ਮਿਆਮੀ ਗਾਰਡਨਸ, (ਏਜੰਸੀ)-ਅਰਜਨਟੀਨਾ ਕੋਲ ਵਿਸ਼ਵ ਕੱਪ ਖਿਤਾਬ ਹੈ, ਦੁਨੀਆ ਦਾ ਸਰਵੋਤਮ ਖਿਡਾਰੀ ਲਿਓਨਿਲ ਮੈਸੀ ਹੈ, ਫੁੱਟਬਾਲ ਦਾ ਸ਼ਾਨਦਾਰ ਇਤਿਹਾਸ ਹੈ ਤੇ ਸਿਤਾਰਿਆਂ ਨਾਲ ਭਰੀ ਟੀਮ ਵੀ ਪਰ ਕੇਪ ਵਰਡੇ ਕੋਲ ਇਨ੍ਹਾਂ ’ਚੋਂ ਕੁਝ ਨਹੀਂ ਹੈ। ਵਿਸ਼ਵ ਕੱਪ ’ਚ ਅੰਤਿਮ-32 ਦੇ ਇਸ ਬੇਮੇਲ ਮੁਕਾਬਲੇ ’ਚ ਹਾਰਡ ਰਾਕ ਸਟੇਡੀਅਮ ’ਤੇ ਸਾਬਕਾ ਚੈਂਪੀਅਨ ਅਰਜਨਟੀਨਾ ਇਕ ਅਜਿਹੀ ਟੀਮ ਨਾਲ ਭਿੜੇਗੀ ਜਿਸਦੇ ਕੋਲ ਖੋਹਣ ਲਈ ਕੁਝ ਨਹੀਂ ਹੈ। ਉਸ ਨੂੰ ਉਮੀਦਾਂ ਦੇ ਬੋਝ ਨਾਲ ਵੀ ਨਹੀਂ ਜੂਝਣਾ ਹੈ। ਕੇਪ ਵਰਡੇ ਦੇ ਬੈਕਅੱਪ ਡਿਫੈਂਡਰ ਲਾਨਿਕ ਦੋਸ ਸਾਂਤੋਸ ਤਾਵਾਰੇਸ ਨੇ ਕਿਹਾ, ‘‘ਮੈਨੂੰ ਲੱਗਦਾ ਹੈ ਕਿ ਅਸੀਂ ਇੱਥੇ ਕਮਾਲ ਕਰ ਸਕਦੇ ਹਾਂ।’’
ਜੇਕਰ ਕੇਪ ਵਰਡੇ ਜਿੱਤ ਜਾਂਦਾ ਹੈ ਤਾਂ ਇਹ ਫੁੱਟਬਾਲ ਹੀ ਨਹੀਂ ਸਗੋਂ ਖੇਡ ਦੇ ਇਤਿਹਾਸ ਦੇ ਸਭ ਤੋਂ ਵੱਡੇ ਉਲਟਫੇਰ ’ਚੋਂ ਇਕ ਹੋਵੇਗਾ। ਇਸ ਤੋਂ ਪਹਿਲਾਂ ਮਾਸਕੋ ਓਲੰਪਿਕ 1980 ’ਚ ਅਜਿਹਾ ਹੀ ਚਮਤਕਾਰ ਦੇਖਣ ਨੂੰ ਮਿਲਿਆ ਸੀ ਜਦੋਂ ਅਮਰੀਕਾ ਦੀ ਨੌਜਵਾਨ ਆਈਸ ਹਾਕੀ ਟੀਮ ਨੇ ਅਜੇਤੂ ਮੰਨੀ ਜਾ ਰਹੀ ਸੋਵੀਅਤ ਸੰਘ ਦੀ ਟੀਮ ਨੂੰ ਹਰਾ ਕੇ ਸੋਨ ਤਮਗਾ ਜਿੱਤਿਆ ਸੀ। ਜਦੋਂ ਟੂਰਨਾਮੈਂਟ ਦੇ ਡਰਾਅ ਕੱਢੇ ਗਏ ਸਨ ਤਾਂ ਅਰਜਨਟੀਨਾ ਨੂੰ ਇਸ ਦੌਰ ’ਚ ਸਪੇਨ ਜਾਂ ਉਰੂਗਵੇ ਨਾਲ ਭਿੜਨ ਦੀ ਉਮੀਦ ਸੀ। ਗਰੁੱਪ-ਜੇ ’ਚ ਚੋਟੀ ’ਤੇ ਰਹੀ ਤਿੰਨ ਵਾਰ ਦੀ ਚੈਂਪੀਅਨ ਅਰਜਨਟੀਨਾ ਗਰੁੱਪ-ਐੱਚ ਦੀ ਉਪ ਜੇਤੂ ਨਾਲ ਭਿੜਨ ਵਾਲੀ ਸੀ ਜੋ ਸਪੇਨ ਜਾਂ ਉਰੂਗਵੇ ਹੋ ਸਕਦੇ ਸਨ ਪਰ ਫਿਰ ਆਇਆ ਕੇਪ ਵਰਡੇ। 