ਚੰਡੀਗੜ੍ਹ (ਲਲਨ) : ਚੰਡੀਗੜ੍ਹ ਰੇਲਵੇ ਸਟੇਸ਼ਨ ’ਤੇ ਅਣਰਿਜ਼ਰਵਡ ਟਿਕਟਾਂ ਲੈਣ ਲਈ ਯਾਤਰੀ ਹੁਣ ਲੰਬੀਆਂ ਕਤਾਰਾਂ ’ਚ ਖੜ੍ਹਨ ਦੀ ਬਜਾਏ ਡਿਜੀਟਲ ਸਹੂਲਤਾਂ ਵੱਲ ਵੱਧ ਰੁਝਾਨ ਦਿਖਾ ਰਹੇ ਹਨ। ਰੇਲਵੇ ਵੱਲੋਂ ਚੰਡੀਗੜ੍ਹ ਤੇ ਪੰਚਕੂਲਾ ਪਾਸੇ ਲਾਈਆਂ ਟਿਕਟ ਵੈਂਡਿੰਗ ਮਸ਼ੀਨਾਂ ਤੇ ਕਿਊ. ਆਰ. ਕੋਡ ਰਾਹੀਂ ਯਾਤਰੀ ਟਿਕਟਾਂ ਖ਼ਰੀਦ ਰਹੇ ਹਨ। ਟਿਕਟ ਲੈਣ ਤੋਂ ਬਾਅਦ ਯਾਤਰੀ ਸਿੱਧੇ ਪਲੇਟਫਾਰਮ ’ਤੇ ਜਾ ਸਕਦੇ ਹਨ, ਜਿਸ ਨਾਲ ਕਤਾਰਾਂ ’ਚ ਲੱਗਣ ਦੀ ਝੰਝਟ ਘੱਟ ਹੋ ਗਈ ਹੈ। ਇਸ ਸਮੇਂ ਚੰਡੀਗੜ੍ਹ ਪਾਸੇ ਦੋ ਤੇ ਪੰਚਕੂਲਾ ਪਾਸੇ ਇਕ ਟਿਕਟ ਵੈਂਡਿੰਗ ਮਸ਼ੀਨ ਲੱਗੀ ਹੋਈ ਹੈ। ਯਾਤਰੀਆਂ ਦੇ ਵਧਦੇ ਹੁੰਗਾਰੇ ਨੂੰ ਦੇਖਦਿਆਂ ਰੇਲਵੇ ਵੱਲੋਂ ਚਾਰ ਹੋਰ ਨਵੀਆਂ ਮਸ਼ੀਨਾਂ ਲਗਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਹ ਮਸ਼ੀਨਾਂ ਸਟੇਸ਼ਨ ’ਤੇ ਪਹੁੰਚ ਚੁੱਕੀਆਂ ਹਨ ਤੇ ਇਨ੍ਹਾਂ ਦਾ ਸਾਫਟਵੇਅਰ ਅਪਡੇਟ ਕੀਤਾ ਜਾ ਰਿਹਾ ਹੈ। ਅਪਡੇਟ ਪੂਰਾ ਹੋਣ ਤੋਂ ਬਾਅਦ ਚੰਡੀਗੜ੍ਹ ਪਾਸੇ ਪੰਜ ਤੇ ਪੰਚਕੂਲਾ ਪਾਸੇ ਦੋ ਵੈਂਡਿੰਗ ਮਸ਼ੀਨਾਂ ਹੋ ਜਾਣਗੀਆਂ।
ਕਾਊਂਟਰ ’ਤੇ ਵੀ ਕਿਊ.ਆਰ. ਕੋਡ ਨਾਲ ਭੁਗਤਾਨ ਦੀ ਸਹੂਲਤ
