ਲੁਧਿਆਣਾ (ਖੁਰਾਣਾ): ਪੰਜਾਬ ਸਰਕਾਰ ਅਤੇ ਪੁਲਸ ਪ੍ਰਸ਼ਾਸਨ ਵੱਲੋਂ ਸ਼ਹਿਰ ਦੀ ਸੁਰੱਖਿਆ ਵਿਵਸਥਾ ਨੂੰ ਲੈ ਕੇ ਕੀਤੇ ਜਾ ਰਹੇ ਦਾਅਵੇ ਲਗਾਤਾਰ ਖੋਖਲੇ ਸਾਬਤ ਹੋ ਰਹੇ ਹਨ। ਹਾਲਾਤ ਇਹ ਬਣੇ ਹੋਏ ਹਨ ਕਿ ਆਮ ਜਨਤਾ ਦੀ ਸੁਰੱਖਿਆ ਰੱਬ ਆਸਰੇ ਹੈ। ਲੁਟੇਰੇ ਸ਼ਰੇਆਮ ਕਾਨੂੰਨ ਵਿਵਸਥਾ ਦਾ ਮਜ਼ਾਕ ਉਡਾਉਂਦੇ ਹੋਏ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇ ਰਹੇ ਹਨ।
ਤਾਜ਼ਾ ਮਾਮਲਾ ਸਿਵਲ ਲਾਈਨ ਸਥਿਤ ਆਜ਼ਾਦ ਗੈਸ ਏਜੰਸੀ ਦੇ ਡਿਲੀਵਰੀ ਮੈਨਾਂ ਨੂੰ ਪਿਛਲੇ ਤਿੰਨ ਦਿਨਾਂ ਦੌਰਾਨ ਤਿੰਨ ਵਾਰ ਲੁੱਟ ਦੀ ਨੀਅਤ ਨਾਲ ਘੇਰਨ ਵਰਗੇ ਖੌਫਨਾਕ ਮਾਮਲੇ ਨਾਲ ਜੁੜਿਆ ਹੋਇਆ ਹੈ, ਜਿਸ ਵਿਚ ਮੋਟਰਸਾਈਕਲ ਸਵਾਰ ਦੋ ਲੁਟੇਰਿਆਂ ਦੁਆਰਾ ਇਲਾਕੇ ਵਿਚ ਗੈਸ ਸਿਲੰਡਰਾਂ ਦੀ ਸਪਲਾਈ ਕਰ ਰਹੇ ਡਿਲੀਵਰੀ ਮੈਨਾਂ ਨੂੰ ਪਿਸਤੌਲ ਦੀ ਨੋਕ 'ਤੇ ਲੁੱਟਣ ਅਤੇ ਦਹਿਸ਼ਤ ਮਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਏਜੰਸੀ ਦੇ ਸੰਚਾਲਕ ਅੰਕੁਰ ਸ਼ਰਮਾ ਨੇ ਦੱਸਿਆ ਕਿ ਲੁਟੇਰਿਆਂ ਦੇ ਆਤੰਕ ਕਾਰਨ ਹੁਣ ਡਿਲੀਵਰੀ ਮੈਨ ਦਿਨ ਦੇ ਸਮੇਂ ਵੀ ਗੈਸ ਸਿਲੰਡਰਾਂ ਦੀ ਸਪਲਾਈ ਕਰਨ ਤੋਂ ਡਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਪਿਛਲੇ ਕਈ ਦਿਨਾਂ ਤੋਂ ਉਹ ਪੁਲਸ ਨੂੰ ਸ਼ਿਕਾਇਤ ਕਰ ਰਹੇ ਹਨ, ਪਰ ਲੁਟੇਰਿਆਂ ਖਿਲਾਫ ਕਾਰਵਾਈ ਕਰਨਾ ਤਾਂ ਦੂਰ, ਪੁਲਸ ਦੇ ਕੰਨ 'ਤੇ ਜੂੰ ਤੱਕ ਨਹੀਂ ਰੇਂਗ ਰਹੀ। ਪਿਛਲੇ ਇਕ ਮਹੀਨੇ ਦੌਰਾਨ 15 ਤੋਂ 20 ਅਜਿਹੀਆਂ ਘਟਨਾਵਾਂ ਹੋ ਚੁੱਕੀਆਂ ਹਨ ਜਿੱਥੇ ਜਾਂ ਤਾਂ ਨਕਦੀ ਲੁੱਟ ਲਈ ਗਈ ਹੈ ਜਾਂ ਲੁੱਟਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ, ਪਰ ਪੁਲਸ ਲੁਟੇਰਿਆਂ ਨੂੰ ਕਾਬੂ ਕਰਨ ਵਿਚ ਨਾਕਾਮ ਰਹੀ ਹੈ।
