ਪਟਿਆਲਾ—ਪਟਿਆਲਾ 'ਚ ਅਕਾਲੀ ਭਾਜਪਾ ਉਮੀਦਵਾਰ ਸੁਰਜੀਤ ਸਿੰਘ ਰੱਖੜਾ ਦੇ ਮੰਗਲਵਾਰ ਨੂੰ ਉਸ ਸਮੇਂ ਹੋਸ਼ ਉੱਡ ਗਏ,ਜਦੋਂ ਜ਼ਿਲਾ ਚੋਣ ਕਮਿਸ਼ਨ ਨੇ ਇਕ ਜਨਸਭਾ 'ਚ 300 ਕਿਲੋ ਕਾਜੂ ਖਾਣ-ਖਿਲਾਉਣ ਦੇ ਚੱਕਰ 'ਚ 2 ਲੱਖ 20 ਹਜ਼ਾਰ ਰੁਪਏ ਦਾ ਖਰਚਾ ਚੋਣ ਖਰਚੇ 'ਚ ਜੋੜ ਦਿੱਤਾ। ਜਿਵੇਂ ਹੀ ਪਤਾ ਚੱਲਿਆ ਤਾਂ ਕੁਰਸੀ 'ਤੇ ਬੈਠੇ ਰੱਖੜਾ ਇਕ ਦਮ ਖੜ੍ਹੇ ਹੋ ਗਏ। ਉਨ੍ਹਾਂ ਨੇ ਤੁਰੰਤ ਆਪਣੇ ਰਜਿਸਟਰ ਤੋਂ ਸਰਕਾਰੀ ਰਜਿਸਟਰ ਦਾ ਮਿਲਾਣ ਕਰਨ ਦੀ ਪੇਸ਼ਕਸ਼ ਖਰਚਾ ਆਬਜ਼ਰਵਰ ਨੂੰ ਕੀਤੀ। ਪਰ ਸਵਾਲ 3 ਕੁਇੰਟਲ ਕਾਜੂ ਲੋਕਾਂ ਨੂੰ ਖਿਲਾਉਣ ਦਾ ਸੀ, ਇਸ ਲਈ ਗੱਲ ਚੋਣ ਆਬਜ਼ਵਰ ਨੂੰ ਖੁਦ ਹਜਮ ਨਹੀਂ ਹੋਈ ਤਾਂ ਉਨ੍ਹਾਂ ਨੇ ਅਫਸਰ ਨੂੰ ਤੁਰੰਤ ਹਾਜ਼ਰ ਹੋਣ ਨੂੰ ਕਿਹਾ। ਰਜਿਸਟਰ ਮਿਲਾਣ 'ਤੇ ਪਤਾ ਚੱਲਿਆ ਕਿ ਏ.ਆਰ.ਓ. ਨੇ ਗਲਤੀ ਨਾਲ ਕਾਜੂ 300ਗ੍ਰਾਮ ਨੂੰ 300 ਕਿਲੋ ਲਿੱਖ ਦਿੱਤਾ ਸੀ। ਇਸੇ ਗੱਲ ਤੋਂ ਡਰ ਕੇ ਪ੍ਰਨੀਤ ਨੇ ਸਭਾ ਦੌਰਾਨ ਮੰਚ 'ਤੇ ਰੱਖੇ ਕਾਜੂ ਨੂੰ ਢੱਕ ਦਿੱਤਾ।
ਚਾਹ-ਸਮੋਸੇ ਅਤੇ ਫੁੱਲ-ਮਾਲਾ ਤੱਕ ਦੇ ਭਾਅ ਨਿਰਧਾਰਿਤ
ਚੋਣ ਕਮਿਸ਼ਨ ਨੇ ਉਮੀਦਵਾਰਾਂ ਨੂੰ ਚੋਣ ਪ੍ਰਚਾਰ ਦੌਰਾਨ 70 ਲੱਖ ਦਾ ਖਰਚਾ ਕਰਨ ਦੀ ਸੀਮਾ ਨਿਰਧਾਰਿਤ ਕੀਤੀ ਹੈ। ਚਾਹ-ਸਮੋਸਾ ਤੋਂ ਲੈ ਕੇ ਫੁੱਲ-ਮਾਲਾ ਤੱਕ ਦੇ ਭਾਅ ਨਿਰਧਾਰਿਤ ਹਨ। ਖਰਚੇ ਦਾ ਲੇਖਾ-ਜੋਖਾ ਦਰਜ ਵੱਖ ਤੋਂ ਰਜਿਸਟਰ ਹੈ। ਉੱਥੇ ਲੈਣ-ਦੇਣ ਦੀ ਰਸਦੀ ਵੀ ਦਿਖਾਉਣੀ ਹੋਵੇਗੀ। ਲੇਖਾ-ਜੋਖਾ ਨਾ ਦੇਣ 'ਤੇ ਸਖਤ ਕਾਰਵਾਈ ਹੋ ਸਕਦੀ ਹੈ।
