ਚੰਡੀਗੜ੍ਹ/ਮਾਨਸਾ: ਮਸ਼ਹੂਰ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਨੂੰ ਕਤਲ ਤੋਂ ਬਾਅਦ ਵੀ ਮਿਲ ਰਹੇ ਲੋਕਾਂ ਦੇ ਸਮਰਥਨ ਅਤੇ ਪਿਆਰ ਤੋਂ ਬਾਅਦ ਗੈਂਗਸਟਰ ਗੋਲਡੀ ਬਰਾੜ ਭੜਕ ਉਠਿਆ ਹੈ। ਗੋਲਡੀ ਬਰਾੜ ਨੇ ਕਿਹਾ ਹੈ ਕਿ ਜਿਹੜੇ ਲੋਕ ਸਿੱਧੂ ਨੂੰ ਜਿਊਂਦੇ ਜੀ ਮਾੜਾ ਬੋਲਦੇ ਸਨ ਅੱਜ ਉਸ ਨੂੰ ਸ਼ਹੀਦ ਦੱਸ ਰਹੇ ਹਨ। ਇਕ ਨਿਊਜ਼ ਚੈਨਲ ਨੂੰ ਭੇਜੀ ਵੀਡੀਓ ਵਿਚ ਗੋਲਡੀ ਨੇ ਕਿਹਾ ਕਿ ਅਸੀਂ ਫਿਰ ਮੂਸੇਵਾਲਾ ਦੇ ਕਤਲ ਦੀ ਜ਼ਿੰਮੇਵਾਰੀ ਲੈਂਦੇ ਹਾਂ ਅਤੇ ਸਾਨੂੰ ਇਸ ਦਾ ਕੋਈ ਅਫ਼ਸੋਸ ਨਹੀਂ ਹੈ। ਸਿੱਧੂ ਸਾਡੇ ਭਰਾਵਾਂ ਦੇ ਨੁਕਸਾਨ ਲਈ ਜ਼ਿੰਮੇਵਾਰ ਸੀ, ਜਿਸ ਦੀ ਉਸ ਨੂੰ ਸਜ਼ਾ ਮਿਲੀ ਹੈ। ਸਿੱਧੂ ਸਾਡੇ ਭਰਾਵਾਂ ਦਾ ਦੋਸ਼ੀ ਸੀ, ਦੋ ਭਰਾਵਾਂ ਦੇ ਕਤਲ ’ਚ ਸਿੱਧੇ-ਅਸਿੱਧੇ ਤੌਰ ’ਤੇ ਸਿੱਧੂ ਦਾ ਹੱਥ ਸੀ। ਇਸ ਨੇ ਆਪਣੇ ਗਾਣਿਆਂ ਵਾਲੇ ਅਕਸ ਨੂੰ, ਗਾਣਿਆਂ ਵਾਲੀ ਇਮੇਜ਼ ਨੂੰ ਸੱਚ ਕਰਨ ਲਈ ਉਹ ਚੀਜ਼ਾਂ ਕੀਤੀਆਂ, ਉਹ ਗਲਤੀਆਂ ਕੀਤੀਆਂ ਜੋ ਭੁੱਲਣਯੋਗ ਨਹੀਂ ਸੀ, ਜਿਨ੍ਹਾਂ ਦੀ ਸਜ਼ਾ ਦੇਣੀ ਬਣਦੀ ਸੀ। ਇਥੇ ਇਹ ਦੱਸ ਦੇਈਏ ਕਿ ‘ਜਗ ਬਾਣੀ’ ਇਸ ਵੀਡੀਓ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।
ਇਹ ਵੀ ਪੜ੍ਹੋ : ਮੂਸੇਵਾਲਾ ਕਤਲਕਾਂਡ : ਮੁੱਖ ਸ਼ੂਟਰ ਪ੍ਰਿਯਵਰਤ ਫੌਜੀ ਨੇ ਚੱਕਰਾਂ ’ਚ ਪਾਈ ਪੁਲਸ, ਲੱਭ ਰਹੀ ਇਸ ਸਵਾਲ ਦਾ ਜਵਾਬ
