ਸਪੋਰਟਸ ਡੈਸਕ : ਟੀ-20 ਵਿਸ਼ਵ ਕੱਪ 2026 ਦੇ ਫਾਈਨਲ ਤੋਂ ਠੀਕ ਪਹਿਲਾਂ ਭਾਰਤੀ ਕਪਤਾਨ ਸੂਰਿਆਕੁਮਾਰ ਯਾਦਵ ਨੇ ਟੀਮ ਦੀ ਚੋਣ ਨਾਲ ਜੁੜੇ ਕੁਝ ਅਹਿਮ ਅਤੇ ਮੁਸ਼ਕਲ ਫੈਸਲਿਆਂ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਸੂਰਿਆ ਨੇ ਖੁਲਾਸਾ ਕੀਤਾ ਕਿ ਟੂਰਨਾਮੈਂਟ ਦੌਰਾਨ ਕਈ ਵਾਰ ਅਜਿਹੇ ਰਣਨੀਤਕ ਫੈਸਲੇ ਲੈਣੇ ਪਏ, ਜਿਨ੍ਹਾਂ ਤੋਂ ਕੁਝ ਖਿਡਾਰੀ ਖੁਸ਼ ਨਹੀਂ ਸਨ।
ਅਕਸ਼ਰ ਪਟੇਲ ਦੀ ਨਾਰਾਜ਼ਗੀ 'ਤੇ ਬੋਲੇ ਕਪਤਾਨ
ਨਿਊਜ਼ੀਲੈਂਡ ਵਿਰੁੱਧ ਹੋਣ ਵਾਲੇ ਫਾਈਨਲ ਮੁਕਾਬਲੇ ਤੋਂ ਪਹਿਲਾਂ ਇੱਕ ਪ੍ਰੈੱਸ ਕਾਨਫਰੰਸ ਦੌਰਾਨ ਸੂਰਿਆਕੁਮਾਰ ਯਾਦਵ ਨੇ ਦੱਸਿਆ ਕਿ ਜਦੋਂ ਉਪ-ਕਪਤਾਨ ਅਕਸ਼ਰ ਪਟੇਲ ਨੂੰ ਪਲੇਇੰਗ ਇਲੈਵਨ ਵਿੱਚੋਂ ਬਾਹਰ (ਡਰਾਪ) ਕੀਤਾ ਗਿਆ ਸੀ, ਤਾਂ ਉਹ ਖੁਸ਼ ਨਹੀਂ ਸਨ। ਕਪਤਾਨ ਨੇ ਸਪੱਸ਼ਟ ਕੀਤਾ ਕਿ ਉਹ ਅਤੇ ਹੈੱਡ ਕੋਚ ਗੌਤਮ ਗੰਭੀਰ ਮਿਲ ਕੇ ਟੀਮ ਲਈ ਸਭ ਤੋਂ ਵਧੀਆ ਸੁਮੇਲ ਤੈਅ ਕਰਦੇ ਹਨ। ਉਨ੍ਹਾਂ ਕਿਹਾ, 'ਅਸੀਂ ਹਮੇਸ਼ਾ ਖਿਡਾਰੀਆਂ ਨੂੰ ਬਾਹਰ ਕਰਨ ਦਾ ਕਾਰਨ ਦੱਸਦੇ ਹਾਂ ਤਾਂ ਜੋ ਟੀਮ ਵਿੱਚ ਪਾਰਦਰਸ਼ਤਾ ਬਣੀ ਰਹੇ'।
ਦੱਖਣੀ ਅਫਰੀਕਾ ਵਿਰੁੱਧ ਰਣਨੀਤੀ ਰਹੀ ਸੀ ਫੇਲ੍ਹ
