ਧਰਮਸ਼ਾਲਾ— ਇੰਗਲੈਂਡ ਦੇ ਸਾਬਕਾ ਕਪਤਾਨ ਨਾਸਿਰ ਹੁਸੈਨ ਨੇ ਭਾਰਤ ਖਿਲਾਫ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ 'ਚ 4-1 ਨਾਲ ਮਿਲੀ ਹਾਰ 'ਤੇ ਨਿਰਾਸ਼ਾ ਜ਼ਾਹਰ ਕੀਤੀ ਅਤੇ ਟੀਮ ਦੇ ਬੱਲੇਬਾਜ਼ਾਂ ਨੂੰ ਆਪਣੇ ਵਿਅਕਤੀਗਤ ਪ੍ਰਦਰਸ਼ਨ 'ਤੇ ਕੰਮ ਕਰਨ ਅਤੇ 'ਬੈਜ਼ਬਾਲ' ਦਾ ਜਨੂੰਨ ਛੱਡਣ ਦੀ ਸਲਾਹ ਦਿੱਤੀ। ਇੰਗਲੈਂਡ ਨੇ ਟੈਸਟ ਕ੍ਰਿਕਟ 'ਚ ਹਮਲਾਵਰ ਤਰੀਕੇ ਨਾਲ ਖੇਡਣ ਦੀ 'ਬੈਜ਼ਬਾਲ' ਸ਼ੈਲੀ ਅਪਣਾਈ ਪਰ ਇਹ ਰਣਨੀਤੀ ਭਾਰਤ ਵਿਰੁੱਧ ਕੰਮ ਨਹੀਂ ਕਰ ਸਕੀ ਅਤੇ ਉਸ ਨੂੰ ਸੀਰੀਜ਼ 'ਚ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
'ਬੈਜ਼ਬਾਲ' ਸ਼ਬਦ ਇੰਗਲੈਂਡ ਦੇ ਟੈਸਟ ਕੋਚ ਬ੍ਰੈਂਡਨ ਮੈਕੁਲਮ ਦੇ ਉਪਨਾਮ 'ਬੈਜ਼' ਤੋਂ ਬਣਿਆ ਹੈ। ਹੁਸੈਨ ਨੇ ਆਪਣੇ ਕਾਲਮ 'ਚ ਲਿਖਿਆ, 'ਇਸ ਸ਼ਬਦ 'ਬੈਜ਼ਬਾਲ' ਕਾਰਨ ਅਸੀਂ ਉਲਝਣ 'ਚ ਪੈ ਗਏ। ਟੀਮ ਅਤੇ ਟੀਮ ਪ੍ਰਬੰਧਨ ਨੂੰ ਇਹ ਸ਼ਬਦ 'ਬੈਜ਼ਬਾਲ' ਪਸੰਦ ਨਹੀਂ ਆ ਰਿਹਾ ਹੈ। ਉਸ ਨੂੰ ਆਪਣੇ ਨਿੱਜੀ ਪ੍ਰਦਰਸ਼ਨ 'ਤੇ ਧਿਆਨ ਦੇਣ ਦੀ ਲੋੜ ਹੈ।
45 ਟੈਸਟ ਮੈਚਾਂ 'ਚ ਇੰਗਲੈਂਡ ਦੀ ਕਪਤਾਨੀ ਕਰਨ ਵਾਲੇ ਹੁਸੈਨ ਨੇ ਕਿਹਾ, 'ਵਿਰੋਧੀ ਟੀਮ ਨੂੰ ਦੇਖੋ। ਜ਼ਿੰਦਗੀ ਦੇ ਹਰ ਪਹਿਲੂ ਵਾਂਗ ਉਨ੍ਹਾਂ ਨੇ ਕੋਸ਼ਿਸ਼ ਕੀਤੀ ਅਤੇ ਉਨ੍ਹਾਂ ਤੋਂ ਸਿੱਖਿਆ। ਫਿਰ ਅਸੀਂ ਕਿਉਂ ਡਿੱਗੇ? ਜੈਕ ਕ੍ਰਾਲੀ ਚੰਗੀ ਸ਼ੁਰੂਆਤ ਨੂੰ ਵੱਡੇ ਸਕੋਰ 'ਚ ਕਿਉਂ ਨਹੀਂ ਬਦਲ ਸਕੇ। ਜਦੋਂ ਗੇਂਦ ਬਿਲਕੁਲ ਨਵੀਂ ਸੀ ਤਾਂ ਬੇਨ ਡਕੇਟ ਨੇ ਹਮਲਾਵਰ ਰੁਖ ਅਪਣਾਇਆ।