ਮਿੱਡੂਖੇੜਾ ਦੇ ਕਤਲ ਤੋਂ ਬਾਅਦ ਦਿੱਤਾ ਸੀ ਆਫਰ
ਗੋਲਡੀ ਨੇ ਕਿਹਾ ਕਿ ਵਿੱਕੀ ਮਿੱਡੂਖੇੜਾ ਦੇ ਕਤਲ ਤੋਂ ਬਾਅਦ ਚੋਣਾਂ ਦੌਰਾਨ ਮੂਸੇਵਾਲਾ ਨੇ 2 ਕਰੋੜ ਰੁਪਏ ਦਾ ਆਫਰ ਦਿੱਤਾ ਸੀ। ਮੁਕਤਸਰ ਦੇ ਪਿੰਡ ਭੰਗਚਿੜੀ ਦੇ ਕੁਝ ਨੌਜਵਾਨ ਸਨ, ਜਿਹੜੇ 24 ਘੰਟੇ ਮੂਸੇਵਾਲਾ ਦੇ ਨਾਲ ਰਹਿੰਦੇ ਸਨ। ਉਨ੍ਹਾਂ ਰਾਹੀਂ ਇਹ ਆਫਰ ਦਿੱਤਾ ਗਿਆ ਸੀ। ਮੈਨੂੰ ਕਿਹਾ ਗਿਆ ਕਿ ਪੈਸੇ ਲੈਣ ਤੋਂ ਬਾਅਦ ਗੁਰਦੁਆਰਾ ਸਾਹਿਬ ਵਿਚ ਜਾ ਕੇ ਸਹੁੰ ਖਾ ਲਵੋ ਕਿ ਉਸ ਤੋਂ ਬਾਅਦ ਮੂਸੇਵਾਲਾ ਦਾ ਕੋਈ ਨੁਕਸਾਨ ਨਹੀਂ ਪਹੁੰਚਾਇਆ ਜਾਵੇਗਾ। ਅਸੀਂ ਆਪਣੇ ਭਰਾ ਦੀ ਮੌਤ ਦਾ ਬਦਲਾ ਲੈਣਾ ਸੀ, ਇਸੇ ਲਈ ਕਹਿ ਕੇ ਮੂਸੇਵਾਲਾ ਨੂੰ ਮਾਰਿਆ ਹੈ।
ਮੂਸੇਵਾਲਾ ਦੀ ਸਿੱਖ ਸ਼ਹੀਦਾਂ ਨਾਲ ਤੁਲਨਾ ਗਲਤ
ਗੋਲਡੀ ਬਰਾੜ ਨੇ ਕਿਹਾ ਕਿ ਮੂਸੇਵਾਲਾ ਦੀ ਸਿੱਖ ਸ਼ਹੀਦਾਂ ਨਾਲ ਤੁਲਣਾ ਕਰਨਾ ਗਲਤ ਹੈ। ਉਸ ਨੇ ਕਿਹਾ ਕਿ 'ਜਿਹੜੇ ਬੰਦੇ ਬਹਿਬਲ ਗੋਲੀਕਾਂਡ ਅਤੇ ਬਰਗਾੜੀ ਦੇ ਦੋਸ਼ੀਆਂ ਨਾਲ ਨੱਚਦੇ ਰਹੇ ਉਨ੍ਹਾਂ ਨੂੰ ਸ਼ਹੀਦ ਅਤੇ ਸਾਨੂੰ ਤੁਸੀਂ ਗੱਦਾਰ ਦੱਸ ਰਹੇ ਹੋ। ਲਾਰੈਂਸ ਬਿਸ਼ਨੋਈ ਨੂੰ ਤੁਸੀਂ ਗੱਦਾਰ ਦੱਸ ਰਹੇ ਹੋ। ਬਰਗਾੜੀ ਬੇਅਦਬੀ ਨਾਲ ਸੰਬਧਤ ਜਵਾਹਰ ਸਿੰਘ ਵਾਲਾ ਦਾ ਪ੍ਰੇਮੀ ਦੁਕਾਨਦਾਰ ਸੀ। ਉਸ ਨੂੰ ਸਿੰਘਾਂ ਨੇ ਸੋਧਾ ਲਾਇਆ ਸੀ। ਉਹ ਮੁੰਡੇ ਸਾਡੇ ਭਰਾ ਸਨ। ਸਕੂਲਾਂ ਕਾਲਜਾਂ ਵਿਚ ਵੀ ਸਾਨੂੰ ਜਾਣਦੇ ਹੁੰਦੇ ਸੀ, ਅੱਜ ਤੱਕ ਜਿੰਨੀਂ ਉਨ੍ਹਾਂ ਦੀ ਮਦਦ ਕਰ ਸਕਦੇ ਸੀ ਕੀਤੀ ਹੈ। ਮੇਰੇ ਕੋਲ ਆਪਣੀ ਸੁਰੱਖਿਆ ਲਈ ਇਕ ਪ੍ਰਾਈਵੇਟ ਪਿਸਤੌਲ ਹੁੰਦਾ ਸੀ ਪਰ ਉਹ ਮੇਰੇ ਕੋਲ ਆਏ ਅਤੇ ਪਿਸਤੌਲ ਲੈ ਗਏ। ਉਸੇ ਹਥਿਆਰ ਨਾਲ ਹੀ ਉਸ ਦਾ ਸੋਧਾ ਲੱਗਿਆ ਹੋਵੇਗਾ। ਵੀਰ ਦਾ ਨਾਂ ਭਾਈ ਅਮਰਦੀਪ ਸਿੰਘ ਤੇ ਭਾਈ ਗੁਰਪ੍ਰੀਤ ਸਿੰਘ ਹੈ। ਉਸ ਕੇਸ ਵਿਚ ਉਨ੍ਹਾਂ ਨੂੰ ਉਮਰ ਕੈਦ ਵੀ ਹੋ ਗਈ। ਉਹ ਜੇਲ੍ਹਾਂ ਕੱਟ ਰਹੇ ਹਨ। ਤੁਹਾਨੂੰ ਉਹ ਸਿੰਘ ਯਾਦ ਨਹੀਂ ਸੀ, ਜਿਨ੍ਹਾਂ ਨੇ ਕੁੱਝ ਕਰਿਆ। ਗਾਣਿਆਂ ਵਾਲੇ ਤੁਹਾਨੂੰ ਸ਼ਹੀਦ ਯਾਦ ਆ ਰਹੇ, ਜਿਨ੍ਹਾਂ ਨੇ ਕਦੇ ਕੁੱਝ ਕੀਤਾ ਹੀ ਨਹੀਂ, ਜਿੰਨਾਂ ਨੇ ਹਰ ਥਾਂ 'ਤੇ ਸਿੱਖ ਕੌਮ ਦਾ ਸਿਰ ਨੀਵਾਂ ਕੀਤਾ।
ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਦੇ ਕਤਲ ਨਾਲ ਜੁੜੀ ਵੱਡੀ ਖ਼ਬਰ, ਫੋਰੈਂਸਿਕ ਰਿਪੋਰਟ ’ਚ ਹੋਇਆ ਵੱਡਾ ਖੁਲਾਸਾ
ਸਿੱਧੂ ਦੇ ਕਤਲ ਦਾ ਅਫਸੋਸ ਨਹੀਂ
ਗੈਂਗਸਟਰ ਗੋਲਡੀ ਬਰਾੜ ਨੇ ਕਿਹਾ ਕਿ ਮੇਰਾ ਨਾਮ ਮੂਸੇਵਾਲਾ ਨਾਲ ਜੋੜਿਆ ਗਿਆ। ਅਸੀਂ ਪਹਿਲਾਂ ਹੀ ਇਸ ਦੀ ਜ਼ਿੰਮੇਵਾਰੀ ਲੈ ਚੁੱਕੇ ਹਾਂ। ਸਾਨੂੰ ਮੂਸੇਵਾਲਾ ਦੇ ਕਤਲ ਦਾ ਕੋਈ ਅਫਸੋਸ ਨਹੀਂ ਹੈ। ਸਾਡੇ ਦੋ ਭਰਾਵਾਂ ਦੇ ਕਤਲ ਵਿਚ ਸਿੱਧੂ ਦਾ ਨਾ ਆਇਆ ਸੀ, ਅਸੀਂ ਕਾਨੂੰਨ ਤੋਂ ਇਨਸਾਫ ਦੀ ਬਹੁਤ ਉਡੀਕ ਕੀਤੀ, ਜਦੋਂ ਸਾਨੂੰ ਇਨਸਾਫ ਨਹੀਂ ਮਿਲਿਆ ਤਾਂ ਅਸੀਂ ਖੁਦ ਕਾਰਵਾਈ ਕੀਤੀ। ਸਾਨੂੰ ਸਿੱਧੂ ਦੇ ਕਤਲ ਦਾ ਕੋਈ ਅਫਸੋਸ ਨਹੀਂ ਹੈ। ਸਾਡੇ ਕੋਲ ਕੋਈ ਹੋਰ ਰਸਤਾ ਨਹੀਂ ਸੀ, ਫਿਰ ਅਸੀਂ ਉਹੀ ਕੀਤਾ ਜੋ ਸਾਨੂੰ ਕਰਨਾ ਚਾਹੀਦਾ ਸੀ।
ਕਦੇ ਸੁਪਾਰੀ ਲੈ ਕੇ ਕੰਮ ਨਹੀਂ ਕਰਾਇਆ
ਗੋਲਡੀ ਨੇ ਕਿਹਾ ਕਿ 'ਲੋਕ ਕਹਿਣਗੇ ਤੁਸੀਂ ਕੌਮ ਵਾਸਤੇ ਸਿੱਧੇ ਕਿਉਂ ਨਹੀਂ ਲੜਦੇ ਨਿੱਜੀ ਲੜਾਈਆਂ ’ਚ ਕਿਉਂ ਪਏ ਹੋ। ਜੇਕਰ ਕੋਈ ਬੰਦਾ ਆਪਣੇ ਘਰ ਲਈ ਨਹੀਂ ਲੜ ਸਕਦਾ, ਉਹ ਕੌਮ ਵਈ ਕੀ ਲੜੇਗਾ, ਉਹ ਕਿਸੇ ਨਾਲ ਲੜਾਈ ਕੀ ਲੜੇਗਾ, ਜਿਹੜਾ ਆਪਣੀ ਲੜਾਈ ਨਹੀਂ ਲੜ ਸਕਦਾ। ਜਿਹੜੀ ਸੇਵਾ ਮਹਾਰਾਜ ਨੇ ਸਾਡੇ ਤੋਂ ਲਈ। ਕਦੇ ਪਹਿਲਾਂ ਵੀ ਨਹੀਂ ਸੀ ਪਿੱਛੇ ਹੋਏ ਅਤੇ ਅੱਗੇ ਵੀ ਨਹੀਂ ਹੋਵਾਂਗੇ। ਜਿਵੇਂ ਮੀਡੀਆ ’ਚ ਕਿਹਾ ਜਾ ਰਿਹਾ ਹੈ ਕਿ ਅਸੀਂ ਸੁਪਾਰੀ ਲੈ ਕੇ ਕੰਮ ਕਰਦੇ ਹਾਂ। ਇਹ ਗੱਲਾਂ ਕਦੇ ਨਹੀਂ ਹੋਈਆਂ। ਕੰਮ ਕਰਨ ਲਈ ਨਾ ਪੈਸਾ ਦਿੱਤਾ, ਨਾ ਕਿਸੇ ਤੋਂ ਪੈਸਾ ਲਿਆ।
ਇਹ ਵੀ ਪੜ੍ਹੋ : ਕੈਨੇਡਾ ਰਹਿ ਰਹੇ ਪੁੱਤ ਨੂੰ ਮਿਲਣ ਵਿਦੇਸ਼ ਗਏ ਮਾਪੇ, ਅਚਾਨਕ ਵਾਪਰ ਗਿਆ ਭਾਣਾ
'ਬਠਿੰਡਾ ਅਤੇ ਲੁਧਿਆਣਾ ਵਿਚ ਹੋਏ ਕਤਲਾਂ 'ਚ ਵੀ ਸਿੱਧੂ ਦਾ ਹੱਥ'
