ਲੰਡਨ (ਯੂ.ਕੇ.) : ਇੰਗਲੈਂਡ ਦੇ ਆਲਰਾਊਂਡਰ ਬੇਨ ਸਟੋਕਸ ਨੇ ਵਨਡੇ ਕ੍ਰਿਕਟ 'ਚ 3000 ਦੌੜਾਂ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਤਜਰਬੇਕਾਰ ਆਲਰਾਊਂਡਰ ਨੇ ਆਈਸੀਸੀ ਕ੍ਰਿਕਟ ਵਿਸ਼ਵ ਕੱਪ 'ਚ ਆਪਣੀ ਟੀਮ ਦੀ ਮਦਦ ਕਰਨ ਲਈ ਵਨਡੇ ਫਾਰਮੈਟ 'ਚ ਸੰਨਿਆਸ ਲੈ ਕੇ ਵਾਪਸੀ ਕੀਤੀ ਹੈ। ਸਟੋਕਸ ਨੇ ਬੁੱਧਵਾਰ ਨੂੰ ਨਿਊਜ਼ੀਲੈਂਡ ਖ਼ਿਲਾਫ਼ ਤੀਜੇ ਵਨਡੇ ਮੈਚ 'ਚ ਇਹ ਉਪਲਬਧੀ ਹਾਸਲ ਕੀਤੀ।
ਇਹ ਵੀ ਪੜ੍ਹੋ- Asia Cup, PAK vs SL: ਪਾਕਿ ਲਈ ਮੁਸੀਬਤ ਬਣ ਸਕਦਾ ਹੈ ਮੌਸਮ, ਜਾਣੋ ਪਿੱਚ ਰਿਪੋਰਟ ਅਤੇ ਸੰਭਾਵਿਤ ਪਲੇਇੰਗ 11
ਸਟੋਕਸ ਮੈਚ ਦੌਰਾਨ ਆਪਣੇ ਸਭ ਤੋਂ ਧਮਾਕੇਦਾਰ ਫਾਰਮ 'ਚ ਸਨ। ਉਨ੍ਹਾਂ ਨੇ ਸਿਰਫ਼ 124 ਗੇਂਦਾਂ 'ਚ 15 ਚੌਕਿਆਂ ਅਤੇ 9 ਛੱਕਿਆਂ ਦੀ ਮਦਦ ਨਾਲ 182 ਦੌੜਾਂ ਬਣਾਈਆਂ। ਉਹ 146 ਤੋਂ ਵੱਧ ਦੀ ਸਟ੍ਰਾਈਕ ਰੇਟ ਨਾਲ ਸਟ੍ਰਾਈਕ ਕਰ ਰਹੇ ਸਨ। ਇਸ ਨਾਲ ਸਟੋਕਸ ਨੇ 2018 'ਚ ਆਸਟ੍ਰੇਲੀਆ ਖ਼ਿਲਾਫ਼ ਵਨਡੇ 'ਚ ਇੰਗਲੈਂਡ ਦੇ ਖਿਡਾਰੀ ਜੇਸਨ ਰਾਏ (180) ਦੇ ਪਿਛਲੇ ਸਰਵੋਤਮ ਵਿਅਕਤੀਗਤ ਸਕੋਰ ਨੂੰ ਵੀ ਪਿੱਛੇ ਛੱਡ ਦਿੱਤਾ। ਹੁਣ 108 ਵਨਡੇ 'ਚ ਉਨ੍ਹਾਂ ਨੇ 3,159 ਦੌੜਾਂ ਬਣਾਈਆਂ ਹਨ ਜੋ 40.50 ਦੀ ਔਸਤ ਅਤੇ 96.36 ਦੇ ਸਟ੍ਰਾਈਕ ਰੇਟ ਨਾਲ ਆਈਆਂ ਹਨ। ਉਨ੍ਹਾਂ ਨੇ 93 ਪਾਰੀਆਂ 'ਚ 182 ਦੇ ਸਰਵੋਤਮ ਸਕੋਰ ਦੇ ਨਾਲ ਚਾਰ ਸੈਂਕੜੇ ਅਤੇ 22 ਅਰਧ ਸੈਂਕੜੇ ਲਗਾਏ ਹਨ।
ਮੈਚ ਦੀ ਗੱਲ ਕਰੀਏ ਤਾਂ ਇੰਗਲੈਂਡ ਨੂੰ ਕੀਵੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਕਿਹਾ ਗਿਆ ਅਤੇ ਜਦੋਂ ਸਟੋਕਸ ਮੈਦਾਨ 'ਚ ਆਏ ਤਾਂ ਟੀਮ 13/2 ਦੇ ਸਕੋਰ ਨਾਲ ਜੂਝ ਰਹੀ ਸੀ। ਉਨ੍ਹਾਂ ਨੇ ਡੇਵਿਡ ਮਲਾਨ (95 ਗੇਂਦਾਂ 'ਤੇ 12 ਚੌਕੇ ਅਤੇ ਇਕ ਛੱਕੇ ਦੀ ਮਦਦ ਨਾਲ 96 ਦੌੜਾਂ) ਨਾਲ ਤੀਜੀ ਵਿਕਟ ਲਈ 199 ਦੌੜਾਂ ਅਤੇ ਕਪਤਾਨ ਜੋਸ ਬਟਲਰ (24 ਗੇਂਦਾਂ 'ਤੇ 38 ਦੌੜਾਂ, ਛੇ ਚੌਕੇ ਅਤੇ ਇਕ ਛੱਕਾ) ਨਾਲ ਚੌਥੀ ਵਿਕਟ ਲਈ 78 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਜਿਸ ਨੇ ਹੇਠਲੇ ਕ੍ਰਮ ਦੇ ਢਹਿ-ਢੇਰੀ ਹੋਣ ਦੇ ਬਾਵਜੂਦ ਇੰਗਲੈਂਡ ਨੂੰ 48.1 ਓਵਰਾਂ 'ਚ 368 ਦੌੜਾਂ ਤੱਕ ਪਹੁੰਚਾਇਆ। ਕੀਵੀ ਟੀਮ ਲਈ ਟ੍ਰੇਂਟ ਬੋਲਟ (5/51) ਅਤੇ ਬੇਨ ਲਿਸਟਰ (3/69) ਵਧੀਆ ਗੇਂਦਬਾਜ਼ ਸਨ।
ਇਹ ਵੀ ਪੜ੍ਹੋ- ਪਾਕਿ VS ਸ਼੍ਰੀਲੰਕਾ ਮੁਕਾਬਲੇ 'ਤੇ ਵੀ ਬਾਰਿਸ਼ ਦਾ ਖਤਰਾ, ਮੈਚ ਨਾ ਹੋਇਆ ਤਾਂ ਸ਼੍ਰੀਲੰਕਾ ਪਹੁੰਚੇਗੀ ਫਾਈਨਲ 'ਚ
339 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਕੀਵੀ ਟੀਮ ਨੂੰ ਕ੍ਰਿਸ ਵੋਕਸ, ਰੀਸ ਟੋਪਲੇ ਅਤੇ ਸੈਮ ਕੁਰਾਨ ਦੀ ਤੇਜ਼ ਤਿਕੜੀ ਨੇ ਹਿਲਾ ਦਿੱਤਾ ਅਤੇ 70/5 'ਤੇ ਸੰਘਰਸ਼ ਕਰ ਰਹੇ ਸਨ। ਗਲੇਨ ਫਿਲਿਪਸ (76 ਗੇਂਦਾਂ 'ਚ ਪੰਜ ਚੌਕਿਆਂ ਅਤੇ ਦੋ ਛੱਕਿਆਂ ਦੀ ਮਦਦ ਨਾਲ 72 ਦੌੜਾਂ) ਅਤੇ ਰਚਿਨ ਰਵਿੰਦਰਾ (22 ਗੇਂਦਾਂ 'ਚ 28 ਦੌੜਾਂ, ਪੰਜ ਚੌਕੇ) ਨੇ ਸੰਘਰਸ਼ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਨਿਊਜ਼ੀਲੈਂਡ ਦੀ ਟੀਮ ਸਿਰਫ਼ 39 ਓਵਰਾਂ 'ਚ 187 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਇੰਗਲੈਂਡ ਲਈ ਵੋਕਸ (3/31) ਅਤੇ ਲਿਵਿੰਗਸਟੋਨ (3/16) ਵਧੀਆ ਗੇਂਦਬਾਜ਼ ਰਹੇ। ਟਾਪਲੇ ਨੇ ਦੋ, ਕਰਨ ਅਤੇ ਮੋਇਨ ਅਲੀ ਨੇ ਇੱਕ-ਇੱਕ ਵਿਕਟ ਹਾਸਲ ਕੀਤੀ। ਸਟੋਕਸ ਨੂੰ 'ਪਲੇਅਰ ਆਫ ਦਿ ਮੈਚ' ਦਾ ਐਵਾਰਡ ਮਿਲਿਆ। ਇੰਗਲੈਂਡ ਫਿਲਹਾਲ ਸੀਰੀਜ਼ 'ਚ 2-1 ਨਾਲ ਅੱਗੇ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ENG vs NZ: ਟ੍ਰੇਂਟ ਬੋਲਟ ਨੇ ਵਨਡੇ ਵਿੱਚ ਸਭ ਤੋਂ ਵੱਧ ਪੰਜ ਵਿਕਟਾਂ ਲਈਆਂ, ਰਿਚਰਡ ਹੈਡਲੀ ਦਾ ਰਿਕਾਰਡ ਤੋੜਿਆ
NEXT STORY 
