ਸਪੋਰਟਸ ਡੈਸਕ : ਭਾਰਤੀ ਪਹਿਲਵਾਨ ਬੀਬੀਤਾ ਫੋਗਾਟ ਮਾਂ ਬਣਨ ਵਾਲੀ ਹੈ। ਬਬੀਤਾ ਨੇ ਇੰਸਟਾਗ੍ਰਾਮ 'ਤੇ ਆਪਣੇ ਗੋਦ ਭਰਾਈ ਸਮਾਰੋਹ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਸ ਦੌਰਾਨ ਉਨ੍ਹਾਂ ਨਾਲ ਉਨ੍ਹਾਂ ਦੇ ਪਤੀ ਵਿਵੇਕ, ਭੈਣਾਂ ਗੀਤਾ-ਸੰਗੀਤਾ, ਭਰਾ ਦੁਸ਼ਯੰਤ, ਸੰਗੀਤਾ ਦੇ ਪਤੀ ਬਜਰੰਗ ਪੁਨੀਆ, ਗੀਤਾ ਦੇ ਪਤੀ ਪਵਨ ਕੁਮਾਰ ਸਰੋਹਾ ਅਤੇ ਭਤੀਜਾ ਅਰਜੁਨ ਸਰੋਹਾ ਸਨ।
ਦੱਸ ਦੇਈਏ ਕਿ ਬਬੀਤਾ ਨੇ ਕੁੱਝ ਦਿਨ ਪਹਿਲਾਂ ਹੀ ਆਪਣੇ ਪਤੀ ਨਾਲ ਬੇਬੀ ਬੰਪ ਫਲਾਂਟ ਕਰਦੇ ਹੋਏ ਪ੍ਰਸ਼ੰਸਕਾਂ ਨਾਲ ਇਹ ਖ਼ੁਸ਼ੀ ਸਾਂਝੀ ਕੀਤੀ ਸੀ। ਬਬੀਤਾ ਨੇ ਟਵਿੱਟਰ 'ਤੇ ਇਸ ਗੱਲ ਦੀ ਜਾਣਕਾਰੀ ਦਿੰਦੇ ਹੋਏ ਲਿਖਿਆ ਸੀ, 'ਹਰ ਇਕ ਪਲ ਜੋ ਮੈਂ ਤੁਹਾਡੀ ਪਤਨੀ ਹੋਣ ਦੇ ਨਾਤੇ ਬਿਤਾਇਆ ਹੈ, ਮੈਨੂੰ ਅਹਿਸਾਸ ਹੁੰਦਾ ਹੈ ਕਿ ਮੈਂ ਇਸ ਤਰ੍ਹਾਂ ਦੀ ਸ਼ਾਨਦਾਰ ਜ਼ਿੰਦਗੀ ਜਿਊਣ ਲਈ ਕਿੰਨੀ ਖ਼ੁਸ਼ਕਿਸਮਤ ਹਾਂ। ਤੁਸੀਂ ਮੇਰੀ ਖ਼ੁਸ਼ੀ ਹੋ। ਤੁਸੀਂ ਮੈਨੂੰ ਪੂਰਾ ਕਰਦੇ ਹੋ। ਮੈਂ ਆਪਣੀ ਜ਼ਿੰਦਗੀ 'ਚ ਇਸ ਨਵੇਂ ਅਧਿਆਏ ਨੂੰ ਸ਼ੁਰੂ ਕਰਨ ਲਈ ਉਤਸ਼ਾਹਤ ਹਾਂ ਤੇ ਇੰਤਜ਼ਾਰ ਕਰ ਰਹੀ ਹਾਂ।'
ਦੱਸ ਦੇਈਏ ਕਿ ਬਬੀਤਾ ਤੇ ਵਿਵੇਕ ਨੇ ਇਕ ਦੂਜੇ ਨੂੰ ਲਗਭਗ 5 ਸਾਲਾਂ ਤਕ ਡੇਟ ਕਰਨ ਦੇ ਬਾਅਦ 2 ਦਸੰਬਰ 2019 'ਚ ਹਰਿਆਣਾ 'ਚ ਵਿਆਹ ਕੀਤਾ ਸੀ। ਜ਼ਿਕਰਯੋਗ ਹੈ ਕਿ ਬਬੀਤਾ ਨੇ 2014 ਕਾਮਲਵੈਲਥ ਗੇਮਸ 'ਚ ਗੋਲਡ ਜਿੱਤਣ ਦੇ ਇਲਾਵਾ 2012 ਵਰਲਡ ਰੈਸਲਿੰਗ ਚੈਂਪੀਅਨਸ਼ਿਪ 'ਚ ਕਾਂਸੀ ਅਤੇ 2018 ਕਾਮਲਵੈਲਥ ਗੇਮਸ ਤੇ 2010 ਕਾਮਨਵੈਲਥ ਗੇਮਸ 'ਚ ਚਾਂਦੀ ਤਮਗੇ ਜਿੱਤੇ।
Aus ਤੋਂ ਮਿਲੇ ਵੱਡੇ ਟੀਚੇ ਦੇ ਬਾਅਦ ਕੋਹਲੀ ਦੀ ਕਪਤਾਨੀ 'ਤੇ ਉਠੇ ਸਵਾਲ, ਬਣਾਏ ਗਏ ਮਜ਼ੇਦਾਰ ਮੀਮਸ
NEXT STORY 
