ਬਾਰਸੀਲੋਨਾ- ਸਪੇਨ ਦੇ ਧਾਕੜ ਟੈਨਿਸ ਖਿਡਾਰੀ ਕਾਰਲੋਸ ਅਲਕਾਰਾਜ਼ ਨੇ ਆਪਣੇ ਘਰੇਲੂ ਕਲੇਅ ਟੂਰਨਾਮੈਂਟ ਬਾਰਸੀਲੋਨਾ ਓਪਨ 2026 ’ਚ ਓਟੋ ਵਿਟਰਨੇਨ ਵਿਰੁੱਧ ਜਿੱਤ ਦੇ ਨਾਲ ਸ਼ੁਰੂਆਤ ਕੀਤੀ ਹੈ।
ਪੁਰਸ਼ਾਂ ਦੀ ਵਿਸ਼ਵ ਰੈਂਕਿੰਗ ’ਚ ਦੂਜੇ ਨੰਬਰ ਦੇ ਖਿਡਾਰੀ ਅਲਕਾਰਾਜ਼ ਨੇ ਮੰਗਲਵਾਰ ਨੂੰ ਫਿਨਲੈਂਡ ਦੇ ਓਟੋ ਵਿਟਰਨੇਨ ਵਿਰੁੱਧ ਪਹਿਲੇ ਦੌਰ ਦੇ ਮੁਕਾਬਲੇ ’ਚ 6-4, 6-2 ਦੀ ਸ਼ਾਨਦਾਰ ਜਿੱਤ ਦੇ ਨਾਲ, 12 ਮਹੀਨੇ ਬਾਅਦ ਸਪੇਨ ਦੀ ਧਰਤੀ ’ਤੇ ਵਾਪਸੀ ਕੀਤੀ। ਵਿਸ਼ਵ ਰੈਂਕਿੰਗ ’ਚ ਦੂਜੇ ਨੰਬਰ ਦੇ ਖਿਡਾਰੀ ਅਲਕਾਰਾਜ਼ ਦਾ ਅਗਲਾ ਮੁਕਾਬਲਾ ਚੈਕੀਆ ਦੇ ਟੋਮਾਸ ਮਾਚਾਕ ਨਾਲ ਹੋਵੇਗਾ, ਜਿਸ ਨੇ ਕੈਟਲਨ ਦੀ ਰਾਜਧਾਨੀ ’ਚ ਸੇਬੇਸਟੀਅਨ ਬਾਏਜ਼ ਨੂੰ 2-6, 6-4, 6-1 ਨਾਲ ਹਰਾਇਆ।
ਜੇਕਰ ਅਲਕਾਰਾਜ਼ ਆਪਣਾ ਤੀਜਾ ਬਾਰਸੀਲੋਨਾ ਖਿਤਾਬ ਜਿੱਤ ਲੈਂਦਾ ਹੈ ਤਾਂ ਉਹ ਵਿਸ਼ਵ ਰੈਂਕਿੰਗ ’ਚ ਪਹਿਲੇ ਨੰਬਰ ਦੀ ਆਪਣੀ ਜਗ੍ਹਾ ਵਾਪਸ ਹਾਸਲ ਕਰ ਸਕਦਾ ਹੈ, ਕਿਉਂਕਿ ਜਾਨਿਕ ਸਿਨਰ ਇਸ ਹਫਤੇ ਨਾ ਤਾਂ ਬਾਰਸੀਲੋਨਾ ’ਚ ਏ. ਟੀ. ਪੀ. 500 ਟੂਰਨਾਮੈਂਟ ’ਚ ਖੇਡ ਰਿਹਾ ਹੈ ਤੇ ਨਾ ਹੀ ਮਿਊਨਿਖ ’ਚ।
'ਬਾਲਾਜੀ ਦੀ ਕਿਰਪਾ ਨਾਲ ਜਿੱਤੇ ਸੀ ਵਰਲਡ ਕੱਪ', ਸਾਲਾਸਰ ਬਾਲਾਜੀ ਤੇ ਖਾਟੂ ਸ਼ਿਆਮ ਦੀ ਸ਼ਰਨ 'ਚ ਪੁੱਜੇ ਗੌਤਮ ਗੰਭੀਰ
NEXT STORY 
