ਬਠਿੰਡਾ (ਵਿਜੇ ਵਰਮਾ) : ਪੰਜਾਬ ਸਰਕਾਰ ਦੇ ਸਥਾਨਕ ਸਰਕਾਰਾਂ ਵਿਭਾਗ ਨੇ ਬਠਿੰਡਾ ਨਗਰ-ਨਿਗਮ ਲਈ ਨਵੀਂ ਵਾਰਡ ਹੱਦਬੰਦੀ ਸਬੰਧੀ ਇਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਹ ਨੋਟੀਫਿਕੇਸ਼ਨ ਪੰਜਾਬ ਸਰਕਾਰ ਦੇ ਅਸਧਾਰਨ ਗਜ਼ਟ ਵਿਚ ਪ੍ਰਕਾਸ਼ਿਤ ਕੀਤਾ ਜਾਵੇਗਾ। ਨਵੀਂ ਪ੍ਰਣਾਲੀ ਦੇ ਤਹਿਤ ਬਠਿੰਡਾ ਨਗਰ ਨਿਗਮ ਨੂੰ ਕੁੱਲ 50 ਵਾਰਡਾਂ ਵਿਚ ਵੰਡਿਆ ਗਿਆ ਹੈ, ਜਿਨ੍ਹਾਂ ਵਿਚੋਂ 33 ਵਾਰਡ ਵੱਖ-ਵੱਖ ਰਾਖਵੇਂ ਵਰਗਾਂ ਲਈ ਨਿਰਧਾਰਤ ਕੀਤੇ ਗਏ ਹਨ। ਨਵੀਂ ਵਾਰਡਬੰਦੀ ਅਨੁਸਾਰ ਔਰਤਾਂ, ਅਨੁਸੂਚਿਤ ਜਾਤੀਆਂ (ਐੱਸ. ਸੀ.) ਅਤੇ ਪੱਛੜੀਆਂ ਸ਼੍ਰੇਣੀਆਂ (ਓ. ਬੀ. ਸੀ.) ਨੂੰ ਵਿਆਪਕ ਪ੍ਰਤੀਨਿਧਤਾ ਪ੍ਰਦਾਨ ਕਰਦੀ ਹੈ। ਇਸਨੂੰ ਸਮਾਜਿਕ ਨਿਆਂ ਵੱਲ ਇਕ ਮਹੱਤਵਪੂਰਨ ਕਦਮ ਮੰਨਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਚੁੱਕਣ ਜਾ ਰਹੀ ਵੱਡਾ ਕਦਮ, ਅਧਿਕਾਰੀਆਂ ਨੂੰ ਜਾਰੀ ਹੋਏ ਹੁਕਮ
ਮੁੱਖ ਸੜਕਾਂ ਅਤੇ ਸੀਮਾਵਾਂ ਨੂੰ ਬਣਾਇਆ ਆਧਾਰ
ਵਾਰਡਬੰਦੀ ਅਨੁਸਾਰ ਵਾਰਡਾਂ ਦੀਆਂ ਸੀਮਾਵਾਂ ਨਿਰਧਾਰਤ ਕਰਨ ਲਈ ਸਰਹਿੰਦ ਨਹਿਰ, ਰਿੰਗ ਰੋਡ, ਬਰਨਾਲਾ ਬਾਈਪਾਸ, ਡੱਬਵਾਲੀ ਰੋਡ, ਮਾਨਸਾ ਰੋਡ ਅਤੇ ਜੀ. ਟੀ. ਰੋਡ ਵਰਗੀਆਂ ਪ੍ਰਮੁੱਖ ਸੜਕਾਂ ਨੂੰ ਆਧਾਰ ਵਜੋਂ ਵਰਤਿਆ ਗਿਆ ਹੈ। ਇਸ ਤੋਂ ਇਲਾਵਾ ਕਈ ਪੁਰਾਣੇ ਵਾਰਡਾਂ ਦੀਆਂ ਹੱਦਾਂ ਬਦਲ ਕੇ ਆਬਾਦੀ ਸੰਤੁਲਨ ਬਣਾਈ ਰੱਖਣ ਦੇ ਯਤਨ ਕੀਤੇ ਗਏ ਹਨ। ਭਵਿੱਖ ਦੀ ਆਬਾਦੀ ਅਤੇ ਵਿਕਾਸ ਦੇ ਮੱਦੇਨਜ਼ਰ ਪ੍ਰਸ਼ਾਸਕੀ ਸੰਤੁਲਨ ਬਣਾਈ ਰੱਖਣ ਲਈ ਨਵੀਆਂ ਵਿਕਸਤ ਕਾਲੋਨੀਆਂ ਅਤੇ ਫੈਲ ਰਹੇ ਖੇਤਰਾਂ ਨੂੰ ਵੱਖਰੇ ਵਾਰਡਾਂ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਨਵੀਂ ਵਾਰਡ ਬੰਦੀ ਜਾਰੀ ਹੋਣ ਦੇ ਨਾਲ ਮਹਾਨਗਰ ’ਚ ਰਾਜਨੀਤਿਕ ਸਰਗਰਮੀਆਂ ਤੇਜ਼ੀ ਨਾਲ ਸਰਗਰਮ ਹੋ ਗਈਆਂ ਹਨ। ਰਾਜਨੀਤਿਕ ਪਾਰਟੀਆਂ ਅਤੇ ਸੰਭਾਵੀ ਉਮੀਦਵਾਰਾਂ ਨੇ ਵਾਰਡ ਢਾਂਚੇ ਅਤੇ ਰਿਜ਼ਰਵੇਸ਼ਨ ਪ੍ਰਣਾਲੀ ਦਾ ਅਧਿਐਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਸੂਤਰਾਂ ਅਨੁਸਾਰ ਵਾਰਡ ਤਬਦੀਲੀਆਂ ਸਬੰਧੀ ਕੁਝ ਖੇਤਰਾਂ ਵਿਚ ਇਤਰਾਜ਼ ਉੱਠ ਸਕਦੇ ਹਨ ਅਤੇ ਸਰਕਾਰ ਕੋਲ ਲਿਖਤੀ ਇਤਰਾਜ਼ ਦਾਇਰ ਕੀਤੇ ਜਾਣ ਦੀ ਸੰਭਾਵਨਾ ਹੈ।
ਇਹ ਵੀ ਪੜ੍ਹੋ : ਸਾਲ ਦੇ ਪਹਿਲੇ ਦਿਨ ਪੰਜਾਬ ਵਾਸੀਆਂ ਨੂੰ ਮਿਲੀ ਸੌਗਾਤ, ਵੱਡੀ ਗਿਣਤੀ ਪਰਿਵਾਰਾਂ ਨੂੰ ਹੋਵੇਗਾ ਫਾਇਦਾ
ਨਗਰ ਨਿਗਮ ਚੋਣਾਂ ਦੀ ਤਿਆਰੀ ਲਈ ਮਜ਼ਬੂਤ ਨੀਂਹ
ਨਵੀਂ ਵਾਰਡਬੰਦੀ ਨੂੰ ਆਉਣ ਵਾਲੀਆਂ ਨਗਰ ਨਿਗਮ ਚੋਣਾਂ ਦੀ ਤਿਆਰੀ ਵੱਲ ਇਕ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ। ਇਹ ਨਾ ਸਿਰਫ ਚੋਣ ਪ੍ਰਕਿਰਿਆ ਨੂੰ ਸਪੱਸ਼ਟਤਾ ਪ੍ਰਦਾਨ ਕਰੇਗਾ ਬਲਕਿ ਔਰਤਾਂ ਅਤੇ ਹਾਸ਼ੀਏ ’ਤੇ ਧੱਕੇ ਗਏ ਸਮੂਹਾਂ ਦੀ ਭਾਗੀਦਾਰੀ ਨੂੰ ਵੀ ਮਜ਼ਬੂਤ ਕਰੇਗਾ। ਇਹ ਵਾਰਡ ਸੀਮਾਕਰਨ ਪੰਜਾਬ ਨਗਰ ਨਿਗਮ ਐਕਟ, 1975 ਦੀ ਧਾਰਾ 8(2) ਅਤੇ ਵਾਰਡਾਂ ਦੀ ਹੱਦਬੰਦੀ ਆਰਡਰ, 1995 ਦੇ ਤਹਿਤ ਕੀਤਾ ਗਿਆ ਹੈ, ਜਿਸਨੂੰ ਪੰਜਾਬ ਦੇ ਰਾਜਪਾਲ ਦੀ ਪ੍ਰਵਾਨਗੀ ਪ੍ਰਾਪਤ ਹੈ।
ਬਠਿੰਡਾ ਨਗਰ ਨਿਗਮ ’ਚ ਵਾਰਡਾਂ ਦੇ ਵੇਰਵੇ
ਵਾਰਡ 1 – ਕੋਠੇ ਅਮਰਪੁਰਾ, ਐੱਨ.ਐੱਫ.ਐੱਲ. ਕਾਲੋਨੀ, ਟ੍ਰਾਂਸਪੋਰਟ ਨਗਰ (ਮਹਿਲਾ ਰਿਜ਼ਰਵ)।
ਵਾਰਡ 2 – ਬੀਬੀ ਵਾਲਾ ਰੋਡ, ਪਟੇਲ ਨਗਰ, ਬੱਸ ਸਟੈਂਡ ਖੇਤਰ।
ਵਾਰਡ 3 – ਸਰਹਿੰਦ ਨਹਿਰ, ਅਮਰਪੁਰਾ ਖੇਤਰ (ਮਹਿਲਾ ਰਿਜ਼ਰਵ)।
ਵਾਰਡ 4 – ਮਾਡਲ ਟਾਊਨ ਫੇਜ਼ 4 ਅਤੇ ਫੇਜ਼ 5।
ਵਾਰਡ 5 – ਬਲਰਾਮ ਨਗਰ, ਨੈਸ਼ਨਲ ਕਾਲੋਨੀ (ਮਹਿਲਾ ਰਿਜ਼ਰਵ)।
ਵਾਰਡ 6 – ਪਰਸ਼ੂਰਾਮ ਨਗਰ, ਸ਼ਕਤੀ ਵਿਹਾਰ।
ਵਾਰਡ 7 – ਸ਼ਿਵ ਕਾਲੋਨੀ, ਜਨਤਾ ਨਗਰ (ਅਨੁਸੂਚਿਤ ਜਾਤੀ ਰਿਜ਼ਰਵ)।
ਵਾਰਡ 8 – ਗੁਰੂ ਨਾਨਕਪੁਰਾ, ਸੰਤਪੁਰਾ।
ਵਾਰਡ 9 – ਹਿੰਮਤਪੁਰਾ ਬਸਤੀ, ਗਲੀ ਨੰਬਰ 1 ਖੇਤਰ (ਮਹਿਲਾ ਰਿਜ਼ਰਵ)।
ਵਾਰਡ 10 – ਗੋਨਿਆਣਾ ਰੋਡ, ਵਿਕਾਸ ਨਗਰ।
ਵਾਰਡ 11 – ਭਗਤ ਸਿੰਘ ਨਗਰ, ਪਾਵਰ ਹਾਊਸ ਰੋਡ (ਐੱਸ. ਸੀ. ਮਹਿਲਾ ਰਿਜ਼ਰਵ)।
ਵਾਰਡ 12 – ਅਜੀਤ ਰੋਡ, ਫ੍ਰੈਂਡਜ਼ ਕਾਲੋਨੀ।
ਵਾਰਡ 13 – ਕਿਲਾ ਰੋਡ, ਰਾਮ ਨਗਰ (ਮਹਿਲਾ ਰਿਜ਼ਰਵ)।
ਵਾਰਡ 14 – ਮਾਲ ਰੋਡ, ਸਿਵਲ ਲਾਈਨਜ਼।
