ਕੈਲਗਰੀ- ਰਾਸ਼ਟਰਮੰਡਲ ਖੇਡਾਂ ਦੇ ਚੈਂਪੀਅਨ ਲਕਸ਼ਯ ਸੇਨ ਨੇ ਇੱਥੇ ਜਾਪਾਨ ਦੇ ਕੇਂਟਾ ਨਿਸ਼ੀਮੋਟੋ ਨੂੰ ਸਿੱਧੇ ਗੇਮ 'ਚ ਹਰਾ ਕੇ ਕੈਨੇਡਾ ਓਪਨ ਸੁਪਰ 500 ਬੈਡਮਿੰਟਨ ਟੂਰਨਾਮੈਂਟ ਦੇ ਫਾਈਨਲ 'ਚ ਪ੍ਰਵੇਸ਼ ਕਰ ਲਿਆ। ਸੇਨ ਨੇ 11ਵੀਂ ਰੈਂਕਿੰਗ ਦੇ ਜਾਪਾਨੀ ਖਿਡਾਰੀ ਨੂੰ 21-17, 21-14 ਨਾਲ ਹਰਾ ਕੇ ਆਪਣੇ ਦੂਜੇ ਸੁਪਰ 500 ਫਾਈਨਲ 'ਚ ਥਾਂ ਬਣਾਈ। ਇਹ ਇੱਕ ਸਾਲ 'ਚ ਉਨ੍ਹਾਂ ਦਾ ਪਹਿਲਾ ਬੀ.ਡਬਲਯੂ.ਐੱਫ. ਫਾਈਨਲ ਵੀ ਹੋਵੇਗਾ। ਸੇਨ ਸੀਜ਼ਨ ਦੀ ਸ਼ੁਰੂਆਤ 'ਚ ਫਾਰਮ 'ਚ ਨਹੀਂ ਸੀ, ਜਿਸ ਕਾਰਨ ਉਹ ਰੈਂਕਿੰਗ 'ਚ 19ਵੇਂ ਨੰਬਰ 'ਤੇ ਖਿਸਕ ਗਏ।
21 ਸਾਲਾਂ ਖਿਡਾਰੀ ਨੇ 2021 ਵਿਸ਼ਵ ਚੈਂਪੀਅਨਸ਼ਿਪ 'ਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ। ਹੁਣ ਐਤਵਾਰ ਨੂੰ ਫਾਈਨਲ 'ਚ ਉਨ੍ਹਾਂ ਦਾ ਸਾਹਮਣਾ ਚੀਨ ਦੇ ਲੀ ਸ਼ੀ ਫੇਂਗ ਨਾਲ ਹੋਵੇਗਾ, ਜਿਨ੍ਹਾਂ ਦੇ ਖ਼ਿਲਾਫ਼ ਉਨ੍ਹਾਂ ਦਾ 4-2 ਨਾਲ ਹੈੱਡ-ਟੂ-ਹੈੱਡ ਰਿਕਾਰਡ ਹੈ। “ਇਹ ਬਹੁਤ ਮਾੜੀ ਸ਼ੁਰੂਆਤ ਸੀ, ਮੈਂ ਸ਼ਟਲ ਨੂੰ ਚੰਗੀ ਤਰ੍ਹਾਂ ਕੰਟਰੋਲ ਨਹੀਂ ਕਰ ਸਕਿਆ। ਜਿਵੇਂ ਹੀ ਮੈਂ ਲੈਅ 'ਚ ਆਇਆ, ਇਹ ਠੀਕ ਹੋ ਗਿਆ। 'ਪਰਫੈਕਟ ਨੈੱਟਪਲੇਅ' ਮੁੱਖ ਰਹੀ ਅਤੇ ਅਸੀਂ ਦੋਵੇਂ ਅਜਿਹਾ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸੀ। “ਅੰਤ 'ਚ, ਮੈਂ ਨੈੱਟ ਨੂੰ ਕੰਟਰੋਲ ਕੀਤਾ ਅਤੇ ਸਮੈਸ਼ ਵੀ ਚੰਗੇ ਸਨ। ਤਕਨੀਕੀ ਤੌਰ 'ਤੇ ਬਹੁਤ ਵਧੀਆ ਮੈਚ ਖੇਡਿਆ। ਮੈਂ ਆਪਣੇ ਪ੍ਰਦਰਸ਼ਨ ਤੋਂ ਖੁਸ਼ ਹਾਂ।
