ਫ਼ਰੀਦਕੋਟ, (ਰਾਜਨ)- ਇੰਤਕਾਲ ਮਨਜ਼ੂਰੀ ਲਈ ਇਕ ਪਟਵਾਰੀ ਵੱਲੋਂ ਰਿਸ਼ਵਤ ਲਏ ਜਾਣ ਦੇ ਮਾਮਲੇ ਵਿਚ ਗ੍ਰਿਫ਼ਤਾਰ ਕਰਨ ਉਪਰੰਤ ਅਗਲੀ ਕਾਰਵਾਈ ਜਾਰੀ ਹੈ।
ਜਾਣਕਾਰੀ ਅਨੁਸਾਰ ਊਧਮ ਸਿੰਘ ਪੁੱਤਰ ਗੁਰਜੰਟ ਸਿੰਘ ਵਾਸੀ ਪਿੰਡ ਹਰੀ ਨੌ ਜੋ ਖੇਤੀਬਾੜੀ ਦਾ ਕੰਮ ਕਰਦਾ ਹੈ, ਨੇ ਦੱਸਿਆ ਕਿ ਉਸ ਦੀ ਦਾਦੀ ਜੰਗੀਰ ਕੌਰ ਪਤਨੀ ਲੇਟ ਸੁਰਜੀਤ ਸਿੰਘ ਵਾਸੀ ਹਰੀ ਨੌ ਦੀ 8 ਕਿਲੇ ਜ਼ਮੀਨ ਹਰੀ ਨੌ ਵਿਖੇ ਹੈ। ਉਸ ਦੀ ਦਾਦੀ ਨੇ ਜ਼ਮੀਨ ਦੀ ਰਜਿਸਟਰਡ ਵਸੀਅਤ ਉਸ ਦੇ ਲੜਕੇ ਦਵਿੰਦਰ ਸਿੰਘ ਅਤੇ ਭਤੀਜੇ ਅਰਮਾਨ ਸਿੰਘ ਦੇ ਨਾਂ 'ਤੇ ਬਰਾਬਰ-ਬਰਾਬਰ ਕਰਵਾਈ ਹੋਈ ਸੀ।
ਦਾਦੀ ਦੀ ਮੌਤ ਬੀਤੇ ਜੁਲਾਈ ਮਹੀਨੇ ਵਿਚ ਹੋਣ ਕਾਰਨ ਉਸ ਨੇ ਰਜਿਸਟਰਡ ਵਸੀਅਤ ਅਤੇ ਆਪਣੀ ਦਾਦੀ ਦੀ ਮੌਤ ਦਾ ਸਰਟੀਫ਼ਿਕੇਟ ਪਟਵਾਰੀ ਮਾਲ ਹਲਕਾ ਹਰੀ ਨੌ ਸੁਖਮੰਦਰ ਸਿੰਘ ਨੂੰ ਦਿੱਤਾ ਸੀ ਜਦ ਉਸ ਨੂੰ ਇਹ ਪਤਾ ਲੱਗਾ ਕਿ ਉਕਤ ਜ਼ਮੀਨ ਉਸ ਦੇ ਲੜਕੇ ਅਤੇ ਭਤੀਜੇ ਦੇ ਨਾਂ 'ਤੇ ਨਹੀਂ ਹੋਈ ਤਾਂ ਉਹ ਉਕਤ ਪਟਵਾਰੀ ਨੂੰ ਫਿਰ ਮਿਲਿਆ ਤਾਂ ਉਸ ਨੇ ਇਹ ਕਿਹਾ ਕਿ ਇਹ ਇੰਤਕਾਲ ਇਸ ਤਰ੍ਹਾਂ ਮਨਜ਼ੂਰ ਨਹੀਂ ਹੋਣਾ ਅਤੇ ਇਸ ਮੰਤਵ ਲਈ ਉਸ ਨੇ 12000 ਰੁਪਏ ਰਿਸ਼ਵਤ ਦੀ ਮੰਗ ਕੀਤੀ, ਜਿਸ 'ਤੇ 8000 ਰੁਪਏ ਸ਼ਿਕਾਇਤਕਰਤਾ ਨੇ ਪਟਵਾਰੀ ਨੂੰ ਦੇ ਦਿੱਤੇ ਅਤੇ ਬਾਕੀ ਦੀ ਰਕਮ 4000 ਰੁਪਏ ਕੰਮ ਪੂਰਾ ਹੋਣ 'ਤੇ ਦੇਣ ਦਾ ਵਾਅਦਾ ਕੀਤਾ।
ਸ਼ਿਕਾਇਤਕਰਤਾ ਅਨੁਸਾਰ ਉਕਤ ਪਟਵਾਰੀ ਨੇ ਇੰਤਕਾਲ ਦਰਜ ਕਰਨ ਉਪਰੰਤ ਉਸ ਕੋਲੋਂ ਬਾਕੀ ਦੀ ਰਕਮ ਦੀ ਮੰਗ ਕਰਨੀ ਆਰੰਭ ਕਰ ਦਿੱਤੀ। ਪਟਵਾਰੀ ਵੱਲੋਂ ਮੰਗ ਕਰਨ 'ਤੇ ਸ਼ਿਕਾਇਤਕਰਤਾ ਨੇ ਇੰਸਪੈਕਟਰ ਵਿਜੀਲੈਂਸ ਬਿਊਰੋ ਯੂਨਿਟ ਫਰੀਦਕੋਟ ਸੰਜੀਵ ਕੁਮਾਰ ਤੱਕ ਪਹੁੰਚ ਕਰ ਕੇ ਜਦ ਸਾਰੀ ਕਹਾਣੀ ਦੱਸੀ ਤਾਂ ਉਕਤ ਪਟਵਾਰੀ ਨੂੰ ਪੁਲਸ ਪਾਰਟੀ ਨੇ ਬਕਾਇਆ ਰਾਸ਼ੀ 4000 ਰੁਪਏ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕਰ ਲਿਆ ।
ਗੁੱਤਾਂ ਕੱਟਣ ਨਾਲ ਜ਼ਿਲੇ 'ਚ ਦਹਿਸ਼ਤ
NEXT STORY 
