ਨਵੀਂ ਦਿੱਲੀ (ਬਿਊਰੋ)— ਭਾਰਤ ਤੋਂ ਪੰਜਵੇਂ ਵਨਡੇ ਵਿਚ 73 ਦੌੜਾਂ ਨਾਲ ਹਾਰੀ ਦੱਖਣ ਅਫਰੀਕਾ ਨੇ ਆਪਣੀ ਹੀ ਜ਼ਮੀਨ ਉੱਤੇ ਸੀਰੀਜ਼ ਗੁਆ ਦਿੱਤੀ ਹੈ। ਹਾਲਾਂਕਿ ਹਾਰਨ 'ਤੇ ਦੱਖਣ ਅਫਰੀਕਾ ਦੇ ਨਿਰਾਸ਼ ਕੋਚ ਓਟਿਸ ਗਿਬਸਨ ਨੇ ਕੋਈ ਬਹਾਨਾ ਨਹੀਂ ਬਣਾਇਆ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਕੋਲ ਇਸ ਹਾਰ ਲਈ ਕੋਈ ਬਹਾਨਾ ਨਹੀਂ ਹੈ, ਜਿਸਦੇ ਨਾਲ ਉਨ੍ਹਾਂ ਨੂੰ ਅੱਗੇ ਲਈ ਕਾਫ਼ੀ ਕੁਝ ਸੋਚ ਵਿਚਾਰ ਕਰਨਾ ਹੋਵੇਗਾ। ਪੰਜਵੇਂ ਵਨਡੇ ਵਿਚ ਕੱਲ ਮੇਜ਼ਬਾਨਾਂ ਉੱਤੇ 73 ਦੌੜਾਂ ਦੀ ਜਿੱਤ ਨਾਲ ਭਾਰਤ ਦੀ ਦੱਖਣ ਅਫਰੀਕੀ ਸਰਜਮੀਂ ਉੱਤੇ ਸਾਰੇ ਫਾਰਮੇਟਸ ਵਿਚ ਪਹਿਲੀ ਸੀਰੀਜ਼ ਜਿੱਤ ਹੈ। ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਟੀਮ ਨੇ ਛੇ ਮੈਚਾਂ ਦੀ ਲੜੀ ਸੀਰੀਜ਼ ਵਿਚ 4-1 ਨਾਲ ਅਜੇਤੂ ਲੀਡ ਬਣਾ ਲਈ।
ਇਹ ਟੀਮ ਵਰਲਡ ਕੱਪ ਵਿੱਚ ਨਹੀਂ ਦਿਖੇਗੀ
ਗਿਬਸਨ ਨੇ ਮੈਚ ਦੇ ਬਾਅਦ ਪ੍ਰੈੱਸ ਕਾਂਫਰੈਂਸ ਵਿਚ ਕਿਹਾ, ''ਮੈਂ ਡਰੈਸਿੰਗ ਰੂਮ ਵਿਚ ਖਿਡਾਰੀਆਂ ਨੂੰ ਕਿਹਾ ਸੀ ਕਿ ਅਸੀ ਬਹਾਨੇ ਨਹੀਂ ਬਣਾਵਾਂਗੇ ਪਰ ਬਿਹਤਰ ਕਰਨ ਦੀ ਕੋਸ਼ਿਸ਼ ਕਰਾਂਗੇ। ਭਾਰਤ ਖਿਲਾਫ ਮਿਲੀ ਹਾਰ ਨੇ ਸਾਨੂੰ ਅੱਗੇ ਸੋਚਣ ਲਈ ਮਜ਼ਬੂਰ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਜਾਣਦਾ ਹਾਂ ਕਿ ਅਸੀਂ ਵਿਸ਼ਵ ਕੱਪ ਉੱਤੇ ਧਿਆਨ ਲਗਾਏ ਹੋਏ ਹਾਂ ਪਰ ਮੈਨੂੰ ਨਹੀਂ ਲੱਗਦਾ ਕਿ ਅੱਜ ਜੋ ਤੁਸੀਂ ਟੀਮ ਵੇਖੀ, ਉਹ ਉਸ ਟੂਰਨਾਮੇਂਟ ਵਿਚ ਜਾਵੇਗੀ।''
ਭਾਰਤ ਕੋਲ ਦੋ ਵਿਸ਼ਵ ਪੱਧਰੀਏ ਸਪਿਨਰ
ਗਿਬਸਨ ਨੇ ਸਵੀਕਾਰ ਕੀਤਾ ਕਿ ਭਾਰਤ ਦੇ ਕਲਾਈ ਦੇ ਸਪਿਨਰ ਯੁਜਵੇਂਦਰ ਚਾਹਲ ਅਤੇ ਕੁਲਦੀਪ ਯਾਦਵ ਨੇ ਵਨਡੇ ਸੀਰੀਜ਼ ਵਿਚ ਉਨ੍ਹਾਂ ਦੀ ਟੀਮ ਦੀ ਪੋਲ ਖੋਲ ਦਿੱਤੀ ਪਰ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਉਹ ਇੰਗਲੈਂਡ ਵਿਚ ਵਿਸ਼ਵ ਕੱਪ ਵਿਚ ਇੰਨੇ ਫਾਇਦੇਮੰਦ ਹੋ ਸਕਦੇ ਹਨ। ਉਨ੍ਹਾਂ ਨੇ ਕਿਹਾ, ''ਮੈਨੂੰ ਲੱਗਦਾ ਹੈ ਕਿ ਭਾਰਤ ਕੋਲ ਦੋ ਵਿਸ਼ਵ ਪੱਧਰ ਸਪਿਨਰ ਹਨ ਅਤੇ ਉਹ ਕਿਤੇ ਵੀ ਗੇਂਦ ਸਪਿਨ ਕਰਾ ਸਕਦੇ ਹਨ ਪਰ ਸਾਡੇ ਕੋਲ ਇਸ ਤੋਂ ਨਿੱਬੜਨ ਦੀ ਕਲਾ ਸਿੱਖਣ ਲਈ ਪੂਰਾ ਸਾਲ ਬਚਿਆ ਹੈ। ਪਰ ਮੈਨੂੰ ਨਹੀਂ ਲੱਗਦਾ ਕਿ ਇੰਗਲੈਂਡ ਵਿਚ ਗੇਂਦ ਇੰਨੀ ਸਪਿਨ ਕਰੇਗੀ।''
ਯੁਕੀ ਅਤੇ ਥਾਮਪਸਨ ਚੇਨਈ ਓਪਨ ਦੇ ਅੰਤਿਮ ਅੱਠ 'ਚ
NEXT STORY 