ਅਣਰਿਜ਼ਰਵਡ ਟਿਕਟ ਕਾਊਂਟਰਾਂ ’ਤੇ ਹੁਣ ਕਿਊ. ਆਰ. ਕੋਡ ਦੀ ਸਹੂਲਤ ਵੀ ਸ਼ੁਰੂ ਕੀਤੀ ਗਈ ਹੈ। ਯਾਤਰੀ ਕੋਡ ਸਕੈਨ ਕਰਕੇ ਮੋਬਾਈਲ ਰਾਹੀਂ ਕਿਰਾਏ ਦਾ ਭੁਗਤਾਨ ਕਰ ਸਕਦੇ ਹਨ ਤੇ ਭੁਗਤਾਨ ਦੀ ਪੁਸ਼ਟੀ ਦਿਖਾ ਕੇ ਟਿਕਟ ਪ੍ਰਾਪਤ ਕਰ ਸਕਦੇ ਹਨ। ਇਸ ਨਾਲ ਖੁੱਲ੍ਹੇ ਪੈਸਿਆਂ ਦੀ ਸਮੱਸਿਆ ਵੀ ਕਾਫ਼ੀ ਹੱਦ ਤੱਕ ਦੂਰ ਹੋ ਗਈ ਹੈ।
28 ਫ਼ੀਸਦੀ ਯਾਤਰੀ ਡਿਜੀਟਲ ਢੰਗ ਨਾਲ ਲੈ ਰਹੇ ਟਿਕਟ
ਅਧਿਕਾਰੀਆਂ ਅਨੁਸਾਰ ਸਟੇਸ਼ਨ ਤੋਂ ਜਾਰੀ ਹੋਣ ਵਾਲੀਆਂ ਅਣਰਿਜ਼ਰਵਡ ਟਿਕਟਾਂ ’ਚੋਂ ਕਰੀਬ 28 ਫ਼ੀਸਦੀ ਟਿਕਟਾਂ ਹੁਣ ਆਨਲਾਈਨ ਜਾਂ ਡਿਜੀਟਲ ਮਾਧਿਅਮਾਂ ਰਾਹੀਂ ਖ਼ਰੀਦੀਆਂ ਜਾ ਰਹੀਆਂ ਹਨ। ਇਨ੍ਹਾਂ ’ਚੋਂ 11 ਫ਼ੀਸਦੀ ਟਿਕਟਾਂ ਵੈਂਡਿੰਗ ਮਸ਼ੀਨਾਂ ਤੋਂ, 10 ਫ਼ੀਸਦੀ ਕਿਊ.ਆਰ. ਕੋਡ ਰਾਹੀਂ ਤੇ ਕਰੀਬ 7 ਫ਼ੀਸਦੀ ਯਾਤਰੀ ਮੋਬਾਈਲ ਐਪ ਦੀ ਵਰਤੋਂ ਕਰਕੇ ਟਿਕਟਾਂ ਲੈ ਰਹੇ ਹਨ। ਯਾਤਰੀਆਂ ਦੀ ਸਹੂਲਤ ਲਈ ਰੇਲਵੇ ਵੱਲੋਂ ਸਟੇਸ਼ਨ ’ਤੇ ਕਈ ਥਾਵਾਂ ’ਤੇ ਕਿਊ.ਆਰ. ਕੋਡ ਦੇ ਫਲੈਕਸੀ ਬੋਰਡ ਲਾਏ ਗਏ ਹਨ ਅਤੇ ਮਾਰਗਦਰਸ਼ਨ ਲਈ ਇਕ ਕਰਮਚਾਰੀ ਦੀ ਡਿਊਟੀ ਵੀ ਲਾਈ ਗਈ ਹੈ, ਤਾਂ ਜੋ ਯਾਤਰੀਆਂ ਨੂੰ ਟਿਕਟ ਲੈਣ ’ਚ ਕੋਈ ਦਿੱਕਤ ਨਾ ਆਵੇ।
'ਆਪ' ਖਿਲਾਫ ਪ੍ਰਦਰਸ਼ਨ ਕਰ ਰਹੀ ਰਾਜਾ ਵੜਿੰਗ ਦੀ ਧੀ ਨੂੰ ਪੁਲਸ ਨੇ ਹਿਰਾਸਤ 'ਚ ਲਿਆ
NEXT STORY 
