ਵੈੱਬ ਡੈਸਕ- ਇਕ ਬੇਹੱਦ ਹੈਰਾਨੀਜਨਕ ਅਤੇ ਸਫਾਈ ਵਿਵਸਥਾ 'ਤੇ ਸਵਾਲ ਖੜ੍ਹੇ ਕਰਨ ਵਾਲੀ ਵੀਡੀਓ ਸਾਹਮਣੇ ਆਈ ਹੈ। ਸਟ੍ਰੀਟ ਫੂਡ ਦੇ ਸ਼ੌਕੀਨਾਂ ਲਈ ਇਹ ਖ਼ਬਰ ਕਾਫੀ ਪਰੇਸ਼ਾਨ ਕਰਨ ਵਾਲੀ ਹੋ ਸਕਦੀ ਹੈ, ਕਿਉਂਕਿ ਇੱਥੋਂ ਦੇ ਇਕ ਪਾਣੀਪੁਰੀ (ਗੋਲਗੱਪਾ) ਸਟਾਲ 'ਤੇ ਮਸਾਲੇ ਵਾਲੇ ਬਰਤਨ 'ਚੋਂ ਇਕ ਜਿਉਂਦਾ ਚੂਹਾ ਨਿਕਲਦਾ ਦਿਖਾਈ ਦਿੱਤਾ ਹੈ।
ਕੀ ਹੈ ਪੂਰਾ ਮਾਮਲਾ?
ਇਹ ਘਟਨਾ ਉਦੋਂ ਸਾਹਮਣੇ ਆਈ ਜਦੋਂ ਇੰਸਟਾਗ੍ਰਾਮ ਯੂਜ਼ਰ 'karan_dhanju26' ਆਪਣੇ ਦੋਸਤ ਨਾਲ ਗੋਲਗੱਪੇ ਖਾ ਰਿਹਾ ਸੀ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਮਸਾਲੇ ਅਤੇ ਪਾਣੀ ਨਾਲ ਭਰੇ ਇਕ ਵੱਡੇ ਕੰਟੇਨਰ 'ਚ ਅਚਾਨਕ ਹਲਚਲ ਹੁੰਦੀ ਹੈ। ਜਦੋਂ ਗੌਰ ਨਾਲ ਦੇਖਿਆ ਗਿਆ ਤਾਂ ਉਸ 'ਚੋਂ ਇਕ ਜਿਉਂਦਾ ਚੂਹਾ ਬਾਹਰ ਨਿਕਲਦਾ ਨਜ਼ਰ ਆਇਆ। ਵਿਕਰੇਤਾ ਨੇ ਚੂਹੇ ਨੂੰ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ, ਜਿਸ ਤੋਂ ਬਾਅਦ ਚੂਹਾ ਬਰਤਨ 'ਚੋਂ ਛਾਲ ਮਾਰ ਕੇ ਨੇੜਲੀ ਨਾਲੀ 'ਚ ਭੱਜ ਗਿਆ। ਵਲੌਗਰ ਅਨੁਸਾਰ, ਉਨ੍ਹਾਂ ਨੇ ਤੁਰੰਤ ਰੇਹੜੀ ਵਾਲੇ ਨੂੰ ਸਾਰਾ ਮਸਾਲਾ ਅਤੇ ਪਾਣੀ ਸੁੱਟਣ ਲਈ ਕਿਹਾ।
ਸੋਸ਼ਲ ਮੀਡੀਆ 'ਤੇ ਭਖੀ ਬਹਿਸ
ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਕੁਝ ਹੀ ਘੰਟਿਆਂ 'ਚ ਇਸ ਨੂੰ ਲਗਭਗ 3 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਲੋਕਾਂ ਨੇ ਕਮੈਂਟ ਸੈਕਸ਼ਨ 'ਚ ਸਟ੍ਰੀਟ ਫੂਡ ਦੀ ਸਫਾਈ ਨੂੰ ਲੈ ਕੇ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਦੂਜੇ ਪਾਸੇ, ਕੁਝ ਲੋਕਾਂ ਨੇ ਇਸ ਵੀਡੀਓ ਦੀ ਸੱਚਾਈ 'ਤੇ ਸ਼ੱਕ ਵੀ ਜਤਾਇਆ ਹੈ। ਕੁਝ ਯੂਜ਼ਰਸ ਦਾ ਕਹਿਣਾ ਹੈ ਕਿ ਹੋ ਸਕਦਾ ਹੈ ਇਹ ਵੀਡੀਓ ਸਕ੍ਰਿਪਟਡ ਹੋਵੇ ਜਾਂ AI (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਰਾਹੀਂ ਬਣਾਈ ਗਈ ਹੋਵੇ, ਕਿਉਂਕਿ ਬਾਕੀ ਸੈਟਅਪ ਕਾਫੀ ਸਾਫ਼ ਦਿਖ ਰਿਹਾ ਸੀ ਅਤੇ ਹੋ ਸਕਦਾ ਹੈ ਚੂਹੇ ਨੇ ਉਸੇ ਵੇਲੇ ਅੰਦਰ ਛਾਲ ਮਾਰੀ ਹੋਵੇ। ਫਿਲਹਾਲ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ ਅਤੇ ਲੋਕਾਂ ਨੂੰ ਬਾਹਰ ਖਾਣ-ਪੀਣ ਵੇਲੇ ਸਾਵਧਾਨ ਰਹਿਣ ਦੀ ਸਲਾਹ ਦਿੱਤੀ ਜਾ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Scorpio N ਅਤੇ Fortuner ਗੱਡੀਆਂ ਬੁੱਕ ਕਰਵਾਉਣ ਦਾ ਝਾਂਸਾ ਦੇ ਕੇ ਲੱਖਾਂ ਰੁਪਏ ਦੀ ਠੱਗੇ
NEXT STORY 