ਵਾਰਡ 15 – ਸੁਭਾਸ਼ ਨਗਰ, ਸ਼ਾਸਤਰੀ ਨਗਰ (ਓ. ਬੀ. ਸੀ. ਰਾਖਵਾਂ)।
ਵਾਰਡ 16 - ਅੰਮ੍ਰਿਤਸਰ ਰੋਡ, ਗਣੇਸ਼ ਨਗਰ।
ਵਾਰਡ 17 – ਧੋਬੀ ਬਾਜ਼ਾਰ, ਹੰਸਰਾਜ ਨਗਰ (ਮਹਿਲਾ ਰਾਖਵਾਂ)।
ਵਾਰਡ 18 - ਜੀ.ਟੀ. ਰੋਡ, ਉਦਯੋਗਿਕ ਖੇਤਰ।
ਵਾਰਡ 19 - ਭੂਦ ਨਗਰ, ਵਾਲਮੀਕਿ ਬਸਤੀ (3 ਰਾਖਵਾਂ)
ਵਾਰਡ 20 – ਮਾਡਲ ਟਾਊਨ ਫੇਜ਼-1 ਅਤੇ ਫੇਜ਼-2 (ਔਰਤਾਂ ਰਾਖਵੇਂ)।
ਵਾਰਡ 21 - ਸੇਖੋਂ ਨਗਰ, ਪ੍ਰੇਮ ਨਗਰ।
ਵਾਰਡ 22 – ਹਰਨਾਮ ਨਗਰ, ਅਮਨ ਵਿਹਾਰ (ਓ. ਬੀ. ਸੀ. ਔਰਤਾਂ ਰਾਖਵੀਆਂ)।
ਵਾਰਡ 23 - ਡੱਬਵਾਲੀ ਰੋਡ, ਨਿਊ ਦੀਪ ਨਗਰ।
ਵਾਰਡ 24 - ਸ਼ਾਂਤੀ ਨਗਰ, ਦੁਰਗਾ ਨਗਰ (ਮਹਿਲਾ ਰਾਖਵਾਂ)।
ਵਾਰਡ 25 - ਗੁਰੂ ਤੇਗ ਬਹਾਦਰ ਨਗਰ, ਦਸਮੇਸ਼ ਨਗਰ।
ਵਾਰਡ 26 - ਮਹਾਵੀਰ ਨਗਰ, ਕ੍ਰਿਸ਼ਨਾ ਕਾਲੋਨੀ (ਐੱਸ. ਸੀ. ਮਹਿਲਾ ਰਾਖਵ)।
ਵਾਰਡ 27 - ਅਸ਼ੋਕ ਨਗਰ, ਰਾਣੀ ਬਾਗ।
ਵਾਰਡ 28 - ਗ੍ਰੀਨ ਸਿਟੀ, ਈਕੋ ਕਾਲੋਨੀ (ਮਹਿਲਾ ਰਾਖਵਾਂ)।
ਵਾਰਡ 29 – ਚੌਕ ਬਾਜ਼ਾਰ, ਪੁਰਾਣਾ ਸ਼ਹਿਰ।
ਵਾਰਡ 30 – ਬੰਗਾ ਰੋਡ, ਸੈਂਟਰਲ ਕਾਲੋਨੀ (ਓ. ਬੀ. ਸੀ. ਰਾਖਵਾਂ)।
ਵਾਰਡ 31 – ਨਵਾਂ ਜਨਤਾ ਨਗਰ, ਸ਼ਿਵਾਜੀ ਨਗਰ (ਔਰਤਾਂ ਲਈ ਰਾਖਵਾਂ)।
ਵਾਰਡ 32 – ਮਾਨਸਾ ਰੋਡ, ਨਵਾਂ ਵਿਕਾਸ ਨਗਰ।
ਵਾਰਡ 33 – ਕੈਂਟ ਏਰੀਆ, ਮਿਲਟਰੀ ਏਰੀਆ (ਔਰਤਾਂ ਲਈ ਰਾਖਵਾਂ)।
ਵਾਰਡ 34 – ਸਰਾਭਾ ਨਗਰ, ਟੈਗੋਰ ਨਗਰ।