ਇਕ ਰੁਪਇਆ ਵਧਿਆ ਚਾਹ ਅਤੇ ਸਮੋਸੇ 'ਤੇ
ਕਮਿਸ਼ਨ ਨੇ ਇਸ ਵਾਰ ਚਾਹ ਅਤੇ ਸਮੋਸੇ ਦੀ ਕੀਮਤ ਵਧਾ ਕੇ 6 ਰੁਪਏ ਕਰ ਦਿੱਤੀ ਹੈ, ਜਦਕਿ ਪਹਿਲਾਂ ਇਹ ਕੀਮਤ 5 ਰੁਪਏ ਸੀ। ਕਮਿਸ਼ਨ ਦੀ ਸੂਚੀ 'ਚ ਚਿਕਨ ਥਾਲੀ ਦੀ ਕੀਮਤ 300 ਰੁਪਏ ਅਤੇ ਸ਼ਾਕਾਹਾਰੀ ਥਾਲੀ 50 ਰੁਪਏ ਤੈਅ ਕੀਤੀ ਗਈ। ਇਸ ਦੇ ਇਲਾਵਾ ਆਲਪਿਨਸ ਫਾਈਲ ਕਵਰ, ਕੁਰਸੀ ਟੈਂਚ ਦਾ ਰੇਟ ਵੀ ਫਿਕਸ ਹੈ।
ਇਸ ਦਿਨ 'ਚ 10 ਹਜ਼ਾਰ ਕੈਸ਼ ਹੀ ਦੇ ਸਕਦੇ ਹਨ ਕਾਰਜਕਰਤਾ ਨੂੰ
ਉਮੀਦਵਾਰ ਇਸ ਦਿਨ 'ਚ ਕਿਸੇ ਵੀ ਕਾਰਜਕਰਤਾ ਨੂੰ 10 ਹਜ਼ਾਰ ਤੋਂ ਵਧ ਕੈਸ਼ ਨਹੀਂ ਦੇ ਸਕਦੇ ਹਨ। ਇਸ ਦੇ ਇਲਾਵਾ ਜੋ ਵੀ ਖਰਚਾ ਆਵੇਗਾ, ਉਸ ਉਮੀਦਵਾਰ ਨੂੰ ਚੈੱਕ ਜਾਂ ਨੈੱਟ ਬੈਕਿੰਗ ਤੋਂ ਕਰਨਾ ਹੋਵੇਗਾ। ਰਜਿਸਟਰ 'ਤੇ ਵੀ ਦਰਜ ਕਰਨਾ ਹੋਵੇਗਾ। ਚੋਣ ਦੇ ਬਾਅਦ ਰਜਿਸਟਰ ਖਜਾਨਾ ਦਫਤਰ 'ਚ ਜਮ੍ਹਾ ਹੋਵੇਗਾ। ਕਮਿਸ਼ਨ ਦੇ ਦਫਤਰ ਕਿਸੇ ਵੀ ਸਮੇਂ ਇਸ ਰਜਿਸਟਰ ਨੂੰ ਚੈੱਕ ਕਰ ਸਕਦੇ ਹਨ।
ਮੰਚ 'ਤੇ ਬੈਠੀ ਪ੍ਰਨੀਤ, ਨਾਸ਼ਤਾ ਵੀ ਲੁਕਾ ਕੇ ਕੀਤਾ
ਹਲਕਾ ਸਮਾਣਾ 'ਚ ਪੈਂਦੇ ਪਿੰਡ ਕਰਹਾਲੀ ਸਾਹਿਬ 'ਚ ਸਭਾ ਕਰਨ ਪਹੁੰਚੀ ਕਾਂਗਰਸ ਪਾਰਟੀ ਤੋਂ ਉਮੀਦਵਾਰ ਪ੍ਰਨੀਤ ਕੌਰ ਦੇ ਸੁਆਗਤ 'ਚ ਪਾਣੀ ਦੀ ਬੋਤਲ ਦੇ ਨਾਲ ਕਾਜੂ ਰੱਖੇ ਗਏ ਤਾਂ ਉਨ੍ਹਾਂ ਨੇ ਕਾਜੂ ਵਾਪਸ ਲੈਣ ਜਾਣ ਨੂੰ ਕਹਿ ਦਿੱਤਾ। ਜਦੋਂ ਗੱਲ ਨਹੀਂ ਬਣੀ ਤਾਂ ਪ੍ਰਨੀਤ ਨੇ ਕਾਜੂ ਢੱਕ ਦਿੱਤੇ। ਚੋਣ ਅਮਲਾ ਕਾਜੂ ਦਾ ਖਰਚਾ ਰਜਿਸਟਰ 'ਚ ਨਾ ਨੋਟ ਕਰ ਦੇਵੇ।
ਭਾਰਤ ਸਰਕਾਰ ਨੇ ਪਾਕਿ ਦੇ 16 ਕੈਦੀ ਕੀਤੇ ਰਿਹਾਅ
NEXT STORY 
