ਨੇ 60 ਕਿਲੋਗ੍ਰਾਮ ਚੂਰਾ ਪੋਸਤ ਬਰਾਮਦ ਕੀਤਾ, 15 ਸਤੰਬਰ ਨੂੰ ਥਾਣਾ ਬਲਾਚੌਰ ਦੀ ਪੁਲਸ ਨੇ 135 ਕਿਲੋਗ੍ਰਾਮ ਚੂਰਾ ਪੋਸਤ ਬਰਾਮਦ ਕੀਤਾ, 26 ਸਤੰਬਰ ਨੂੰ ਥਾਣਾ ਬਹਿਰਾਮ ਦੀ ਪੁਲਸ ਨੇ ਢਾਈ ਕਿਲੋ ਅਫੀਮ ਬਰਾਮਦ ਕੀਤੀ, 4 ਅਕਤੂਬਰ ਨੂੰ ਰਾਹੋਂ ਦੀ ਪੁਲਸ ਨੇ 350 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ, 29 ਨਵੰਬਰ ਥਾਣਾ ਨਵਾਂਸ਼ਹਿਰ ਦੀ ਪੁਲਸ ਨੇ 350 ਗ੍ਰਾਮ ਹੈਰੋਇਨ ਬਰਾਮਦ ਕੀਤੀ ਜਦਕਿ 9 ਦਸੰਬਰ ਨੂੰ ਥਾਣਾ ਸਦਰ ਬੰਗਾ ਦੀ ਪੁਲਸ ਨੇ 60 ਕਿਲੋਗ੍ਰਾਮ ਚੂਰਾ ਪੋਸਤ ਬਰਾਮਦ ਕੀਤਾ।
ਪੱਤਰਕਾਰੀ ਦੀ ਆੜ 'ਚ ਬਲੈਕਮੇਲਿੰਗ ਦਾ ਧੰਦਾ ਕਰਨ ਵਾਲੇ 4 ਗ੍ਰਿਫਤਾਰ
NEXT STORY 
