ਜਲੰਧਰ (ਚੋਪੜਾ)—ਅੱਜ ਵੈਸਟ ਹਲਕੇ ਦੀ ਰਾਜਨੀਤੀ 'ਚ ਉਸ ਸਮੇਂ ਵੱਡਾ ਉਲਟਫੇਰ ਦਿਖਾਈ ਦਿੱਤਾ ਜਦੋਂ ਹਲਕਾ ਵਿਧਾਇਕ ਸੁਸ਼ੀਲ ਰਿੰਕੂ ਹਲਕੇ ਦੇ ਸਾਬਕਾ ਵਿਧਾਇਕ ਅਤੇ ਸਾਬਕਾ ਕੈਬਨਿਟ ਮੰੰਤਰੀ ਭਗਤ ਚੂਨੀ ਲਾਲ ਦੇ ਘਰ ਜਾ ਪਹੁੰਚੇ। ਮੁਲਾਕਾਤ ਦਾ ਬਹਾਨਾ ਸਤਗੁਰੂ ਕਬੀਰ ਮਹਾਰਾਜ ਦੀ 620ਵੀਂ ਜਯੰਤੀ 'ਤੇ ਭਗਤ ਚੂਨੀ ਲਾਲ ਨੂੰ ਵਧਾਈ ਦੇਣ ਸੀ, ਪਰ ਇਸ ਮੁਲਾਕਾਤ ਦੇ ਕਈ ਰਾਜਨੀਤੀ ਮਾਮਲੇ ਕੱਢੇ ਜਾਣ ਲੱਗੇ ਹਨ।
ਚੂਨੀ ਲਾਲ ਨੇ ਆਪਣੇ ਰਿਸ਼ਤੇਦਾਰਾਂ ਦੇ ਨਾਲ ਜਿੱਥੇ ਵਿਧਾਇਕ ਰਿੰਕੂ ਦਾ ਸੁਆਗਤ ਕੀਤਾ, ਉੱਥੇ ਰਿੰਕੂ ਨੇ ਵੀ ਚੂਨੀ ਲਾਲ ਦਾ ਮੂੰਹ ਮਿੱਠਾ ਕਰਵਾ ਕੇ ਉਨ੍ਹਾਂ ਨੂੰ ਕਬੀਰ ਜਯੰਤੀ ਦੀ ਵਧਾਈ ਦਿੱਤੀ। ਵਿਧਾਇਕ ਰਿੰਕੂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਚੂਨੀ ਲਾਲ ਦੇ ਨਾਲ ਰਾਜਨੀਤੀ ਤੋਂ ਹੱਟ ਕੇ ਇਕ ਰਸਮੀ ਭੇਂਟ ਸੀ। ਸਾਬਕਾ ਵਿਧਾਇਕ ਨਾਲ ਉਨ੍ਹਾਂ ਨੇ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕੀਤਾ ਕਿ ਸਾਡੇ ਦੋਵੇਂ ਪਰਿਵਾਰਾਂ ਦੇ ਬਜ਼ੁਰਗ 1947 'ਚ ਪਾਕਿਸਤਾਨ 'ਚ ਵਿਸਥਾਪਤ ਹੋ ਕੇ ਭਾਰਤ ਆਏ ਸੀ ਅਤੇ ਇੱਥੇ ਆ ਕੇ ਆਪਣੇ ਕਾਰੋਬਾਰ ਸਥਾਪਿਤ ਕੀਤੇ ਸੀ। ਇਸ ਮੌਕੇ 'ਤੇ ਦੋਵੇਂ ਨੇਤਾਵਾਂ ਨੇ ਕਿਹਾ ਕਿ ਅਸੀਂ ਆਪਣੇ ਗੁਰੂਆਂ ਦੇ ਜਨਮਦਿਨ ਅਤੇ ਧਾਰਮਿਕ ਪ੍ਰੋਗਰਾਮ ਰਾਜਨੀਤੀ ਤੋਂ ਉੱਪਰ ਉੱਠ ਕੇ ਮਿਲ ਕੇ ਮਨਾਉਣੇ ਚਾਹੀਦੇ। ਇਸ ਮੌਕੇ 'ਤੇ ਓਮ ਪ੍ਰਕਾਸ਼, ਮੁਨੀਸ਼ ਭਗਤ, ਅਸ਼ਵਨੀ ਜੰਗਰਾਲ ਅਤੇ ਹੋਰ ਵੀ ਮੌਜੂਦ ਸੀ।
ਜਲੰਧਰ: ਖੜ੍ਹੀ ਗੱਡੀਆਂ 'ਤੇ ਡਿੱਗਾ ਦਰੱਖਤ (ਦੇਖੋ ਤਸਵੀਰਾਂ)
NEXT STORY 