ਪਹਿਲਾ ਮਾਮਲਾ: 1 ਫਰਵਰੀ ਨੂੰ ਦੁਪਹਿਰ 12:30 ਵਜੇ ਜੱਸੀਆਂ ਰੋਡ ਸਥਿਤ ਤਰਸੇਮ ਚੈਰੀਟੇਬਲ ਹਸਪਤਾਲ ਕੋਲ ਡਿਲੀਵਰੀ ਮੈਨ ਦਯਾਨੰਦ ਨੂੰ ਪਿਸਤੌਲ ਦੀ ਨੋਕ 'ਤੇ ਘੇਰ ਕੇ ਲੁੱਟਣ ਦੀ ਕੋਸ਼ਿਸ਼ ਕੀਤੀ ਗਈ।
ਦੂਜਾ ਮਾਮਲਾ: 1 ਫਰਵਰੀ ਦੀ ਸ਼ਾਮ 6:20 ਵਜੇ ਹੈਬੋਵਾਲ ਕਲਾਂ ਦੇ ਅਟਵਾਲ ਨਗਰ ਵਿਚ ਡਿਲੀਵਰੀ ਮੈਨ ਸਤੀਸ਼ ਕੁਮਾਰ ਨਾਲ ਲੁੱਟ ਦੀ ਕੋਸ਼ਿਸ਼ ਹੋਈ।
ਤੀਜਾ ਮਾਮਲਾ: 3 ਫਰਵਰੀ ਨੂੰ ਚੰਦਰ ਨਗਰ ਪੁਲੀ 'ਤੇ ਸ਼ਾਮ 4:00 ਵਜੇ ਡਿਲੀਵਰੀ ਮੈਨ ਮੁਕੇਸ਼ ਯਾਦਵ ਨੂੰ ਗੋਲੀ ਮਾਰਨ ਦੀ ਧਮਕੀ ਦਿੰਦੇ ਹੋਏ ਲੁੱਟਣ ਦੀ ਕੋਸ਼ਿਸ਼ ਕੀਤੀ ਗਈ।
ਤਿੰਨੋਂ ਮਾਮਲਿਆਂ ਵਿਚ ਡਿਲੀਵਰੀ ਮੈਨਾਂ ਦੀ ਚੌਕਸੀ ਕਾਰਨ ਲੁਟੇਰੇ ਨਾਕਾਮ ਰਹੇ। ਅੰਕੁਰ ਨੇ ਦੱਸਿਆ ਕਿ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਤਿੰਨੋਂ ਵਾਰ ਲੁੱਟ ਦੀ ਕੋਸ਼ਿਸ਼ ਕਰਨ ਵਾਲੇ ਇੱਕੋ ਲੁਟੇਰੇ ਸਨ।
ਗੈਸ ਏਜੰਸੀਆਂ 'ਤੇ ਹੋਈਆਂ ਪ੍ਰਮੁੱਖ ਘਟਨਾਵਾਂ ਦਾ ਵੇਰਵਾ:
1. ਬੱਚਨ ਗੈਸ: 3 ਵਾਰ ਲੁੱਟ-ਖੋਹ।
2. ਬੱਚਨ ਗੈਸ: 2 ਵਾਰ ਲੁੱਟ ਦੀ ਕੋਸ਼ਿਸ਼।
3. ਕ੍ਰਿਸ਼ਨਾ ਭਾਰਤ ਗੈਸ: 1 ਵਾਰ ਦਿਨ-ਦਿਹਾੜੇ ਹੋਈ ਲੁੱਟ।
4. ਸਕਸ਼ਮ ਗੈਸ: 2 ਵਾਰ ਨਕਦੀ ਲੁੱਟ।
5. ਆਜ਼ਾਦ ਗੈਸ: ਲਗਾਤਾਰ 3 ਦਿਨਾਂ ਤੱਕ ਦਿਨ-ਦਿਹਾੜੇ ਪਿਸਤੌਲ ਦੀ ਨੋਕ 'ਤੇ ਲੁੱਟਣ ਦੀ ਕੋਸ਼ਿਸ਼।
ਨੌਕਰੀ ਲੱਗਣ ਤੋਂ ਪਹਿਲਾਂ ਹੀ ਮਾਲਕਾਂ ਨਾਲ ਠੱਗੀ! ਘਰ ਦਾ ਮੰਦਰ ਵੀ ਨਾ ਬਖਸ਼ਿਆ
NEXT STORY 
