ਚੰਡੀਗੜ੍ਹ (ਰਮਨਜੀਤ) : ਕੋਈ ਸਮਾਂ ਸੀ, ਜਦੋਂ ਪੰਜਾਬ ’ਚ ਮੁੱਖ ਤੌਰ ’ਤੇ ਦੋ ਸਿਆਸੀ ਪਾਰਟੀਆਂ ਵਿਚਾਲੇ ਹੀ ਮੁਕਾਬਲਾ ਚੱਲਦਾ ਸੀ ਅਤੇ ਦੋਵੇਂ ਹੀ ਪਾਰਟੀਆਂ ਆਪਣੇ ਸਭ ਤੋਂ ਦਮਦਾਰ ਉਮੀਦਵਾਰਾਂ ਨੂੰ ਮੈਦਾਨ ’ਚ ਉਤਾਰਦੀਆਂ ਰਹੀਆਂ। ਇਸ ਦੇ ਨਾਲ ਹੀ ਵੋਟਰਾਂ ਦੇ ਮੂਡ ਦੇ ਹਿਸਾਬ ਨਾਲ ਵਾਰੀ-ਵਾਰੀ ਸਰਕਾਰਾਂ ਵੀ ਬਣਾਉਂਦੀਆਂ ਰਹੀਆਂ। ਹੁਣ ਹਾਲਾਤ ਬਦਲ ਚੁੱਕੇ ਹਨ ਅਤੇ ਚੋਣ ਮੈਦਾਨ ’ਚ 2 ਦੀ ਬਜਾਏ 4-4 ਮਜ਼ਬੂਤ ਉਮੀਦਵਾਰ ਮੁਕਾਬਲੇ ’ਚ ਦਿਖਣਗੇ, ਜੋ ਕਿ ਮਜ਼ਬੂਤ ਰਾਸ਼ਟਰੀ ਜਾਂ ਖੇਤਰੀ ਪਾਰਟੀਆਂ ਤੋਂ ਹੋਣਗੇ। ਉੱਥੇ ਹੀ ਹੋਰ ਸਿਆਸੀ ਪਾਰਟੀਆਂ ਅਤੇ ਆਜ਼ਾਦ ਤੌਰ ’ਤੇ ਚੋਣ ਲੜਨ ਵਾਲੇ ਉਮੀਦਵਾਰ ਵੀ ਕਈ ਸੀਟਾਂ ’ਤੇ ਹਾਲਾਤ ਨੂੰ ਹੋਰ ਵੀ ਦੁਚਿੱਤੀ ਭਰਿਆ ਬਣਾ ਦਿੰਦੇ ਹਨ। ਚੋਣਾਂ ਦੇ ਇਸ ਪਹਿਲੂ ਨੂੰ ਟਟੋਲਦੀ ‘ਜਗ ਬਾਣੀ’ ਦੇ ਰਮਨਜੀਤ ਸਿੰਘ ਦੀ ਇਹ ਰਿਪੋਰਟ-
ਇਹ ਵੀ ਪੜ੍ਹੋ : ਲੁਧਿਆਣਾ : 'ਆਪ' ਤੇ ਕੈਪਟਨ ਵੱਲੋਂ ਉਮੀਦਵਾਰਾਂ ਦੇ ਐਲਾਨ ਮਗਰੋਂ ਕਾਂਗਰਸੀਆਂ 'ਚ ਵਧਿਆ ਲੜਾਈ ਵਾਲਾ ਮਾਹੌਲ
ਕਈ ਦਹਾਕੇ ਸੂਬੇ ’ਚ ਕਾਂਗਰਸ ਅਤੇ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਗਠਜੋੜ ਵਾਰੀ-ਵਾਰੀ ਸਰਕਾਰਾਂ ਬਣਾਉਂਦੇ ਆਏ ਸਨ ਅਤੇ ਚੋਣ ਜੰਗ ’ਚ ਵੀ ਇਨ੍ਹਾਂ ਦੋ ਧਿਰਾਂ ਦੇ ਉਮੀਦਵਾਰ ਨਜ਼ਰ ਆਉਂਦੇ ਸਨ ਪਰ 2012 ’ਚ ਪੀਪੁਲਸ ਪਾਰਟੀ ਆਫ਼ ਪੰਜਾਬ ਅਤੇ ਫਿਰ 2014 ਤੋਂ ਹੋਈ ਆਮ ਆਦਮੀ ਪਾਰਟੀ ਦੀ ਰਾਜਨੀਤਕ ਐਂਟਰੀ ਨੇ ਪੰਜਾਬ ਦਾ ਸਿਆਸੀ ਮਾਹੌਲ ਵੀ ਬਦਲਣਾ ਸ਼ੁਰੂ ਕੀਤਾ। ਹਾਲਾਂਕਿ ਪੀ. ਪੀ. ਪੀ. ਸਿਰਫ਼ ਇਕ ਚੋਣਾਂ ਤੱਕ ਹੀ ਸੀਮਤ ਰਹਿ ਗਈ ਪਰ ‘ਆਪ’ ਨੂੰ ਮਿਲੇ ਲੋਕਾਂ ਵੱਲੋਂ ਭਰਪੂਰ ਸਮਰਥਨ ਕਾਰਨ ਸੂਬੇ ’ਚ ਦੋ ਪਾਰਟੀਆਂ ਵਾਲੇ ਮੁਕਾਬਲੇ ’ਚ ਤੀਜਾ ਮੁਕਾਬਲੇਬਾਜ਼ ਵੀ ਖੜ੍ਹਾ ਹੋ ਗਿਆ। 2017 ਦੀਆਂ ਵਿਧਾਨ ਸਭਾ ਚੋਣਾਂ ’ਚ ਥ੍ਰੀ ਕਾਰਨਰ ਫਾਈਟ ਹੋਈ, ਹਾਲਾਂਕਿ ਕਾਂਗਰਸ ਸਰਕਾਰ ਬਣਾਉਣ ’ਚ ਸਫ਼ਲ ਰਹੀ ਪਰ ਇਨ੍ਹਾਂ ਤਿੰਨ ਧਿਰਾਂ ਦੇ ਮੁਕਾਬਲੇ ਕਾਰਨ ਕਈ ਵਿਧਾਨ ਸਭਾ ਸੀਟਾਂ ਅਜਿਹੀਆਂ ਵੀ ਰਹੀਆਂ, ਜਿੱਥੇ ਜਿੱਤ-ਹਾਰ ਦਾ ਅੰਤਰ 5 ਹਜ਼ਾਰ ਵੋਟਾਂ ਤੋਂ ਵੀ ਘੱਟ ਦਾ ਰਿਹਾ।
ਇਹ ਵੀ ਪੜ੍ਹੋ : ਅਹਿਮ ਖ਼ਬਰ : ਕਾਂਗਰਸੀ ਉਮੀਦਵਾਰਾਂ ਦੀ ਸੂਚੀ ਅੱਜ ਜਾਰੀ ਹੋਣ ਦੀ ਸੰਭਾਵਨਾ
ਇਸ ਵਾਰ ਹਾਲਾਤ ਬਦਲੇ
ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਗਠਜੋੜ ਟੁੱਟ ਚੁੱਕਿਆ ਹੈ। ਦੋਵੇਂ ਪਾਰਟੀਆਂ ਵੱਖ-ਵੱਖ ਮੈਦਾਨ ’ਚ ਹਨ। ਕਈ ਚੋਣਾਂ ਇਨ੍ਹਾਂ ਦੋਵਾਂ ਨੇ ਇਕੱਠੇ ਲੜੀਆਂ ਹਨ ਤਾਂ ਦੋਵਾਂ ਦੇ ਵਰਕਰਾਂ ਅਤੇ ਸਮਰਥਕਾਂ ਦੀਆਂ ਵੋਟਾਂ ਸਾਂਝੇ ਉਮੀਦਵਾਰਾਂ ਨੂੰ ਮਿਲਦੀਆਂ ਰਹੀਆਂ ਹਨ ਪਰ ਇਸ ਵਾਰ ਸਪੱਸ਼ਟ ਹੋਵੇਗਾ ਕਿ ਕਿਸ ਵਿਧਾਨ ਸਭਾ ਖੇਤਰ ’ਚ ਕਿਸ ਦਾ ਕਿੰਨਾ ਆਧਾਰ ਹੈ। ਇਹੀ ਕਾਰਨ ਹੈ ਕਿ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਦੇ ਉਮੀਦਵਾਰਾਂ ’ਚ, ਖ਼ਾਸ ਕਰਕੇ ਉਨ੍ਹਾਂ ’ਚ ਜੋ ਬਹੁਤ ਥੋੜ੍ਹੀਆਂ ਵੋਟਾਂ ਨਾਲ ਜਿੱਤੇ ਸਨ, ਦੀ ਚਿੰਤਾ ਵਧੀ ਹੋਈ ਹੈ। ਇਕ ਕਾਰਨ ਇਹ ਵੀ ਹੈ ਕਿ ਗਠਜੋੜ ਟੁੱਟਣ ਤੋਂ ਬਾਅਦ ਭਾਜਪਾ ਨੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ‘ਪੰਜਾਬ ਲੋਕ ਕਾਂਗਰਸ’ ਅਤੇ ਸੁਖਦੇਵ ਸਿੰਘ ਢੀਂਡਸਾ ਦੀ ਅਗਵਾਈ ਵਾਲੇ ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ) ਨਾਲ ਗਠਜੋੜ ਕਰ ਲਿਆ, ਜਿਸ ਨਾਲ ਵੀ ਕਈ ਸੀਟਾਂ ’ਤੇ ਚੋਣ ਹਿਸਾਬ ਵਿਗੜ ਗਿਆ ਹੈ। 5 ਹਜ਼ਾਰ ਵੋਟਾਂ ਤੋਂ ਘੱਟ ਦੇ ਅੰਤਰ ਨਾਲ ਜਿੱਤ ਦਰਜ ਕਰਨ ਵਾਲਿਆਂ ਦੇ ਤਾਂ ਹੱਥ-ਪੈਰ ਫੁਲੇ ਹੋਏ ਹਨ। ਇਨ੍ਹਾਂ ਵਿਧਾਨ ਸਭਾ ਸੀਟਾਂ ’ਚ ਮੌਜੂਦਾ ਕੈਬਨਿਟ ਦੇ ਮੰਤਰੀਆਂ ਦੇ ਵੀ ਵਿਧਾਨ ਸਭਾ ਖੇਤਰ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : ਡੇਹਲੋਂ ਦੇ ਗੁਰਦੁਆਰਾ ਸਾਹਿਬ 'ਚ ਜਨਾਨੀ ਵੱਲੋਂ ਬੇਅਦਬੀ ਦੀ ਅਫ਼ਵਾਹ ਨਾਲ ਮਚੀ ਹਫੜਾ-ਦਫੜੀ
ਇਨ੍ਹਾਂ ਸੀਟਾਂ ’ਤੇ 5000 ਤੋਂ ਘੱਟ ਅੰਤਰ
ਸੀਟ ਜਿੱਤੇ ਹਾਰੇ ਵੋਟਾਂ ਦਾ ਅੰਤਰ
ਫਾਜ਼ਿਲਕਾ ਦਵਿੰਦਰ ਸਿੰਘ ਘੁਬਾਇਆ ਸੁਰਜੀਤ ਕੁਮਾਰ ਜ਼ਿਆਣੀ 265
ਬਟਾਲਾ ਲਖਬੀਰ ਸਿੰਘ ਲੋਧੀਨੰਗਲ ਅਸ਼ਵਨੀ ਸੇਖੜੀ 485
