ਗੁਰੂਗ੍ਰਾਮ : ਵਿਸ਼ਵ ਚੈਂਪੀਅਨਸ਼ਿਪ ਅਤੇ ਹੋਰ ਅੰਤਰਰਾਸ਼ਟਰੀ ਟੂਰਨਾਮੈਂਟਾਂ ਲਈ ਕੁਆਲੀਫਾਈ ਕਰਨ ਦੇ ਉਦੇਸ਼ ਨਾਲ 74 ਨੌਜਵਾਨ ਗੋਲਫਰ ਕਲਾਸਿਕ ਗੋਲਫ ਐਂਡ ਕੰਟਰੀ ਕੋਰਸ ਵਿੱਚ ਯੂ. ਐਸ. ਕਿਡਜ਼ ਗੋਲਫ ਇੰਡੀਆ ਟੂਰਨਾਮੈਂਟ ਦੇ ਪਹਿਲੇ ਸੈਸ਼ਨ ਵਿੱਚ ਹਿੱਸਾ ਲੈਣਗੇ। ਟੂਰਨਾਮੈਂਟ ਦਾ ਪਹਿਲਾ ਗੇੜ 6 ਅਕਤੂਬਰ ਨੂੰ ਹੋਵੇਗਾ ਜਦਕਿ ਦੂਜਾ ਗੇੜ 7 ਅਕਤੂਬਰ ਨੂੰ ਹੋਵੇਗਾ। ਵਿਸ਼ਵ ਚੈਂਪੀਅਨਸ਼ਿਪ 'ਚ ਖੇਡਣ ਵਾਲੇ ਅਦਿਤੀ ਅਸ਼ੋਕ ਅਤੇ ਸ਼ਿਤਿਜ ਨਵੀਦ ਕੌਲ ਵਰਗੇ ਵੱਡੇ ਭਾਰਤੀ ਨਾਮਵਰ ਗੋਲਫਰ ਵੀ ਇਸ ਟੂਰਨਾਮੈਂਟ 'ਚ ਹਿੱਸਾ ਲੈ ਰਹੇ ਹਨ। ਟੂਰਨਾਮੈਂਟ ਵਿੱਚ ਭਾਗ ਲੈਣ ਵਾਲੀਆਂ ਨੌਜਵਾਨ ਪ੍ਰਤਿਭਾਵਾਂ ਨੂੰ 14 ਉਮਰ ਵਰਗਾਂ ਵਿੱਚ ਵੰਡਿਆ ਗਿਆ ਹੈ।
ਲੜਕਿਆਂ ਲਈ 9 ਉਮਰ ਗਰੁੱਪ ਹਨ ਜਦੋਂ ਕਿ ਲੜਕੀਆਂ ਨੂੰ 5 ਉਮਰ ਸਮੂਹਾਂ ਵਿੱਚ ਵੰਡਿਆ ਗਿਆ ਹੈ। ਇਹ ਗੋਲਫਰ ਅਮਰੀਕਾ ਦੇ ਮਸ਼ਹੂਰ ਪਾਈਨਹਰਸਟ ਗੋਲਫ ਕੋਰਸ ਵਿੱਚ ਹੋਣ ਵਾਲੀ ਯੂ ਐਸ ਕਿਡਜ਼ ਗੋਲਫ ਵਿਸ਼ਵ ਚੈਂਪੀਅਨਸ਼ਿਪ ਲਈ ਕੁਆਲੀਫਾਈ ਕਰਨ ਲਈ ਛੇ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਹਿੱਸਾ ਲੈ ਕੇ ਅੰਕ ਹਾਸਲ ਕਰਨਗੇ। ਇਸ ਤੋਂ ਇਲਾਵਾ ਇਨ੍ਹਾਂ ਨੌਜਵਾਨਾਂ ਕੋਲ ਯੂ ਐਸ ਕਿਡਜ਼ ਯੂਰਪੀਅਨ ਚੈਂਪੀਅਨਸ਼ਿਪ ਵਿੱਚ ਜਗ੍ਹਾ ਬਣਾਉਣ ਦਾ ਮੌਕਾ ਹੋਵੇਗਾ। ਯੂ ਐਸ ਕਿਡਜ਼ ਗੋਲਫ ਵਿਸ਼ਵ ਚੈਂਪੀਅਨਸ਼ਿਪ ਬਹੁਤ ਸਾਰੇ ਖਿਡਾਰੀਆਂ ਲਈ ਇੱਕ ਪਲੇਟਫਾਰਮ ਹੈ ਜੋ ਮੌਜੂਦਾ ਵਿਸ਼ਵ ਗੋਲਫ ਦ੍ਰਿਸ਼ ਵਿੱਚ ਸਭ ਤੋਂ ਵੱਡੇ ਸਿਤਾਰੇ ਬਣ ਗਏ ਹਨ।
IND vs SA, 1st ODI : ਦੱਖਣੀ ਅਫ਼ਰੀਕਾ ਨੇ ਭਾਰਤ ਨੂੰ 9 ਦੌੜਾਂ ਨਾਲ ਹਰਾਇਆ
NEXT STORY