ਇਸ ਦੌਰਾਨ ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਦਾ ਪ੍ਰਦਰਸ਼ਨ ਬਿਹਤਰ ਨਹੀਂ ਰਿਹਾ ਕਿਉਂਕਿ ਉਹ ਮਹਿਲਾ ਸਿੰਗਲਜ਼ ਸੈਮੀਫਾਈਨਲ 'ਚ ਜਾਪਾਨ ਦੀ ਨੰਬਰ ਇੱਕ ਅਕਾਨੇ ਯਾਮਾਗੁਚੀ ਤੋਂ 14-21, 15-21 ਨਾਲ ਹਾਰ ਗਈ। ਛੇਵੇਂ ਸਥਾਨ 'ਤੇ ਕਾਬਜ਼ ਸੇਨ ਨੇ ਆਖਰੀ ਵਾਰ ਪਿਛਲੇ ਸਾਲ ਅਗਸਤ 'ਚ ਰਾਸ਼ਟਰਮੰਡਲ ਖੇਡਾਂ 'ਚ ਫਾਈਨਲ ਖੇਡਿਆ ਸੀ। ਇੱਥੇ ਸੈਮੀਫਾਈਨਲ 'ਚ ਉਹ ਸ਼ੁਰੂਆਤ 'ਚ 0-4 ਨਾਲ ਪਛੜ ਰਿਹਾ ਸੀ ਪਰ ਜਲਦੀ ਹੀ 8-8 ਨਾਲ ਬਰਾਬਰ ਹੋ ਗਿਆ। ਨਿਸ਼ੀਮੋਟੋ ਬ੍ਰੇਕ 'ਤੇ 11-10 ਨਾਲ ਅੱਗੇ ਸੀ ਪਰ ਜਲਦੀ ਹੀ ਭਾਰਤੀ ਖਿਡਾਰੀ ਨੇ ਆਪਣੇ ਪਸੰਦੀਦਾ ਸਮੈਸ਼ਾਂ ਅਤੇ ਤਿੱਖੀ ਵਾਪਸੀ ਨਾਲ ਆਪਣੇ ਵਿਰੋਧੀ ਦੇ ਲੰਬੇ ਸ਼ਾਟ ਨਾਲ ਗੇਮ ਆਪਣੇ ਨਾਮ ਕੀਤੀ।
ਦੂਜੀ ਗੇਮ 'ਚ ਦੋਵੇਂ ਬਰਾਬਰ ਲੜੇ ਪਰ ਸੇਨ ਦੀ ਚੌਕਸੀ ਨਿਸ਼ੀਮੋਟੋ ਤੋਂ ਬਿਹਤਰ ਹੋ ਗਈ। ਇਕ ਸਮੇਂ ਸਕੋਰ 2-2 ਨਾਲ ਬਰਾਬਰ ਸੀ ਅਤੇ ਦੋਵੇਂ 9-9 ਨਾਲ ਬਰਾਬਰ ਸਨ। ਸੇਨ ਨੇ ਬ੍ਰੇਕ 'ਤੇ ਦੋ ਅੰਕਾਂ ਦੀ ਲੀਡ ਲੈ ਲਈ। ਸੇਨ ਨੇ ਬ੍ਰੇਕ ਤੋਂ ਬਾਅਦ 19-11 ਦੀ ਬੜ੍ਹਤ ਬਣਾ ਲਈ ਅਤੇ ਨਿਸ਼ੀਮੋਟੋ ਦੇ ਨੈੱਟ 'ਤੇ ਫਿਰ ਤੋਂ ਗੋਲ ਕਰਨ ਤੋਂ ਬਾਅਦ ਭਾਰਤੀ ਨੇ ਮੈਚ ਜਿੱਤ ਲਿਆ। ਸੇਨ ਨੇ ਕਿਹਾ, "ਸਟੇਡੀਅਮ 'ਚ ਬਹੁਤ ਸਾਰੇ ਭਾਰਤੀ ਸਮਰਥਕ ਸਨ, ਉਹ ਪਹਿਲੇ ਦਿਨ ਤੋਂ ਹੀ ਆ ਰਹੇ ਹਨ, ਇਸ ਲਈ ਇੱਥੇ ਖੇਡਣਾ ਚੰਗਾ ਲੱਗਿਆ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
5ਵੀਆਂ ਨਿਊਜ਼ੀਲੈਂਡ ਸਿੱਖ ਖੇਡਾਂ ਦਾ ਹੋਇਆ ਐਲਾਨ
NEXT STORY 