ਗੋਲਡੀ ਨੇ ਕਿਹਾ ਕਿ 'ਗੁਰਲਾਲ ਬਰਾੜ ਦੀ ਮੌਤ ਤੋਂ ਕੁੱਝ ਦਿਨ ਪਹਿਲਾਂ ਅਫਸਾਨਾ ਖ਼ਾਨ ਉਸ ਨੂੰ ਮਿਲੀ ਸੀ। ਮਨਦੀਪ ਧਾਲੀਵਾਲ ਵੀ ਗੱਡੀ ਵਿਚ ਮੌਜੂਦ ਸੀ। ਗੁਰਲਾਲ ਬਰਾੜ ਮਿਊਜ਼ਿਕ ਕੰਪਨੀ ਖੋਲ੍ਹਣਾ ਚਾਹੁੰਦਾ ਸੀ। ਅਫਸਾਨਾ ਸਾਹਮਣੇ ਗੁਰਲਾਲ ਨੇ ਸਿੱਧੂ ਬਾਰੇ ਕੋਈ ਵਧਵੀਂ ਘਟਵੀਂ ਗੱਲ ਕਰ ਦਿੱਤੀ ਸੀ। ਮਨਦੀਪ ਨੇ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਕੁਲਬੀਰ ਨਰੂਆਣਾ ਨੂੰ ਗੋਲ਼ੀਆਂ ਮਰਵਾਉਣ ਵਿਚ ਵੀ ਸਿੱਧੂ ਦਾ ਹੱਥ ਸੀ। ਬਠਿੰਡਾ ਅਤੇ ਲੁਧਿਆਣਾ ਵਿਚ ਹੋਏ ਕਤਲਾਂ 'ਚ ਵੀ ਸਿੱਧੂ ਦਾ ਹੱਥ ਹੈ।
ਲਾਰੈਂਸ ਧਾਰਮਿਕ ਵਿਅਕਤੀ
ਗੋਲਡੀ ਬਰਾੜ ਨੇ ਕਿਹਾ ਕਿ ਅੱਜ ਲਾਰੈਂਸ ਬਿਸ਼ਨੋਈ ਨੂੰ ਗੱਦਾਰ ਕਿਹਾ ਜਾ ਰਿਹਾ ਹੈ ਪਰ ਉਹ ਬਹੁਤ ਧਾਰਮਿਕ ਵਿਅਕਤੀ ਹੈ। ਅੱਜ ਉਸ ਦੇ ਐਨਕਾਊਂਟਰ ਦੀ ਗੱਲ ਕਹੀ ਜਾ ਰਹੀ ਹੈ। ਰਾਜਸਥਾਨ ਵਿਚ ਪੇਸ਼ ’ਤੇ ਲਾਰੈਂਸ ਭਿੰਡਰਾਵਾਲਿਆਂ ਦੀ ਟੀ ਸ਼ਰਟ ਪਾ ਕੇ ਆਉਂਦਾ ਸੀ। ਲਾਰੈਂਸ ਬਹੁਤ ਧਾਰਮਿਕ ਵਿਅਕਤੀ ਹੈ। ਹਰ ਰੋਜ਼ ਪਾਠ ਕਰਦਾ ਹੈ। ਕਦੇ ਜ਼ਿੰਦਗੀ ਵਿਚ ਨਸ਼ਾ ਨਹੀਂ ਕੀਤਾ ਉਸ ਨੇ। ਕਈ ਅਫਸਰਾਂ ਨੇ ਉਸ ਨੂੰ ਭਿੰਡਰਾਂਵਾਲਿਆਂ ਦੀ ਟੀ ਸ਼ਰਟ ਪਾਉਣ ਤੋਂ ਰੋਕਿਆ ਪਰ ਲਾਰੈਂਸ ਨੇ ਉਨ੍ਹਾਂ ਨੂੰ ਆਪਣਾ ਆਈਡਲ ਦੱਸਿਆ। ਭਿੰਡਰਾਂਵਾਲਿਆਂ ਦੀ ਟੀ ਸ਼ਰਟ ਪਾਉਣ ਲਈ ਲਾਰੈਂਸ ਨੂੰ 6 ਗੁਣਾ 6 ਦੇ ਅੰਡਾ ਸੈੱਲ ਵਿਚ ਰੱਖਿਆ ਜਾਂਦਾ ਸੀ ਜਿੱਥੇ ਪਾਣੀ ਤੱਕ ਨਹੀਂ ਮਿਲਦਾ ਸੀ ਪਰ ਉਹ ਪਿੱਛੇ ਨਹੀਂ ਹਟਿਆ।
ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਕਤਲ ਕਾਂਡ : ਪ੍ਰਿਯਵਰਤ ਫੌਜੀ ਸਣੇ ਚਾਰ ਕਾਤਲ ਅਦਾਲਤ ’ਚ ਪੇਸ਼, ਵਧਿਆ ਰਿਮਾਂਡ
ਜਗਦੀਸ਼ ਟਾਈਟਲਰ ਦੀ ਵੀ ਰੇਕੀ ਕੀਤੀ
ਕਾਲਜ ਸਮੇਂ ਲਾਰੈਂਸ ਨਾਲ ਰਿਹਾ। ਕਾਲਜ ਸਮੇਂ ਸਾਡੇ ’ਤੇ ਪਰਚਾ ਹੋ ਗਿਆ ਤਾਂ ਅਸੀਂ ਦਿੱਲੀ ਭੱਜ ਗਏ। ਉਥੇ ਅਸੀਂ ਜਗਦੀਸ਼ ਟਾਈਟਲਰ ਦੀ ਰੇਕੀ ਕਰਦੇ ਰਹੇ ਕਿ ਉਸ ਨੂੰ ਮਾਰ ਦੇਵਾਂਗੇ ਪਰ ਸਾਨੂੰ ਮੌਕਾ ਨਹੀਂ ਮਿਲਿਆ। ਅਸੀਂ ਕੌਮ ਦਾ ਦਰਦ ਸਮਝਿਆ ਸੀ। ਅੱਜ ਸਾਨੂੰ ਗੱਦਾਰ ਦੱਸਿਆ ਜਾ ਰਿਹਾ ਹੈ।
ਅਸੀਂ ਕਿਸੇ ਤੋਂ ਕੋਈ ਫਿਰੌਤੀ-ਰੰਗਦਾਰੀ ਨਹੀਂ ਮੰਗੀ
ਗੋਲਡੀ ਨੇ ਕਿਹਾ ਕਿ ਜਿਹੜੀਆਂ ਲੋਕਾਂ ਦੇ ਘਰਾਂ ’ਚ ਚਿੱਠੀਆਂ ਜਾ ਰਹੀਆਂ ਹਨ ਪੈਸੇ ਮੰਗ ਰਹੇ ਹਨ। ਅਸੀਂ ਕਿਸੇ ਤੋਂ ਕੋਈ ਫਿਰੌਤੀ, ਰੰਗਦਾਰੀ ਨਹੀਂ ਮੰਗੀ। ਅਸੀਂ ਰੰਗਦਾਰੀ ਉਨ੍ਹਾਂ ਬੰਦਿਆਂ ਤੋਂ ਮੰਗਦੇ ਹਾਂ ਜਿਹੜੇ ਲੋਕਾਂ ਦਾ ਖੂਨ ਚੂਸਦੇ ਹਨ। ਜਿਨ੍ਹਾਂ ਦਾ ਬੈਂਕਾਂ ਵਿਚ ਕਰੋੜਾਂ ਰੁਪਇਆ ਪਿਆ ਹੈ, ਜਿਨ੍ਹਾਂ ਨੂੰ ਕੋਈ ਫਰਕ ਨਹੀਂ ਪੈਂਦਾ। ਅਸੀਂ ਆਮ ਬੰਦਿਆਂ ਨੂੰ ਨਾ ਕਦੇ ਤੰਗ ਕੀਤਾ ਅਤੇ ਨਾ ਕਰਾਂਗੇ।
ਇਹ ਵੀ ਪੜ੍ਹੋ : ਪਰਿਵਾਰ ਖ਼ਿਲਾਫ਼ ਜਾ ਕੇ ਕਰਾਈ ਲਵ ਮੈਰਿਜ ਦਾ ਖ਼ੌਫਨਾਕ ਅੰਤ, ਉਹ ਹੋਇਆ ’ਚ ਸੋਚਿਆ ਨਾ ਸੀ
ਨਸ਼ਿਆਂ ਦੇ ਮੁੱਦੇ ਨੂੰ ਲੈ ਕੇ ਭਾਜਪਾ ਦੇ ਨਿਸ਼ਾਨੇ 'ਤੇ ਪੰਜਾਬ ਸਰਕਾਰ, ਤਰੁਣ ਚੁੱਘ ਨੇ ਚੁੱਕੇ ਵੱਡੇ ਸਵਾਲ
NEXT STORY 
