ਜਲੰਧਰ (ਮਹੇਸ਼)–ਪ੍ਰਯਾਗਰਾਜ ਵਿਚ ਚੱਲ ਰਹੇ ਮਹਾਕੁੰਭ ਵਿਚ ਇਸ਼ਨਾਨ ਕਰਨ ਅਤੇ ਅਯੁੱਧਿਆ ਧਾਮ ਵਿਖੇ ਸ਼੍ਰੀ ਰਾਮਲੱਲਾ ਜੀ ਦੇ ਦਰਸ਼ਨ ਕਰਨ ਲਈ ਇਤਿਹਾਸਕ ਸਪੈਸ਼ਲ ਟਰੇਨ 7 ਫਰਵਰੀ ਨੂੰ ਰਵਾਨਾ ਹੋਵੇਗੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਵਿਸ਼ਵ ਸਨਾਤਨ ਧਰਮ ਸਭਾ ਦੇ ਪ੍ਰਧਾਨ ਅਸ਼ਵਨੀ ਸੇਖੜੀ ਅਤੇ ਜਨਰਲ ਸਕੱਤਰ ਮਹੇਸ਼ ਗੁਪਤਾ ਨੇ ਦੱਸਿਆ ਕਿ ਪਹਿਲੀ ਵਾਰ ਸਾਰੇ ਭਗਤਾਂ ਲਈ ਸਪੈਸ਼ਲ ਟਰੇਨ ਬੁੱਕ ਕਰਵਾਈ ਗਈ ਹੈ, ਜਿਸ ਵਿਚ 1100 ਯਾਤਰੀ ਏ. ਸੀ. 3 ਟੀਅਰ ਟਰੇਨ ਦੀਆਂ 18 ਬੋਗੀਆਂ ਵਿਚ ਸਵਾਰ ਹੋ ਕੇ ਮਹਾਕੁੰਭ ’ਚ ਇਸ਼ਨਾਨ ਅਤੇ ਸ਼੍ਰੀ ਰਾਮਲੱਲਾ ਜੀ ਦੇ ਦਰਸ਼ਨ ਲਈ ਜਾਣਗੇ।
ਇਹ ਸਪੈਸ਼ਲ ਟਰੇਨ ਅੰਮ੍ਰਿਤਸਰ ਤੋਂ 7 ਫਰਵਰੀ ਨੂੰ ਰਵਾਨਾ ਹੋਵੇਗੀ, ਜੋ ਅੰਮ੍ਰਿਤਸਰ, ਜਲੰਧਰ, ਫਗਵਾੜਾ, ਲੁਧਿਆਣਾ, ਮੰਡੀ ਗੋਬਿੰਦਗੜ੍ਹ, ਅੰਬਾਲਾ, ਦਿੱਲੀ ਤੋਂ ਭਗਤਾਂ ਨੂੰ ਲੈ ਕੇ ਪ੍ਰਯਾਗਰਾਜ ਪਹੁੰਚੇਗੀ। 8 ਫਰਵਰੀ ਨੂੰ ਸਾਰੇ ਭਗਤ ਪ੍ਰਯਾਗਰਾਜ ਮਹਾਕੁੰਭ ਵਿਚ ਇਸ਼ਨਾਨ ਕਰਨਗੇ ਅਤੇ ਰਾਤ ਸਮੇਂ ਸਪੈਸ਼ਲ ਟਰੇਨ ਸਾਰੇ ਭਗਤਾਂ ਨੂੰ ਲੈ ਕੇ ਅਯੁੱਧਿਆ ਧਾਮ ਵਿਖੇ ਸ਼੍ਰੀ ਰਾਮਲੱਲਾ ਜੀ ਦੇ ਦਰਸ਼ਨਾਂ ਲਈ ਰਵਾਨਾ ਹੋਵੇਗੀ ਅਤੇ 9 ਤਾਰੀਖ਼ ਨੂੰ ਸਾਰੇ ਭਗਤ ਸ਼੍ਰੀ ਰਾਮਲੱਲਾ ਜੀ ਦੇ ਦਰਸ਼ਨ ਕਰਨਗੇ ਅਤੇ ਰਾਤ ਨੂੰ ਇਹ ਟਰੇਨ ਵਾਪਸ ਅੰਮ੍ਰਿਤਸਰ ਲਈ ਰਵਾਨਾ ਹੋਵੇਗੀ, ਜੋਕਿ 10 ਫਰਵਰੀ ਨੂੰ ਅੰਮ੍ਰਿਤਸਰ ਪਹੁੰਚੇਗੀ। ਸਪੈਸ਼ਲ ਟਰੇਨ ਵਿਚ ਖਾਣ-ਪੀਣ ਦੀ ਸਹੂਲਤ ਉਪਲੱਬਧ ਹੋਵੇਗੀ। 5 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਆਪਣੇ ਮਾਤਾ-ਪਿਤਾ ਨਾਲ ਮੁਫ਼ਤ ਸਫ਼ਰ ਕਰ ਸਕਣਗੇ। ਵਿਸ਼ਵ ਸਨਾਤਨ ਧਰਮ ਸਭਾ ਦੇ ਜਨਰਲ ਸਕੱਤਰ ਮਹੇਸ਼ ਗੁਪਤਾ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਅਸੀਂ ਸਾਰੇ ਲੋਕ ਬਹੁਤ ਹੀ ਕਿਸਮਤ ਵਾਲੇ ਹਾਂ, ਜੋ ਇੰਨੇ ਵੱਡੇ ਮਹਾਕੁੰਭ ਵਿਚ ਇਸ਼ਨਾਨ ਕਰਾਂਗੇ ਅਤੇ ਆਪਣਾ ਜੀਵਨ ਸਫ਼ਲ ਕਰਾਂਗੇ।