ਭੁੱਚੋ ਮੰਡੀ ਪ੍ਰੀਤਮ ਸਿੰਘ ਕੋਟਭਾਈ ਜਗਸੀਰ ਸਿੰਘ 645
ਡੇਰਾ ਬਾਬਾ ਨਾਨਕ ਸੁਖਜਿੰਦਰ ਸਿੰਘ ਰੰਧਾਵਾ ਸੁੱਚਾ ਸਿੰਘ ਲੰਗਾਹ 1194
ਬੁਢਲਾਡਾ ਬੁੱਧ ਰਾਮ ਰਣਜੀਤ ਕੌਰ ਭੱਟੀ 1276
ਲੁਧਿਆਣਾ (ਈਸਟ) ਸੰਜੀਵ ਤਲਵਾੜ ਦਲਜੀਤ ਸਿੰਘ ਗਰੇਵਾਲ 1581
ਦਿੜਬਾ ਹਰਪਾਲ ਸਿੰਘ ਚੀਮਾ ਅਜੈਬ ਸਿੰਘ ਰਟੌਲਾਂ 1645
ਗੜ੍ਹਸ਼ੰਕਰ ਜੈ ਕਿਸ਼ਨ ਰੋੜੀ ਸੁਰਿੰਦਰ ਸਿੰਘ ਹੀਰ 1650
ਮੋਗਾ ਹਰਜੋਤ ਕਮਲ ਰਮੇਸ਼ ਗਰੋਵਰ 1764
ਬੰਗਾ ਸੁਖਵਿੰਦਰ ਕੁਮਾਰ ਸੁੱਖੀ ਹਰਜੋਤ 1893
ਡੇਰਾਬੱਸੀ ਨਰਿੰਦਰ ਕੁਮਾਰ ਸ਼ਰਮਾ ਦੀਪਇੰਦਰ ਸਿੰਘ 1921
ਫ਼ਤਹਿਗੜ੍ਹ ਚੂੜੀਆਂ ਤ੍ਰਿਪਤ ਰਾਜਿੰਦਰ ਸਿੰਘ ਬਾਜਵਾ ਨਿਰਮਲ ਸਿੰਘ ਕਾਹਲੋ 1999
ਫਗਵਾੜਾ ਸੋਮ ਪ੍ਰਕਾਸ਼ ਜੋਗਿੰਦਰ ਸਿੰਘ ਮਾਨ 2009
ਖਰੜ ਕੰਵਰ ਸੰਧੂ ਜਗਮੋਹਨ ਸਿੰਘ ਕੰਗ 2012
ਬਰਨਾਲਾ ਗੁਰਮੀਤ ਸਿੰਘ ਮੀਤ ਹੇਅਰ ਕੇਵਲ ਸਿੰਘ ਢਿੱਲੋਂ 2432
ਧੂਰੀ ਦਲਵੀਰ ਸਿੰਘ ਗੋਲਡੀ ਜਸਵੀਰ ਸਿੰਘ ਸੇਖੋਂ 2811
ਅਬੋਹਰ ਅਰੁਣ ਨਾਰੰਗ ਸੁਨੀਲ ਜਾਖੜ 3279
ਨਵਾਂਸ਼ਹਿਰ ਅੰਗਦ ਸਿੰਘ ਜਰਨੈਲ ਸਿੰਘ ਵਾਹਿਦ 3323
ਫਿਲੌਰ ਬਲਦੇਵ ਸਿੰਘ ਖਹਿਰਾ ਵਿਕਰਮਜੀਤ ਸਿੰਘ ਚੌਧਰੀ 3477
ਸ਼ਾਮ ਚੁਰਾਸੀ ਪਵਨ ਕੁਮਾਰ ਆਦਿਆ ਡਾ. ਰਵਜੋਤ ਸਿੰਘ 3815
ਅਮਲੋਹ ਰਣਦੀਪ ਸਿੰਘ ਨਾਭਾ ਗੁਰਪ੍ਰੀਤ ਸਿੰਘ ਰਾਜੂ ਖੰਨਾ 3946
ਦਾਖਾ ਐੱਚ.ਐੱਸ. ਫੂਲਕਾ ਮਨਪ੍ਰੀਤ ਸਿੰਘ ਇਆਲੀ 4169
