ਨਾਰਵੇ (ਨਿਕਲੇਸ਼ ਜੈਨ) – ਵਿਸ਼ਵ ਸ਼ਤਰੰਜ ਚੈਂਪੀਅਨ ਮੈਗਨਸ ਕਾਰਲਸਨ ਸਾਲ 2020 ਦਾ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਈ ਸਪੋਰਟਸ ਖਿਡਾਰੀ ਰਿਹਾ ਹੈ। ਸਾਲ 2020 ਵਿਚ ਕੰਪਿਊਟਰ ਗੇਮਿੰਗ ਦੇ ਨਾਲ ਸ਼ਤਰੰਜ ਤੇ ਹੋਰ ਸਾਰੀਆਂ ਆਨਲਾਈਨ ਖੇਡੀਆਂ ਗਈਆਂ ਖੇਡਾਂ ਦੀ ਤੁਲਨਾ ਤੋਂ ਬਾਅਦ ਜਾਰੀ ਸੂਚੀ ਵਿਚ ਮੈਗਨਸ ਕਾਰਲਸਨ ਦੀ ਇਨਾਮੀ ਰਾਸ਼ੀ ਦੇ ਤੌਰ ’ਤੇ ਸਭ ਤੋਂ ਵੱਧ 5,10,587 ਡਾਲਰ ਆਪਣੇ ਨਾਂ ਕੀਤੇ। ਵੱਡੀ ਗੱਲ ਇਹ ਰਹੀ ਕਿ ਆਨਲਾਈਨ ਸ਼ਤਰੰਜ ਦੀ ਦੁਨੀਆ ਵਿਚ ਮੈਗਨਸ ਕਾਰਲਸਨ ਨੇ ਇਸ ਸਾਲ ਕੋਵਿਡ ਦੇ ਕਾਰਣ ਕਦਮ ਰੱਖਿਆ ਸੀ। ਚੈਂਪੀਅਨ ਚੈੱਸ ਟੂਰ ਤੇ ਮੈਗਨਸ ਕਾਰਲਸਨ ਸ਼ਤਰੰਜ ਦੇ ਤਹਿਤ ਉਸ ਨੇ ਕੁਲ 5 ਟੂਰਨਾਮੈਂਟ ਆਪਣੇ ਨਾਂ ਕੀਤੇ। ਉਸ ਤੋਂ ਇਲਾਵਾ ਅਮਰੀਕਾ ਦੇ ਦੋ ਖਿਡਾਰੀ ਹਿਕਾਰੂ ਨਾਕਾਮੁਰਾ 3,24,645 ਡਾਲਰ ਦੇ ਨਾਲ ਸੂਚੀ ਵਿਚ 7ਵੇਂ ਤੇ ਵੇਸਲੀ ਸੋ 2,46,180 ਡਾਲਰ ਦੀ ਕਮਾਈ ਦੇ ਨਾਲ ਸੂਚੀ ਵਿਚ 12ਵੇਂ ਸਥਾਨ ’ਤੇ ਰਿਹਾ। ਹਾਲਾਂਕਿ ਇਹ ਕਾਰਲਸਨ ਦੀ ਸਿਰਫ ਆਨਲਾਈਨ ਸ਼ਤਰੰਜ ਵਲੋਂ ਕਮਾਈ ਗਈ ਰਾਸ਼ੀ ਹੈ, ਇਸ ਵਿਚ ਉਸਦੇ ਆਨ ਦਿ ਬੋਰਡ ਸ਼ਤਰੰਜ ਵਲੋਂ ਜਿੱਤੀ ਰਾਸ਼ੀ ਸ਼ਾਮਲ ਨਹੀਂ ਹੈ।
ਬ੍ਰਿਸਬੇਨ ’ਚ ਸੀਰੀਜ਼ ਜਿੱਤ ਨਾਲ ਨੰਬਰ ਵਨ ਰੈਂਕਿੰਗ ਰਹੇਗੀ ਦਾਅ ’ਤੇ
NEXT STORY 