ਜ਼ਿਕਰਯੋਗ ਹੈ ਕਿ ਸੁਪਰ-8 ਪੜਾਅ ਵਿੱਚ ਦੱਖਣੀ ਅਫਰੀਕਾ ਵਿਰੁੱਧ ਮੈਚ ਦੌਰਾਨ ਟੀਮ ਪ੍ਰਬੰਧਨ ਨੇ ਅਕਸ਼ਰ ਪਟੇਲ ਦੀ ਜਗ੍ਹਾ ਵਾਸ਼ਿੰਗਟਨ ਸੁੰਦਰ ਨੂੰ ਮੌਕਾ ਦਿੱਤਾ ਸੀ। ਹਾਲਾਂਕਿ, ਇਹ ਫੈਸਲਾ ਭਾਰਤ ਲਈ ਸਹੀ ਸਾਬਤ ਨਹੀਂ ਹੋਇਆ ਅਤੇ ਟੀਮ ਨੂੰ ਉਸ ਮੈਚ ਵਿੱਚ 76 ਦੌੜਾਂ ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਉਸ ਮੈਚ ਵਿੱਚ ਸੁੰਦਰ ਦਾ ਪ੍ਰਦਰਸ਼ਨ ਵੀ ਖ਼ਾਸ ਪ੍ਰਭਾਵਸ਼ਾਲੀ ਨਹੀਂ ਰਿਹਾ ਸੀ ਅਤੇ ਉਨ੍ਹਾਂ ਨੇ ਸਿਰਫ਼ ਦੋ ਓਵਰਾਂ ਵਿੱਚ 11 ਦੌੜਾਂ ਦਿੱਤੀਆਂ ਸਨ।
ਸੈਮੀਫਾਈਨਲ 'ਚ ਅਕਸ਼ਰ ਨੇ ਦਿਖਾਇਆ ਦਮ
ਇਸ ਹਾਰ ਤੋਂ ਬਾਅਦ ਅਗਲੇ ਮੈਚ ਵਿੱਚ ਅਕਸ਼ਰ ਪਟੇਲ ਦੀ ਵਾਪਸੀ ਹੋਈ ਅਤੇ ਉਨ੍ਹਾਂ ਨੇ ਇੰਗਲੈਂਡ ਵਿਰੁੱਧ ਸੈਮੀਫਾਈਨਲ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਭਾਰਤ ਨੂੰ ਫਾਈਨਲ ਵਿੱਚ ਪਹੁੰਚਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਅਕਸ਼ਰ ਨੇ ਚਾਰ ਓਵਰਾਂ ਵਿੱਚ 35 ਦੌੜਾਂ ਦੇ ਕੇ ਟੌਮ ਬੈਂਟਨ ਦੀ ਅਹਿਮ ਵਿਕਟ ਲਈ ਅਤੇ ਮੈਦਾਨ 'ਤੇ ਤਿੰਨ ਸ਼ਾਨਦਾਰ ਕੈਚ ਫੜ ਕੇ ਮੈਚ ਦਾ ਰੁਖ਼ ਭਾਰਤ ਵੱਲ ਮੋੜ ਦਿੱਤਾ।
ਹੁਣ ਭਾਰਤੀ ਟੀਮ ਦਾ ਪੂਰਾ ਧਿਆਨ ਨਿਊਜ਼ੀਲੈਂਡ ਵਿਰੁੱਧ ਹੋਣ ਵਾਲੇ ਫਾਈਨਲ 'ਤੇ ਹੈ ਅਤੇ ਟੀਮ ਪ੍ਰਬੰਧਨ ਨੂੰ ਉਮੀਦ ਹੈ ਕਿ ਭਾਰਤ ਟਰਾਫੀ ਜਿਤਾਉਣ ਵਿੱਚ ਸਫਲ ਰਹੇਗਾ।
IND vs NZ : ਵਰੁਣ ਚੱਕਰਵਰਤੀ 'ਤੇ ਕਪਤਾਨ ਸੂਰਿਆਕੁਮਾਰ ਦਾ ਵੱਡਾ ਬਿਆਨ, ਉਸ ਦੀ ਫਾਰਮ ਚਿੰਤਾ ਦਾ ਵਿਸ਼ਾ ਨਹੀਂ
NEXT STORY 
