ਬਰੇਟਾ (ਬਾਂਸਲ) : ਮਨਚਲੇ ਨੌਜਵਾਨਾਂ ਵੱਲੋਂ ਆਪਸੀ ਸ਼ਰਤ ਲਗਾ ਕੇ ਆਪਣੇ ਹੀ ਮੋਟਰਸਾਈਕਲ ਸਾੜਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਨਜ਼ਦੀਕੀ ਪਿੰਡ ਸਿਰਸੀਵਾਲਾ ਅਤੇ ਗੋਬਿੰਦਪੁਰਾ ਦੇ ਵਿਚਕਾਰ ਬਣੇ ਰੇਲਵੇ ਅੰਡਰਬ੍ਰਿਜ ਦੇ ਅੰਦਰ ਸੱਤ ਅੱਠ ਮਨਚੱਲੇ ਲੜਕਿਆਂ ਨੇ ਆਪਣੇ ਮੋਟਰਸਾਈਕਲਾਂ ਦੀ ਸ਼ਰਤ ਲਾਉਣੀ ਸ਼ੁਰੂ ਕਰ ਦਿੱਤੀ ਕਿ ਜੇ ਕੋਈ ਵੀ ਮੋਟਰਸਾਈਕਲ ਸਾਰਿਆਂ ਜਣਿਆਂ ਸਮੇਤ ਅੰਡਰਬ੍ਰਿਜ ਵਾਲੀ ਚੜਾਈ ਨਾ ਚੜ੍ਹ ਸਕਿਆ ਤਾਂ ਉਹ ਆਪਣੇ ਮੋਟਰਸਾਈਕਲ ਨੂੰ ਇੱਥੇ ਹੀ ਅੱਗ ਲਾ ਦੇਣਗੇ।
ਦੋਵੇਂ ਮੋਟਰਸਾਈਕਲਾਂ ਤੇ ਚਾਰ ਚਾਰ ਜਣੇ ਚੜ੍ਹ ਕੇ ਅੰਡਰਬ੍ਰਿਜ ਦੇ ਥੱਲਿਓਂ ਚੜ੍ਹਾਈ ਚੜ੍ਹਨ ਲੱਗੇ ਤਾਂ ਦੋਵੇਂ ਹੀ ਮੋਟਰਸਾਈਕਲ ਅੱਧ ਵਿਚਕਾਰ ਜਾ ਕੇ ਹੀ ਬੰਦ ਹੋ ਗਏ ਤਾਂ ਉਸੇ ਸਮੇਂ ਹੀ ਉਹਨਾਂ ਮਨਚੱਲੇ ਲੜਕਿਆਂ ਨੇ ਆਪਣੇ ਮੋਟਰਸਾਈਕਲਾਂ ਨੂੰ ਅੱਗ ਲਗਾ ਦਿੱਤੀ। ਪਿੰਡ ਸਿਰਸੀਵਾਲਾ ਦੇ ਸਰਪੰਚ ਨਿਸ਼ਾਨ ਸਿੰਘ ਨੂੰ ਪਤਾ ਲੱਗਿਆ ਕਿ ਰਾਤ ਨੂੰ 11 ਵਜੇ ਦੇ ਕਰੀਬ ਅੰਡਰਬ੍ਰਿਜ ਵਿੱਚੋਂ ਅੱਗ ਦੀਆਂ ਲਪਟਾਂ ਚਮਕ ਰਹੀਆਂ ਹਨ। ਉਸੇ ਸਮੇਂ ਉਹਨਾਂ ਨੇ ਆ ਕੇ ਦੇਖਿਆ ਕਿ ਦੋ ਮੋਟਰਸਾਈਕਲ ਅੱਗ ਵਿੱਚ ਸੜ ਚੁੱਕੇ ਸਨ ਅਤੇ ਉਹ ਲੜਕੇ ਉਹਨਾਂ ਨੂੰ ਦੇਖ ਕੇ ਉਥੋਂ ਭੱਜ ਗਏ। ਉਨ੍ਹਾਂ ਨੇ ਬਰੇਟਾ ਪੁਲਸ ਥਾਣਾ ਵਿਖੇ ਫੋਨ ਕੀਤਾ ਤਾਂ ਸਹਾਇਕ ਥਾਣੇਦਾਰ ਜਗਮੇਲ ਸਿੰਘ ਪੁਲਿਸ ਪਾਰਟੀ ਸਮੇਤ ਘਟਨਾ ਵਾਲੀ ਥਾਂ 'ਤੇ ਪਹੁੰਚੇ। ਉਦੋਂ ਤੱਕ ਮੋਟਰਸਾਈਕਲ ਸੜਕੇ ਸੁਆਹ ਹੋ ਚੁੱਕੇ ਸਨ ਤੇ ਨਾਲ ਹੀ ਨੰਬਰ ਪਲੇਟਾਂ ਵੀ ਸੜ ਜਾਣ ਕਾਰਨ ਪਤਾ ਨਹੀਂ ਲੱਗ ਸਕਿਆ ਕਿ ਮੋਟਰਸਾਈਕਲ ਕਿਸਦੇ ਹਨ। ਉਨ੍ਹਾਂ ਦੇ ਤਫਤੀਸ਼ ਸ਼ੁਰੂ ਕਰਨ ਉਪਰੰਤ ਕੁਝ ਪਤਾ ਲੱਗਿਆ ਕਿ ਪਿੰਡ ਕੁੱਲਰੀਆਂ ਦੇ ਸੱਤ ਅੱਠ ਲੜਕੇ ਅੰਡਰ ਬ੍ਰਿਜ ਵਿੱਚ ਮੋਟਰਸਾਈਕਲਾਂ ਦੀ ਜ਼ੋਰ ਅਜ਼ਮਾਇਸ਼ ਕਰ ਰਹੇ ਸਨ ਪ੍ਰੰਤੂ ਕਿਸੇ ਵੱਲੋਂ ਕੋਈ ਦਰਖਾਸਤ ਨਾ ਆਉਣ ਤੇ ਜਾਂ ਕਾਰਵਾਈ ਨਾ ਕਰਵਾਉਣ ਕਰਕੇ ਜਾਂਚ ਉੱਥੇ ਵੀ ਠੱਪ ਕਰ ਦਿੱਤੀ ਗਈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੋਗਾ ਦੇ ਦੋ ਨੌਜਵਾਨਾਂ ਨੇ ਕੈਨੇਡਾ ਚੋਣਾਂ 'ਚ ਗੱਡਿਆ ਜਿੱਤ ਦਾ ਝੰਡਾ
NEXT STORY 
