ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ 2026 ਦੇ ਨਵੇਂ ਸੀਜ਼ਨ ਦੀ ਸ਼ੁਰੂਆਤ ਦੇ ਨਾਲ ਹੀ BCCI ਨੇ ਨਿਯਮਾਂ ਵਿੱਚ ਕੁਝ ਅਹਿਮ ਬਦਲਾਅ ਕੀਤੇ ਹਨ, ਖਾਸ ਤੌਰ 'ਤੇ ਡਿਸੀਜ਼ਨ ਰਿਵਿਊ ਸਿਸਟਮ (DRS) ਨੂੰ ਲੈ ਕੇ। ਨਵੇਂ ਨਿਯਮਾਂ ਅਨੁਸਾਰ, ਹੁਣ ਟੀਮਾਂ ਰਿਵਿਊ ਦੌਰਾਨ ਆਪਣੀ ਚਲਾਕੀ ਨਾਲ ਇੱਕੋ ਅਪੀਲ 'ਤੇ ਕਈ ਚੀਜ਼ਾਂ ਦੀ ਜਾਂਚ ਨਹੀਂ ਕਰਵਾ ਸਕਣਗੀਆਂ।
DRS ਨਿਯਮ 'ਚ ਕੀ ਹੋਇਆ ਬਦਲਾਅ?
ਪਹਿਲਾਂ ਜਦੋਂ ਕੋਈ ਟੀਮ ਕੈਚ ਆਊਟ ਲਈ DRS ਲੈਂਦੀ ਸੀ, ਤਾਂ ਅੰਪਾਇਰ ਉਸ ਦੇ ਨਾਲ ਵਾਈਡ ਬਾਲ ਦੀ ਵੀ ਜਾਂਚ ਕਰ ਲੈਂਦਾ ਸੀ ਪਰ ਹੁਣ ਅਜਿਹਾ ਨਹੀਂ ਹੋਵੇਗਾ। ਤੀਜਾ ਅੰਪਾਇਰ ਸਿਰਫ਼ ਉਸੇ ਫੈਸਲੇ ਦੀ ਜਾਂਚ ਕਰੇਗਾ ਜਿਸ ਲਈ ਅਪੀਲ ਕੀਤੀ ਗਈ ਹੈ। ਜੇਕਰ ਫੀਲਡਿੰਗ ਟੀਮ ਨੇ ਕੈਚ ਲਈ ਅਪੀਲ ਕੀਤੀ ਹੈ, ਤਾਂ ਟੀਵੀ ਅੰਪਾਇਰ ਸਿਰਫ਼ ਕੈਚ ਬਾਰੇ ਹੀ ਫੈਸਲਾ ਸੁਣਾਏਗਾ। ਜੇਕਰ ਬੱਲੇਬਾਜ਼ ਨੂੰ ਲੱਗਦਾ ਹੈ ਕਿ ਗੇਂਦ ਵਾਈਡ ਸੀ, ਤਾਂ ਉਸ ਨੂੰ 15 ਸੈਕਿੰਡ ਦੇ ਅੰਦਰ ਖੁਦ ਵੱਖਰੇ ਤੌਰ 'ਤੇ DRS ਲੈਣਾ ਪਵੇਗਾ। ਅੰਪਾਇਰ ਦਾ ਫੈਸਲਾ ਆਉਣ ਤੋਂ ਬਾਅਦ ਦੁਬਾਰਾ ਅਪੀਲ ਲਈ ਕੋਈ ਵਾਧੂ ਸਮਾਂ ਨਹੀਂ ਮਿਲੇਗਾ।
ਇਹ ਵੀ ਪੜ੍ਹੋ- '31 ਮਈ ਨੂੰ ਪੰਜਾਬ ਕਿੰਗਜ਼ ਚੁੱਕੇਗੀ IPL ਦੀ ਟਰਾਫੀ', ਸਟਾਰ ਬੱਲੇਬਾਜ਼ ਨੇ ਕੀਤੀ ਵੱਡੀ ਭਵਿੱਖਬਾਣੀ
BCCI ਨੇ ਖਿਡਾਰੀ ਦੇ ਸਿਰ 'ਤੇ ਸੱਟ ਲੱਗਣ (ਕਨਕਸ਼ਨ) ਦੀ ਸੂਰਤ ਵਿੱਚ ਬਦਲਵੇਂ ਖਿਡਾਰੀ ਦੇ ਨਿਯਮ ਵਿੱਚ ਵੀ ਬਦਲਾਅ ਕੀਤਾ ਹੈ। ਹੁਣ ਜੇਕਰ ਕਿਸੇ ਖਿਡਾਰੀ ਨੂੰ ਬਦਲਣ ਦੀ ਲੋੜ ਪੈਂਦੀ ਹੈ, ਤਾਂ ਉਹ ਖਿਡਾਰੀ ਉਨ੍ਹਾਂ 5 ਖਿਡਾਰੀਆਂ ਵਿੱਚੋਂ ਹੀ ਚੁਣਿਆ ਜਾਵੇਗਾ ਜਿਨ੍ਹਾਂ ਨੂੰ ਸ਼ੁਰੂਆਤ ਵਿੱਚ ਇਮਪੈਕਟ ਸਬਸਟੀਟਿਊਟ ਵਜੋਂ ਨਾਮਜ਼ਦ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ, ਜੇਕਰ ਕੋਈ ਵਿਦੇਸ਼ੀ ਖਿਡਾਰੀ ਜ਼ਖ਼ਮੀ ਹੁੰਦਾ ਹੈ, ਤਾਂ ਉਸ ਦੀ ਜਗ੍ਹਾ ਵਿਦੇਸ਼ੀ ਖਿਡਾਰੀ ਤਾਂ ਹੀ ਆ ਸਕਦਾ ਹੈ ਜੇਕਰ ਪਲੇਇੰਗ-11 ਵਿੱਚ ਸਿਰਫ਼ 3 ਵਿਦੇਸ਼ੀ ਖਿਡਾਰੀ ਸਨ, ਨਹੀਂ ਤਾਂ ਭਾਰਤੀ ਖਿਡਾਰੀ ਹੀ ਉਸ ਦੀ ਜਗ੍ਹਾ ਲਵੇਗਾ।
ਇਨ੍ਹਾਂ ਨਵੇਂ ਨਿਯਮਾਂ ਬਾਰੇ ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਸਾਰੀਆਂ 10 ਟੀਮਾਂ ਦੇ ਕਪਤਾਨਾਂ ਦੀ ਮੀਟਿੰਗ ਵਿੱਚ ਜਾਣਕਾਰੀ ਦਿੱਤੀ ਗਈ ਸੀ। ਮੈਚ ਰੈਫਰੀ ਦੇ ਮੁਖੀ ਜਵਾਗਲ ਸ਼੍ਰੀਨਾਥ ਅਤੇ ਅੰਪਾਇਰ ਮੁਖੀ ਨਿਤਿਨ ਮੇਨਨ ਨੇ ਟੀਮਾਂ ਨੂੰ ਇਨ੍ਹਾਂ ਨਿਯਮਾਂ ਦੀ ਵਰਤੋਂ ਬਾਰੇ ਵਿਸਥਾਰ ਨਾਲ ਸਮਝਾਇਆ ਸੀ।
ਇਨ੍ਹਾਂ ਬਦਲਾਵਾਂ ਦਾ ਮਕਸਦ ਖੇਡ ਵਿੱਚ ਪਾਰਦਰਸ਼ਤਾ ਲਿਆਉਣਾ ਅਤੇ ਰਿਵਿਊ ਸਿਸਟਮ ਦੀ ਦੁਰਵਰਤੋਂ ਨੂੰ ਰੋਕਣਾ ਹੈ।
ਇਹ ਵੀ ਪੜ੍ਹੋ- ਵਾਲ-ਵਾਲ ਬਚਿਆ RCB ਦਾ ਸਟਾਰ ਖਿਡਾਰੀ!
IPL 2026: ਡੇਲ ਸਟੇਨ ਨੇ ਕਾਰਤਿਕ ਤਿਆਗੀ ਨੂੰ ਦਿੱਤੀ ਅਹਿਮ ਸਲਾਹ, ਆਪਣਾ ਗੇਂਦਬਾਜ਼ੀ ਐਕਸ਼ਨ ਖ਼ੁਦ ਬਣਾਓ
NEXT STORY 
