ਰੂਪਨਗਰ, (ਵਿਜੇ)- ਭਾਰਤੀ ਜਨਤਾ ਪਾਰਟੀ ਦੁਆਰਾ ਸੂਬਾ ਸਰਕਾਰ ਦੀਆਂ ਜਨਤਾ ਵਿਰੋਧੀ ਨੀਤੀਆਂ ਦੇ ਸਬੰਧ 'ਚ ਇਕ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ। ਜਿਸ 'ਚ ਕਿਸਾਨਾਂ ਨੂੰ ਕਰਜ਼ਾ ਮੁਆਫੀ ਦੇ ਨਾਂ 'ਤੇ ਧੋਖਾ ਦੇਣ ਅਤੇ ਚੋਣ ਘੋਸ਼ਣਾ ਪੱਤਰ ਨੂੰ ਲਾਗੂ ਨਾ ਕਰਨ ਦੇ ਸਬੰਧ 'ਚ ਰੋਸ ਜਤਾਇਆ ਗਿਆ। ਅੱਜ ਸਥਾਨਕ ਮਹਾਰਾਜਾ ਰਣਜੀਤ ਸਿੰਘ ਬਾਗ 'ਚ ਜ਼ਿਲੇ ਭਰ ਤੋਂ ਆਏ ਹੋਏ ਭਾਜਪਾ ਵਰਕਰਾਂ ਸ਼ਾਮਲ ਹੋਏ। ਜਿਸ ਦੀ ਅਗਵਾਈ ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਮਦਨ ਮੋਹਨ ਮਿੱਤਲ ਨੇ ਕੀਤੀ। ਉਨ੍ਹਾਂ ਦੋਸ਼ ਲਾਇਆ ਕਿ ਪੰਜਾਬ ਸਰਕਾਰ ਨੇ ਚੋਣਾਂ ਦੌਰਾਨ ਲੋਕਾਂ ਨਾਲ ਜੋ ਵਾਅਦੇ ਕੀਤੇ ਸੀ, ਉਨ੍ਹਾਂ ਨੂੰ ਲਾਗੂ ਨਹੀਂ ਕੀਤਾ ਗਿਆ। ਸਰਕਾਰ ਨੇ ਚੋਣਾਂ 'ਚ ਵਾਅਦਾ ਕੀਤਾ ਸੀ ਕਿ ਪੰਜਾਬ ਦੇ ਕਿਸਾਨਾਂ ਦਾ ਸਾਰਾ ਕਰਜ਼ਾ ਮੁਆਫ ਕਰ ਦਿੱਤਾ ਜਾਵੇਗਾ ਪਰ ਹਾਲੇ ਤਕ ਕਿਸਾਨਾਂ ਦੇ ਕਰਜ਼ੇ ਪੂਰੀ ਤਰ੍ਹਾਂ ਮੁਆਫ ਨਹੀਂ ਕੀਤੇ ਗਏ ਪਰ ਕੁਝ ਕਿਸਾਨਾਂ ਦੇ ਕਰਜ਼ੇ ਮੁਆਫ ਕੀਤੇ ਗਏ ਅਤੇ ਹਾਲੇ ਵੀ ਉਨ੍ਹਾਂ ਕਿਸਾਨਾਂ ਦੇ ਬਹੁਤ ਸਾਰੇ ਕਰਜ਼ੇ ਬਕਾਇਆ ਪਏ ਹਨ। ਜੇਕਰ ਸਰਕਾਰ ਕਿਸਾਨਾਂ ਦਾ ਕਰਜ਼ਾ ਮੁਆਫ ਕਰਨਾ ਚਾਹੁੰਦੀ ਹੈ ਤਾਂ ਸਾਰੇ ਕਿਸਾਨਾਂ ਦੇ ਸਾਰੇ ਕਰਜ਼ੇ ਮੁਆਫ ਕੀਤੇ ਜਾਣ ਨਹੀਂ ਤਾਂ ਇਹ ਉਨ੍ਹਾਂ ਨਾਲ ਧੋਖਾ ਹੋਵੇਗਾ। ਇਸੇ ਸਮੇਂ ਸਾਬਕਾ ਕੈਬਨਿਟ ਮੰਤਰੀ ਮਦਨ ਮੋਹਨ ਮਿੱਤਲ ਦੀ ਅਗਵਾਈ 'ਚ ਜ਼ਿਲੇ ਦੇ ਪੂਰੀ ਲੀਡਰਸ਼ਿਪ ਨੂੰ ਨਾਲ ਲੈ ਕੇ ਡੀ. ਸੀ. ਰੂਪਨਗਰ ਨੂੰ ਮੰਗ ਪੱਤਰ ਵੀ ਦਿੱਤਾ ਗਿਆ।
ਇਸ ਮੌਕੇ ਜ਼ਿਲਾ ਪ੍ਰਧਾਨ ਯੋਗੇਸ਼ ਸੂਦ, ਅਰਵਿੰਦ ਮਿੱਤਲ, ਮਹੰਤ ਲਛਮਣ ਦਾਸ, ਪ੍ਰਵੇਸ਼ ਗੋਇਲ, ਗਗਨਦੀਪ ਭਾਰਦਵਾਜ, ਅਜੇ ਰਾਣਾ, ਜੋਤੀ ਪ੍ਰਸਾਦ, ਐੱਨ. ਕੇ. ਸ਼ਰਮਾ, ਤਿਲਕ ਰਾਜ, ਅਲਕਾ ਗੋਇਲ, ਸ਼ੇਰ ਸਿੰਘ, ਹਰਜੀਤ ਸਿੰਘ ਸਹਿਜੋਵਾਲ, ਰਾਮ ਕੁਮਾਰ, ਮੰਡਲ ਪ੍ਰਧਾਨ ਰਮਨ ਜਿੰਦਲ, ਨਰਿੰਦਰ ਸ਼ਰਮਾ, ਕੁਲਭੂਸ਼ਣ ਪੁਰੀ, ਹਰੀ ਕ੍ਰਿਸ਼ਨ, ਕੈਪਟਨ ਬਲਵੀਰ ਸਿੰਘ, ਰਾਮ ਦਰਸ਼ਨ, ਨਿਪੁਨ ਸੋਨੀ, ਰਜਤ ਲਾਂਬਾ, ਅਰਜਿੰਦਰ ਪਾਲ, ਸ਼ਾਦੀ ਲਾਲ, ਧਰਮਿੰਦਰ ਕੁਮਾਰ, ਰਾਜੇਸ਼ ਕੌਸ਼ਲ ਅਤੇ ਅਭਿਜੀਤ ਆਹੂਜਾ ਮੁੱਖ ਰੂਪ 'ਚ ਹਾਜ਼ਰ ਸਨ।
ਬੱਧਨੀ ਕਲਾਂ ਟੈਲੀਫੋਨ ਐਕਸਚੇਂਜ ਤੋਂ ਖਪਤਕਾਰ ਪ੍ਰੇਸ਼ਾਨ
NEXT STORY 