ਇੰਗਲੈਂਡ ਦੇ ਕਪਤਾਨ ਬੇਨ ਸਟੋਕਸ ਨੇ ਪੂਰੀ ਸੀਰੀਜ਼ 'ਚ ਚੰਗਾ ਪ੍ਰਦਰਸ਼ਨ ਨਹੀਂ ਕੀਤਾ। ਇਸ ਬਾਰੇ 'ਚ ਹੁਸੈਨ ਨੇ ਕਿਹਾ, 'ਬੇਨ ਸਟੋਕਸ ਦਾ ਬੱਲਾ ਪੂਰੀ ਸੀਰੀਜ਼ 'ਚ ਕੰਮ ਨਹੀਂ ਕਰ ਸਕਿਆ। ਅਜਿਹਾ ਇਸ ਲਈ ਵੀ ਹੋ ਸਕਦਾ ਹੈ ਕਿਉਂਕਿ ਉਹ ਸ਼ੁੱਧ ਬੱਲੇਬਾਜ਼ ਵਜੋਂ ਖੇਡ ਰਿਹਾ ਸੀ। ਬੱਸ ਆਪਣੀ ਖੁਦ ਦੀ ਖੇਡ 'ਤੇ ਧਿਆਨ ਕੇਂਦ੍ਰਤ ਕਰੋ ਅਤੇ ਇਸ ਨੂੰ ਬਿਹਤਰ ਬਣਾਓ।
ਹੁਸੈਨ ਨੇ ਟੈਸਟ ਕ੍ਰਿਕਟ 'ਚ 700 ਵਿਕਟਾਂ ਪੂਰੀਆਂ ਕਰਨ ਵਾਲੇ ਤੇਜ਼ ਗੇਂਦਬਾਜ਼ ਜੇਮਸ ਐਂਡਰਸਨ ਅਤੇ 500 ਤੋਂ ਜ਼ਿਆਦਾ ਵਿਕਟਾਂ ਲੈਣ ਵਾਲੇ ਭਾਰਤੀ ਆਫ ਸਪਿਨਰ ਰਵੀਚੰਦਰਨ ਅਸ਼ਵਿਨ ਦੀ ਤਾਰੀਫ ਕੀਤੀ। ਉਸ ਨੇ ਕਿਹਾ, 'ਬੈਜ਼ਬਾਲ ਬਾਰੇ ਬਹੁਤ ਕੁਝ ਕਿਹਾ ਅਤੇ ਲਿਖਿਆ ਗਿਆ ਹੈ। ਮੈਂ ਪਹਿਲਾਂ ਵੀ ਕਿਹਾ ਸੀ ਕਿ ਇਨ੍ਹਾਂ ਹਾਲਾਤਾਂ ਵਿੱਚ ਵਿਅਕਤੀਗਤ ਪ੍ਰਦਰਸ਼ਨ ਮਹੱਤਵਪੂਰਨ ਹੁੰਦਾ ਹੈ। ਹੁਸੈਨ ਨੇ ਕਿਹਾ, 'ਇਸ ਮੈਚ 'ਚ ਦੋ ਖਿਡਾਰੀ ਜਿੰਮੀ ਐਂਡਰਸਨ ਅਤੇ ਰਵਿੰਦਰਚੰਦਰਨ ਅਸ਼ਵਿਨ ਖੇਡ ਰਹੇ ਸਨ। ਉਹ ਖੇਡ ਦੇ ਮਹਾਨ ਖਿਡਾਰੀ ਇਸ ਲਈ ਬਣਏ ਕਿਉਂਕਿ ਉਨ੍ਹਾਂ ਨੇ ਲਗਾਤਾਰ ਆਪਣੀ ਖੇਡ ਨੂੰ ਸੁਧਾਰਨ 'ਤੇ ਧਿਆਨ ਦਿੱਤਾ। ਉਨ੍ਹਾਂ ਨੇ ਸੁਧਾਰ ਕਰਨ ਦੀ ਕੋਸ਼ਿਸ਼ ਕੀਤੀ।
ਆਸਟ੍ਰੇਲੀਆ ਦੇ ਤੇਜ਼ ਗੇਂਦਬਾਜ਼ਾਂ ਦੀ ਅਗਲੀ ਪੀੜ੍ਹੀ ਤਿਆਰ ਹੈ : ਗਲੇਨ ਮੈਕਗ੍ਰਾ
NEXT STORY 