5 ਲੱਖ ਦੀ ਆਬਾਦੀ ਵਾਲਾ ਛੋਟਾ ਜਿਹਾ ਦੇਸ਼ ਜਿਸਦੇ 40 ਸਾਲ ਦੇ ਗੋਲਕੀਪਰ ਵੋਜਿਨ੍ਹਾ ਨੇ ਕਮਾਲ ਕਰ ਦਿੱਤਾ। ਉਸ ਦੀ ਮਾਂ ਨੂੰ ਗਰੁੱਪ ਪੜਾਅ ਦੇ ਮੈਚ ਦੇਖਣ ਅਮਰੀਕਾ ਦਾ ਵੀਜ਼ਾ ਲੈਣ ਦੇ ਲਈ ਕਾਫੀ ਮਿਹਨਤ ਕਰਨੀ ਪਈ ਸੀ। ਇਸ ਟੀਮ ਨੇ ਸਪੇਨ ਵਰਗੇ ਧਾਕੜ ਨੂੰ ਡਰਾਅ ’ਤੇ ਰੋਕ ਕੇ ਸਨਸਨੀ ਫੈਲਾ ਦਿੱਤੀ।
2010 ਚੈਂਪੀਅਨ ਸਪੇਨ ਨਾਕਆਊਟ ’ਚ ਪਹੁੰਚਿਆ ਪਰ ਦੋ ਵਾਰ ਦਾ ਚੈਂਪੀਅਨ ਉਰੂਗਵੇ ਨਹੀਂ। ਕੇਪ ਵਰਡੇ ਨੂੰ ਮੈਸੀ ਦੀ ਅਰਜਨਟੀਨਾ ਨਾਲ ਖੇਡਣ ਦਾ ਮੌਕਾ ਮਿਲਿਆ। ਕੇਪ ਵਰਡੇ ਦੇ ਕੋਚ ਬੁਬਿਸਤਾ ਨੇ ਕਿਹਾ, ‘‘ਸਾਡੇ ਇਤਿਹਾਸ ਦਾ ਸਭ ਤੋਂ ਮਹੱਤਵਪੂਰਨ ਮੁਕਾਬਲਾ। ਅਸੀਂ ਇਸਦਾ ਪੂਰਾ ਮਜ਼ਾ ਲਵਾਂਗੇ। ਅਸੀਂ ਤੁੱਕੇ ਨਾਲ ਇੱਥੇ ਤੱਕ ਨਹੀਂ ਪਹੁੰਚੇ ਹਾਂ ਸਗੋਂ ਚੰਗਾ ਖੇਡ ਕੇ ਆਏ ਹਾਂ। ਅਸੀਂ ਦੁਨੀਆ ਨੂੰ ਦਿਖਾ ਦੇਣਾ ਚਾਹੁੰਦੇ ਹਾਂ ਕਿ ਕੇਪ ਵਰਡੇ ਦੇ ਫੁੱਟਬਾਲ ’ਚ ਕਿੰਨਾ ਦਮ ਹੈ।’’ ਕੇਪ ਵਰਡੇ ਨੇ ਇਕ ਵੀ ਮੈਚ ਨਹੀਂ ਜਿੱਤਿਆ ਹੈ ਤੇ 3 ਡਰਾਅ ਦੇ ਦਮ ’ਤੇ ਇੱਥੇ ਤੱਕ ਪਹੁੰਚੀ ਹੈ। ਉੱਥੇ ਹੀ ਅਰਜਨਟੀਨਾ ਨੇ ਤਿੰਨੋਂ ਮੈਚ ਜਿੱਤੇ ਹਨ ਤੇ ਤਿੰਨਾਂ ’ਚ ਮੈਸੀ ਨੇ ਗੋਲ ਕੀਤੇ ਹਨ।
ਮੈਕਸੀਕੋ ਵਿਰੁੱਧ ‘ਹੈਂਡ ਆਫ ਗੌਡ’ ਵਾਲੇ ਮੈਦਾਨ ’ਤੇ ਖੇਡੇਗਾ ਇੰਗਲੈਂਡ ਅਟਲਾਂਟਾ, 3 ਜੁਲਾਈ (ਏਜੰਸੀ)- ਮੈਕਸੀਕੋ ਸਿਟੀ ਦੀ ਉਚਾਈ ਤੋਂ ਲੈ ਕੇ ਡਿਆਗੋ ਮਾਰਾਡੋਨਾ ਦੇ ਪ੍ਰਸਿੱਧ ‘ਹੈਂਡ ਆਫ ਗੌਡ’ ਗੋਲ ਦੀਆਂ ਯਾਦਾਂ ਤੱਕ ਇੰਗਲੈਂਡ ਦੇ ਲਈ ਐਤਵਾਰ ਨੂੰ ਵਿਸ਼ਵ ਕੱਪ ਦੇ ਸਾਂਝੇ ਮੇਜ਼ਬਾਨ ਮੈਕਸੀਕੋ ਵਿਰੁੱਧ ਹੋਣ ਵਾਲਾ ਮੈਚ ਕਿਸੇ ਵੀ ਤਰ੍ਹਾਂ ਨਾਲ ਆਸਾਨ ਨਹੀਂ ਹੋਵੇਗਾ ਜਿੱਥੇ ਉਸ ਨੂੰ ਵਿਰੋਧੀ ਹਾਲਾਤ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਆਖਰੀ-16 ਦਾ ਇਹ ਮੈਚ ਐਜ਼ਟੇਕਾ ਸਟੇਡੀਅਮ ’ਚ ਖੇਡਿਆ ਜਾਵੇਗਾ, ਜਿੱਥੇ ਮੈਕਸੀਕੋ ਦਾ ਰਿਕਾਰਡ ਸ਼ਾਨਦਾਰ ਰਿਹਾ ਹੈ। ਇਹ ਸਟੇਡੀਅਮ 1986 ’ਚ ਖੇਡੇ ਗਏ ਵਿਸ਼ਵ ਕੱਪ ਕੁਆਰਟਰ ਫਾਈਨਲ ’ਚ ਇੰਗਲੈਂਡ ਵਿਰੁੱਧ ਮਾਰਾਡੋਨਾ ਦੇ 2 ਯਾਦਗਾਰ ਗੋਲਾਂ ਦਾ ਗਵਾਹ ਰਿਹਾ ਹੈ। ਇਨ੍ਹਾਂ ’ਚੋਂ ਇਕ ਵਾਰ ਗੇਂਦ ਮਾਰਾਡੋਨਾ ਦੇ ਹੱਥ ਨੂੰ ਛੂਹ ਕੇ ਗਈ ਸੀ ਪਰ ਰੈਫਰੀ ਇਸਦਾ ਅੰਦਾਜ਼ਾ ਨਹੀਂ ਲਾ ਸਕਿਆ ਸੀ। ਮਾਰਾਡੋਨਾ ਨੇ ਬਾਅਦ ’ਚ ਇਸ ਨੂੰ ‘ਹੈਂਡ ਆਫ ਗੌਡ’ ਕਿਹਾ ਸੀ। ਇਹ ਸਥਾਨ ਸਮੁੰਦਰ ਤਲ ਤੋਂ 7,300 ਫੀਟ (2,200 ਮੀਟਰ) ਤੋਂ ਵੱਧ ਦੀ ਉਚਾਈ ’ਤੇ ਸਥਿਤ ਹੈ ਤੇ ਇੰਗਲੈਂਡ ਦੀ ਟੀਮ ਲਈ ਇੱਥੋਂ ਦੇ ਹਾਲਾਤ ਨਾਲ ਤਾਲਮੇਲ ਬਿਠਾਉਣਾ ਆਸਾਨ ਨਹੀਂ ਹੋਵੇਗਾ। ਵਿਸ਼ਵ ਕੱਪ ’ਚ ਇਸ ਸਟੇਡੀਅਮ ਦੇ ਰਿਕਾਰਡ ਮੈਕਸੀਕੋ ਦੇ ਪੱਖ ’ਚ ਰਹੇ ਹਨ।
ਉਸ ਨੇ ਇੱਥੇ ਵਿਸ਼ਵ ਕੱਪ ’ਚ ਅਜੇ ਤੱਕ ਜੋ 10 ਮੈਚ ਖੇਡੇ ਹਨ, ਉਨ੍ਹਾਂ ’ਚ ਉਹ ਅਜੇਤੂ ਰਿਹਾ ਹੈ। ਇੰਗਲੈਂਡ ਦੇ ਕੋਚ ਥਾਮਸ ਟਿਊਸ਼ੇਲ ਦੇ ਲਈ ਹਾਲਾਂਕਿ ਇੱਥੋਂ ਦੀ ਉਚਾਈ ਚਿੰਤਾ ਦਾ ਵਿਸ਼ਾ ਹੈ। ਟਿਊਸ਼ੇਲ ਨੇ ਕਿਹਾ, ‘‘ਮੈਨੂੰ ਲੱਗਦਾ ਹੈ ਕਿ ਉਚਾਈ ਨਾਲ ਤਾਲਮੇਲ ਬਿਠਾਉਣਾ ਆਸਾਨ ਨਹੀਂ ਹੋਵੇਗਾ। ਇਹ ਮੈਕਸੀਕੋ ਲਈ ਬਹੁਤ ਵੱਡਾ ਫਾਇਦਾ ਹੋ ਸਕਦਾ ਹੈ। ਇਸ ਤਰ੍ਹਾਂ ਦੇ ਹਾਲਾਤ ਨਾਲ ਤਾਲਮੇਲ ਬਿਠਾਉਣ ਦੇ ਲਈ ਕਾਫੀ ਸਮੇਂ ਦੀ ਲੋੜ ਪੈਂਦੀ ਹੈ।’’ ਉਚਾਈ ਵਾਲੇ ਸਥਾਨ ’ਤੇ ਖਿਡਾਰੀਆਂ ਨੂੰ ਵਾਯੂਮੰਡਲ ਦੇ ਦਬਾਅ ਤੇ ਘੱਟ ਆਕਸੀਜਨ ਨਾਲ ਜੂਝਣਾ ਪੈ ਸਕਦਾ ਹੈ। ਖੇਡ ਵਿਗਿਆਨੀਆਂ ਦੇ ਅਨੁਸਾਰ ਇਸ ਤਰ੍ਹਾਂ ਦੇ ਹਾਲਾਤ ਨਾਲ ਤਾਲਮੇਲ ਬਿਠਾਉਣ ਲਈ ਘੱਟੋ-ਘੱਟ 2 ਹਫਤਿਆਂ ਦੀ ਲੋੜ ਪੈਂਦੀ ਹੈ। ਇੰਗਲੈਂਡ ਨੇ ਇਸ ਤੋਂ ਪਹਿਲਾਂ ਆਪਣੇ ਸਾਰੇ ਮੈਚ ਅਮਰੀਕਾ ’ਚ ਖੇਡੇ ਹਨ ਜਿੱਥੇ ਭਿਆਨਕ ਗਰਮੀ ਪੈ ਰਹੀ ਹੈ। ਐਜ਼ਟੇਕਾ ਸਟੇਡੀਅਮ ਇੰਗਲੈਂਡ ਦੇ ਲਈ ਦਰਦਨਾਕ ਯਾਦਾਂ ਸਮੇਟੀ ਬੈਠਾ ਹੈ। 40 ਸਾਲ ਪਹਿਲਾਂ ਇਸੇ ਸਟੇਡੀਅਮ ’ਚ ਅਰਜਨਟੀਨਾ ਨੇ 1966 ਦੇ ਚੈਂਪੀਅਨ ਨੂੰ ਕੁਆਰਟਰ ਫਾਈਨਲ ’ਚ ਹਰਾਇਆ ਸੀ। ਉਹ ਮੈਚ ਮਾਰਾਡੋਨਾ ਲਈ 2 ਯਾਦਗਾਰ ਪਲਾਂ ਦਾ ਸਾਖੀ ਰਿਹਾ ਸੀ। ਉਸ ਨੇ ਇਕ ਗੋਲ ਹੱਥ ਨਾਲ ਕੀਤਾ ਤੇ ਦੂਜਾ ਗੋਲ ਅਜਿਹਾ ਕੀਤਾ ਜਿਸ ਨੂੰ ਕਈ ਲੋਕ ਟੂਰਨਾਮੈਂਟ ਦੇ ਇਤਿਹਾਸ ਦਾ ਸਰਵੋਤਮ ਗੋਲ ਮੰਨਦੇ ਹਨ। ਉਸ ਨੇ ਮੈਦਾਨ ਵਿਚਾਲੇ ਗੇਂਦ ਨੂੰ ਸੰਭਾਲਿਆ ਤੇ ਡ੍ਰਿਬਲ ਕਰਦੇ ਹੋਏ ਇੰਗਲੈਂਡ ਦੇ ਕਈ ਖਿਡਾਰੀਆਂ ਨੂੰ ਪਿੱਛੇ ਛੱਡਿਆ। ਉਸ ਨੇ ਆਖਿਰ ’ਚ ਗੋਲਕੀਪਰ ਪੀਟਰ ਸ਼ਿਲਟਨ ਨੂੰ ਝਕਾਨੀ ਦੇ ਕੇ ਗੋਲ ਲਾਇਆ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਜਰਮਨੀ ਦੇ ਕੋਚ ਨਾਗੇਲਸਮੈਨ ਨੇ ਫੁੱਟਬਾਲ ਵਿਸ਼ਵ ਕੱਪ ਦੀ ਨਿਰਾਸ਼ਾਜਨਕ ਮੁਹਿੰਮ ਤੋਂ ਬਾਅਦ ਦਿੱਤਾ ਅਸਤੀਫਾ
NEXT STORY 
