6 ਸਾਲ ਪਹਿਲਾਂ ਖ਼ਰੀਦੇ ਮਕਾਨ ’ਚੋਂ ਬਰਾਮਦ ਹੋਏ ਤੋਪ ਦੇ 2 ਗੋਲੇ, ਪੁਲਸ ਨੇ ਕਬਜ਼ੇ ’ਚ ਲਏ

Edited By Rajwinder Kaur,
Updated: 20 Oct, 2021 02:39 PM

old house recovered cannon shells police

ਪੱਟੀ (ਸੌਰਭ) - ਪੱਟੀ ਦੇ ਘਾਟੀ ਬਾਜ਼ਾਰ ਸਥਿਤ ਚੋਪੜਾ ਜਨਰਲ ਸਟੋਰ ਦੇ ਨਾਲ ਲੱਗਦੇ ਪੁਰਾਣੇ ਮਕਾਨ ਦੇ ਇਕ ਕਮਰੇ ’ਚੋਂ ਤੋਪ ਦੇ 2 ਗੋਲੇ ਬਰਾਮਦ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੁਕਾਨਦਾਰ ਸੁਖਦੇਵ ਰਾਜ ਚੋਪੜਾ ਨੇ ਦੱਸਿਆ ਕਿ ਉਸ ਨੇ ਦੁਕਾਨ ਦੇ ਨਾਲ ਲੱਗਦਾ ਮਕਾਨ 6 ਸਾਲ ਪਹਿਲਾ ਖਰੀਦਿਆ ਸੀ ਅਤੇ ਉਹ ਕਦੇ ਘਰ ਦੀ ਛੱਤ ’ਤੇ ਨਹੀਂ ਸੀ ਗਿਆ।

ਪੜ੍ਹੋ ਇਹ ਵੀ ਖ਼ਬਰ - ਕਾਂਗਰਸੀ ਵਿਧਾਇਕ ਨੇ ਜਗਰਾਤੇ ’ਚ ਨੌਜਵਾਨ ਨੂੰ ਸ਼ਰੇਆਮ ਜੜ੍ਹੇ ਥੱਪੜ, ਵੀਡੀਓ ਵਾਇਰਲ

ਉਸ ਨੇ ਦੱਸਿਆ ਕਿ ਘਰ ਦੀ ਛੱਤ ’ਤੇ ਫਾਲਤੂ ਸਾਮਾਨ ਸੁੱਟ ਦਿੱਤਾ ਜਾਂਦਾ ਸੀ। ਅੱਜ ਜਦੋਂ ਉਸ ਨੇ ਫਾਲਤੂ ਸਾਮਾਨ ਨੂੰ ਵੇਚਣ ਲਈ ਕੱਢਿਆ ਤਾਂ ਉਸ ਨੂੰ ਇਕ ਸਾਈਡ ’ਤੇ 2 ਗੋਲੇ ਦਿਖਾਈ ਦਿੱਤੇ, ਜਿਸ ਤੋਂ ਬਾਅਦ ਉਸ ਨੇ ਪੁਲਸ ਨੂੰ ਸੂਚਿਤ ਕੀਤਾ। ਮੌਕੇ ’ਤੇ ਥਾਣਾ ਮੁਖੀ ਪਲਵਿੰਦਰ ਸਿੰਘ ਨੇ ਦੱਸਿਆ ਕਿ ਇਹ ਤੋਪ ਦੇ ਗੋਲੇ ਹਨ, ਜੋ ਬਹੁਤ ਪੁਰਾਣੇ ਦਿਖਾਈ ਦੇ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਸ ਸਬੰਧੀ ਉੱਚ ਅਧਿਕਾਰੀਆਂ ਨੂੰ ਜਾਣੂ ਕਰਵਾ ਦਿੱਤਾ ਗਿਆ ਹੈ।

ਪੜ੍ਹੋ ਇਹ ਵੀ ਖ਼ਬਰ - ਡੇਰਾ ਬਿਆਸ ’ਚ ਹੋਣ ਵਾਲੇ ਸਾਰੇ ਸਤਿਸੰਗ ਪ੍ਰੋਗਰਾਮ 30 ਨਵੰਬਰ ਤੱਕ ਹੋਏ ਰੱਦ