ਵਾਰਡ 35 – ਵਾਲਮੀਕੀ ਬਸਤੀ, ਮਹਿਤਾ ਚੌਕ (ਐੱਸ. ਸੀ. ਰਾਖਵਾਂ)।
ਵਾਰਡ 36 – ਦੀਪ ਨਗਰ, ਸੂਰਿਆ ਵਿਹਾਰ (ਔਰਤਾਂ ਲਈ ਰਾਖਵਾਂ)।
ਵਾਰਡ 37 – ਰਾਮਬਾਗ ਰੋਡ, ਲਕਸ਼ਮਣ ਨਗਰ।
ਵਾਰਡ 38 – ਪੁਰਾਣਾ ਕੋਰਟ ਰੋਡ, ਨਿਆਏ ਨਗਰ (ਓ.ਬੀ. ਸੀ. ਔਰਤਾਂ ਲਈ ਰਾਖਵਾਂ)।
ਵਾਰਡ 39 – ਗੁਰੂ ਕੀ ਨਗਰੀ, ਖਾਲਸਾ ਨਗਰ।
ਵਾਰਡ 40 – ਰੇਲਵੇ ਕਲੋਨੀ, ਸਟੇਸ਼ਨ ਰੋਡ (ਔਰਤਾਂ ਲਈ ਰਾਖਵਾਂ)।
ਵਾਰਡ 41 – ਸੰਤ ਨਗਰ, ਹਰੀ ਵਿਹਾਰ।
ਵਾਰਡ 42 – ਆਦਰਸ਼ ਨਗਰ, ਵਿਵੇਕ ਨਗਰ (ਔਰਤਾਂ ਲਈ ਰਾਖਵਾਂ)।
ਵਾਰਡ 43 – ਨਵਾਂ ਸ਼ਕਤੀ ਨਗਰ, ਸ਼ਿਵ ਵਿਹਾਰ।
ਵਾਰਡ 44 – ਪਟੇਲ ਚੌਕ, ਨਹਿਰੂ ਨਗਰ (ਓ.ਬੀ.ਸੀ. ਰਿਜ਼ਰਵਰਡ)।
ਵਾਰਡ 45 – ਰਾਮਨਗਰ ਬਸਤੀ, ਸਫਾਈ ਕਰਮਚਾਰੀ ਕਾਲੋਨੀ (ਐੱਸ. ਸੀ. ਮਹਿਲਾ ਰਿਜ਼ਰਵਰਡ)।
ਵਾਰਡ 46 – ਫੂਲ ਨਗਰ, ਮੋਤੀ ਨਗਰ।
ਵਾਰਡ 47 – ਨਿਊ ਮਾਡਲ ਟਾਊਨ, ਗ੍ਰੀਨ ਪਾਰਕ (ਮਹਿਲਾ ਰਿਜ਼ਰਵਰਡ)।
ਵਾਰਡ 48 – ਇੰਡਸਟਰੀਅਲ ਫੋਕਲ ਪੁਆਇੰਟ, ਵੇਅਰਹਾਊਸ ਏਰੀਆ।
ਵਾਰਡ 49 – ਖਾਲਸਾ ਸਕੂਲ ਰੋਡ, ਐਜੂਕੇਸ਼ਨ ਜ਼ੋਨ (ਮਹਿਲਾ ਰਿਜ਼ਰਵਰਡ)।
ਵਾਰਡ 50 – ਨਗਰ ਨਿਗਮ ਸੀਮਾ ਵਿਸਥਾਰ ਖੇਤਰ ਅਤੇ ਨਵੀਆਂ ਰਿਹਾਇਸ਼ੀ ਕਾਲੋਨੀਆਂ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਨਵੇਂ ਸਾਲ ਦਾ ਪਹਿਲਾ ਦਿਨ ਰਿਹਾ ਠੰਡਾ, ਲੋਕ ਰਹੇ ਘਰਾਂ ’ਚ ਕੈਦ
NEXT STORY 