ਸਾਹਨੇਵਾਲ ਸ਼ਰਨਜੀਤ ਸਿੰਘ ਢਿੱਲੋਂ ਸਤਵਿੰਦਰ ਬਿੱਟੀ 4551
ਸਨੌਰ ਐੱਚ.ਐਸ. ਚੰਦੂਮਾਜਰਾ ਐੱਚ.ਐੱਸ. ਮਾਨ 4870
ਸ਼ਾਹਕੋਟ ਅਜੀਤ ਸਿੰਘ ਕੋਹਾੜ ਹਰਦੇਵ ਸਿੰਘ ਲਾਡੀ 4905
ਮਲੋਟ ਅਜੈਬ ਸਿੰਘ ਭੱਟੀ ਦਰਸ਼ਨ ਸਿੰਘ 4989
30 ਹਜ਼ਾਰ ਵੋਟਾਂ ਤੋਂ ਜ਼ਿਆਦਾ ਅੰਤਰ ਵਾਲੇ ਵੀ ਹਨ ਉਮੀਦਵਾਰ
ਸੀਟ ਜਿੱਤੇ ਹਾਰ ਵੋਟਾਂ ਦਾ ਅੰਤਰ
ਪਟਿਆਲਾ ਕੈਪਟਨ ਅਮਰਿੰਦਰ ਸਿੰਘ ਬਲਬੀਰ ਸਿੰਘ 52407
ਅੰਮ੍ਰਿਤਸਰ (ਈਸਟ) ਨਵਜੋਤ ਸਿੰਘ ਸਿੱਧੂ ਰਾਜੇਸ਼ ਕੁਮਾਰ ਹਨੀ 42809
ਘਨੌਰ ਮਦਨ ਲਾਲ ਜਲਾਲਪੁਰ ਹਰਪ੍ਰੀਤ ਕੌਰ ਮੁਖਮੈਲਪੁਰ 36557
ਲੁਧਿਆਣਾ (ਵੈਸਟ) ਭਾਰਤ ਭੂਸ਼ਣ ਆਸ਼ੂ ਅਹਿਬਾਬ ਗਰੇਵਾਲ 36521
ਰਾਜਪੁਰਾ ਹਰਦਿਆਲ ਸਿੰਘ ਕੰਬੋਜ ਆਸ਼ੂਤੋਸ਼ ਜੋਸ਼ੀ 32565
ਜਲੰਧਰ (ਨਾਰਥ) ਅਵਤਾਰ ਸਿੰਘ ਜੂਨੀਅਰ ਕੇ. ਡੀ. ਭੰਡਾਰੀ 32291
ਦੀਨਾਨਗਰ ਅਰੁਣਾ ਚੌਧਰੀ ਬਿਸ਼ਨ ਦਾਸ 31917
ਲੁਧਿਆਣਾ (ਸਾਊਥ) ਬਲਵਿੰਦਰ ਸਿੰਘ ਬੈਂਸ ਭੁਪਿੰਦਰ ਸਿੰਘ ਸਿੱਧੂ 30917
ਸੰਗਰੂਰ ਵਿਜੇ ਇੰਦਰ ਸਿੰਗਲਾ ਦਿਨੇਸ਼ ਬਾਂਸਲ 30812
ਸੁਨਾਮ ਅਮਨ ਅਰੋੜਾ ਗੋਬਿੰਦ ਸਿੰਘ ਲੌਂਗੋਵਾਲ 30307
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ
ਸੁਖਪਾਲ ਖਹਿਰਾ ਖ਼ਿਲਾਫ਼ ਰਾਣਾ ਗੁਰਜੀਤ ਸਿੰਘ ਨੇ ਸੁੱਟਿਆ ‘ਚਿੱਠੀ ਬੰਬ’, ਕੀਤੀ ਪਾਰਟੀ ’ਚੋਂ ਕੱਢਣ ਦੀ ਮੰਗ
NEXT STORY 
