ਜਲਾਲਾਬਾਦ (ਸੇਤੀਆ, ਸੁਮਿਤ) : ਸ਼ਹਿਰ ਸ੍ਰੀ ਮੁਕਤਸਰ ਸਾਹਿਬ ਰੋਡ 'ਤੇ ਲਗਭਗ ਬਣ ਕੇ ਤਿਆਰ ਹੋ ਰਿਹਾ ਓਵਰਬਰਿੱਜ ਚਾਲੂ ਹੋਣ ਤੋਂ ਪਹਿਲਾਂ ਹੀ ਸਵਾਲਾਂ ਦੇ ਘੇਰੇ ਵਿਚ ਆਉਂਦਾ ਦਿਖਾਈ ਦੇ ਰਿਹਾ ਹੈ ਅਤੇ ਸ਼ਹਿਰ ਵਿਚ ਹੋਈ ਇਕ ਬਰਸਾਤ ਨੇ ਹੀ ਉਕਤ ਓਵਰਬਰਿੱਜ ਦੀ ਸੜਕ ਦੇ ਨਿਰਮਾਣ ਕਾਰਜ ਦੀ ਪੋਲ-ਖੋਲ ਕੇ ਰੱਖ ਦਿੱਤੀ ਹੈ। ਆਲਮ ਇਹ ਹੈ ਕਿ ਸੜਕ ਦੇ ਕਾਫੀ ਵਿਚ ਦਰਾਰਾਂ ਪੈ ਚੁੱਕੀਆਂ ਹਨ ਅਤੇ ਕੁੱਝ ਸਾਈਡਾਂ ਤੋਂ ਵੀ ਸੜਕ ਧੱਸ ਗਈ ਹੈ। ਇਥੇ ਦੱਸਣਯੋਗ ਹੈ ਕਿ ਸਰਕਾਰ ਵਲੋਂ ਕਰੋੜਾਂ ਰੁਪਏ ਦੀ ਲਾਗਤ ਦੇ ਨਾਲ ਸ਼ਹਿਰ ਦੇ ਸ੍ਰੀ ਮੁਕਤਸਰ ਸਾਹਿਬ ਸਰਕੂਲਰ ਰੋਡ ਤੇ ਓਵਰਬਰਿੱਜ ਦਾ ਨਿਰਮਾਣ ਕਰਵਾਇਆ ਜਾ ਰਿਹਾ ਹੈ ਅਤੇ ਇਸਦਾ ਕੰਮ ਅਗਸਤ ਵਿਚ ਪੂਰਾ ਹੋਣਾ ਹੈ ਪਰ ਉਕਤ ਰੋਡ ਦੇ ਟਰਾਇਲ ਬੇਸ 'ਤੇ ਹੀ ਓਵਰਬਰਿੱਜ ਦੀ ਸੜਕ ਦਾ ਨਿਰਮਾਣ ਕਾਰਜ ਸਵਾਲਾਂ ਦੇ ਘੇਰੇ ਵਿੱਚ ਹੈ।
ਇਥੇ ਇਹ ਵੀ ਦੱਸਣਯੋਗ ਹੈ ਕਿ ਜਦੋਂ ਓਵਰਬਰਿੱਜ ਤੇ ਸੜਕ ਦਾ ਨਿਰਮਾਣ ਕਾਰਜ ਕੀਤਾ ਜਾਂਦਾ ਹੈ ਕਿ ਪਹਿਲਾਂ ਮਿੱਟੀ ਅਤੇ ਹਰ ਮਟੀਰੀਅਲ ਦੀ ਕੁਟਾਈ ਚੰਗੀ ਤਰ੍ਹਾਂ ਕੀਤੀ ਜਾਂਦੀ ਹੈ ਅਤੇ ਸੜਕ ਦੇ ਨਿਰਮਾਣ ਕਾਰਜ ਸਮੇਂ ਵੀ ਬੱਜਰੀ ਅਤੇ ਲੁੱਕ ਮਿਕਸਰ 'ਤੇ ਵੀ ਧਿਆਨ ਦਿੱਤਾ ਜਾਦਾ ਹੈ ਪਰ ਸ਼ਾਇਦ ਉਕਤ ਰੋਡ ਦੇ ਨਿਰਮਾਣ ਕਾਰਜ ਸਮੇਂ ਕਿਧਰੇ ਨਾ ਕਿਧਰੇ ਬੇਨਿਯਮੀਆਂ ਦੀ ਬੂ ਸਾਹਮਣੇ ਆ ਰਹੀ ਹੈ ਕਿਉਂਕਿ ਉਕਤ ਰੋਡ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਪਾੜ ਪੈ ਰਹੇ ਹਨ।
ਉਧਰ ਇਸ ਸੰੰਬੰਧੀ ਜਦੋਂ ਠੇਕੇਦਾਰ ਦੇ ਮੈਨੇਜਰ ਸੋਹਨ ਲਾਲ ਵਰਮਾ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਦੱਸਿਆ ਕਿ ਬਰਸਾਤ ਦੇ ਕੁੱਝ ਦਰਾਰਾਂ ਸਾਮ•ਣੇ ਆਈਆਂ ਹਨ ਪਰ ਜ਼ਿਆਦਾ ਸਮੱਸਿਆ ਨਹੀਂ ਹੈ। ਉਨ੍ਹਾਂ ਦੱਸਿਆ ਕਿ ਜਦੋਂ ਬਰਸਾਤ ਜ਼ਿਆਦਾ ਹੁੰਦੀ ਹੈ ਤਾਂਕਿ ਨਿਰਮਾਣ ਕਾਰਜ ਸਮੇਂ ਕਿਧਰੇ ਕੁੱਝ ਤੁਰੱਟੀ ਹੋ ਸਕਦੀ ਹੈ ਜਿਸ ਨੂੰ ਜਲਦੀ ਹੀ ਠੀਕ ਕੀਤਾ ਜਾਵੇਗਾ।
ਪਿੰਡ ਟਿਵਾਨਾਂ ਕਲਾਂ 'ਚ ਚਿੱਟੇ ਦੀ ਵਿਕਰੀ ਜ਼ੋਰਾਂ 'ਤੇ, ਪੁਲਸ ਪ੍ਰਸ਼ਾਸਨ ਖਾਮੋਸ਼
NEXT STORY