ਇਹ ਵੀ ਪੜ੍ਹੋ : ਪੰਜਾਬ ਦੇ ਇਸ ਜ਼ਿਲ੍ਹੇ 'ਚ ਮੈਰਿਜ ਪੈਲੇਸਾਂ ਤੇ ਧਾਰਮਿਕ ਸਥਾਨਾਂ ਲਈ ਜਾਰੀ ਹੋਏ ਸਖ਼ਤ ਹੁਕਮ
ਉਨ੍ਹਾਂ ਕਿਹਾ ਕਿ ਪੂਰੇ ਵਿਸ਼ਵ ਤੋਂ ਪ੍ਰਯਾਗਰਾਜ ਵਿਚ ਇਸ਼ਨਾਨ ਕਰਨ ਲਈ ਭਗਤ ਪਹੁੰਚ ਰਹੇ ਹਨ। ਕਰੋੜਾਂ ਦੀ ਗਿਣਤੀ ਵਿਚ ਲੋਕ ਹੁਣ ਤਕ ਮਹਾਕੁੰਭ ਵਿਚ ਇਸ਼ਨਾਨ ਕਰ ਚੁੱਕੇ ਹਨ। ਸਾਰੇ ਭਗਤਾਂ ਦੀ ਸੁਵਿਧਾ ਲਈ ਪਹਿਲੀ ਵਾਰ ਇਤਿਹਾਸਕ ਤੌਰ ’ਤੇ ਸਪੈਸ਼ਲ ਟਰੇਨ ਪ੍ਰਯਾਗਰਾਜ ਅਤੇ ਅਯੁੱਧਿਆ ਧਾਮ ਲਈ ਰਵਾਨਾ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਸਬੰਧੀ ਭਗਤਾਂ ਵਿਚ ਕਾਫ਼ੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ ਅਤੇ ਯਾਤਰਾ ਲਈ ਬੁਕਿੰਗ ਤੇਜ਼ੀ ਨਾਲ ਹੋ ਰਹੀ ਹੈ। ਸਪੈਸ਼ਲ ਟਰੇਨ ਯਾਤਰਾ ਲਈ ਇਕ ਵਿਸ਼ੇਸ਼ ਮੀਟਿੰਗ ਦਾ ਆਯੋਜਨ ਵੀ ਕੀਤਾ ਗਿਆ, ਜਿਸ ਵਿਚ ਮੁੱਖ ਤੌਰ ’ਤੇ ਸੰਗਠਨ ਮੰਤਰੀ ਪੰਜਾਬ ਸ਼੍ਰੀਨਿਵਾਸੁਲੂ ਸਰਪ੍ਰਸਤ, ਸੁਰੱਖਿਆ ਪ੍ਰਚਾਰਕ ਰਾਮ ਗੋਪਾਲ, ਸਾਬਕਾ ਕੈਬਨਿਟ ਮੰਤਰੀ ਪੰਜਾਬ ਸੰਸਥਾ ਪ੍ਰਧਾਨ ਅਸ਼ਵਨੀ ਸੇਖੜੀ, ਜਨਰਲ ਸਕੱਤਰ ਮਹੇਸ਼ ਗੁਪਤਾ, ਜਨਰਲ ਸਕੱਤਰ ਬੁਧਿਸ਼ ਅਗਰਵਾਲ, ਉੱਪ ਪ੍ਰਧਾਨ ਰਾਜ ਗਰਗ ਨੰਬਰਦਾਰ, ਉਪ ਪ੍ਰਧਾਨ ਦੇਵੀਦਿਆਲ ਪਰਾਸ਼ਰ, ਸਲਾਹਕਾਰ ਸੁਨੀਲ ਭਾਰਦਵਾਜ, ਗੁਲਸ਼ਨ ਮਹਾਜਨ, ਸ਼੍ਰੀਮਤੀ ਸੋਨੀਆ ਨਈਅਰ, ਸ਼੍ਰੀਮਤੀ ਮਮਤਾ ਜੈਨ ਗਰਗ ਅਤੇ ਹੋਰ ਸਹਿਯੋਗੀ ਹਾਜ਼ਰ ਸਨ।
ਇਹ ਵੀ ਪੜ੍ਹੋ : ਪੰਜਾਬ ਦੇ ਮੌਸਮ ਨੂੰ ਲੈ ਕੇ ਹੋ ਗਈ ਵੱਡੀ ਭਵਿੱਖਬਾਣੀ, ਇਨ੍ਹਾਂ ਤਾਰੀਖ਼ਾਂ ਨੂੰ ਪਵੇਗਾ ਮੀਂਹ ਤੇ...
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਇਕ ਘੰਟਾ ਬਾਥਰੂਮ 'ਚ ਵੜੀ ਰਹੀ ਕੁੜੀ, ਬਾਹਰ ਨਿਕਲੀ ਤਾਂ ਹੱਕਾ-ਬੱਕਾ ਰਹਿ ਗਿਆ ਪਰਿਵਾਰ
NEXT STORY 
