ਸਪੋਰਟਸ ਡੈਸਕ- ਆਈਪੀਐਲ 2025 ਦੇ 29ਵੇਂ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਨੇ ਦਿੱਲੀ ਕੈਪੀਟਲਜ਼ ਨੂੰ ਜਿੱਤਣ ਲਈ 206 ਦੌੜਾਂ ਦਾ ਟੀਚਾ ਦਿੱਤਾ। ਇਸ ਦੌਰਾਨ ਤਿਲਕ ਵਰਮਾ ਨੇ ਮੁੰਬਈ ਲਈ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਉਸਨੇ ਇੱਕ ਧਮਾਕੇਦਾਰ ਸੈਂਕੜਾ ਲਗਾਇਆ। ਮੈਚ ਦੌਰਾਨ ਤਿਲਕ ਦੇ ਸ਼ਾਟ ਕਾਰਨ ਇੱਕ ਹਾਦਸਾ ਵਾਪਰ ਗਿਆ। ਦਿੱਲੀ ਦੇ ਦੋ ਖਿਡਾਰੀ ਗੇਂਦ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੇ ਹੋਏ ਇੱਕ ਦੂਜੇ ਨਾਲ ਟਕਰਾ ਗਏ ਅਤੇ ਜ਼ਖਮੀ ਵੀ ਹੋ ਗਏ। ਇਸ ਘਟਨਾ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵੀ ਸਾਂਝਾ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਟੀਮ ਨੂੰ ਵੱਡਾ ਝਟਕਾ, ਇਹ ਧਾਕੜ ਕ੍ਰਿਕਟਰ IPL 'ਚੋਂ ਹੋਇਆ ਬਾਹਰ
ਦਰਅਸਲ ਮੁੰਬਈ ਲਈ ਤਿਲਕ ਵਰਮਾ ਅਤੇ ਨਮਨ ਧੀਰ ਬੱਲੇਬਾਜ਼ੀ ਕਰ ਰਹੇ ਸਨ। ਤਿਲਕ ਨੇ 19ਵੇਂ ਓਵਰ ਦੀ ਤੀਜੀ ਗੇਂਦ 'ਤੇ ਸ਼ਾਟ ਖੇਡਿਆ। ਗੇਂਦ ਤੇਜ਼ੀ ਨਾਲ ਬਾਊਂਡਰੀ ਵੱਲ ਵਧ ਰਹੀ ਸੀ। ਇਸ ਦੌਰਾਨ, ਦਿੱਲੀ ਦੇ ਆਸ਼ੂਤੋਸ਼ ਸ਼ਰਮਾ ਅਤੇ ਮੁਕੇਸ਼ ਕੁਮਾਰ ਗੇਂਦ ਨੂੰ ਰੋਕਣ ਲਈ ਦੌੜੇ। ਮੁਕੇਸ਼ ਸ਼ਾਰਟ ਥਰਡ ਮੈਨ 'ਤੇ ਖੜ੍ਹਾ ਸੀ। ਜਦੋਂ ਕਿ ਆਸ਼ੂਤੋਸ਼ ਬੈਕਵਰਲਡ ਪੁਆਇੰਟ ਵੱਲ ਖੜ੍ਹਾ ਸੀ। ਇਹ ਦੋਵੇਂ ਖਿਡਾਰੀ ਆਪਣੀਆਂ ਥਾਵਾਂ ਤੋਂ ਭੱਜੇ ਅਤੇ ਟਕਰਾ ਗਏ।
ਮੁਕੇਸ਼ ਅਤੇ ਆਸ਼ੂਤੋਸ਼ ਨੂੰ ਮੈਦਾਨ ਤੋਂ ਬਾਹਰ ਭੇਜਣਾ ਪਿਆ
ਮੁਕੇਸ਼ ਅਤੇ ਆਸ਼ੂਤੋਸ਼ ਦੀ ਟੱਕਰ ਤੋਂ ਬਾਅਦ, ਦਿੱਲੀ ਦੀ ਮੈਡੀਕਲ ਸਹਾਇਤਾ ਟੀਮ ਤੁਰੰਤ ਮੈਦਾਨ ਵਿੱਚ ਪਹੁੰਚ ਗਈ। ਇਸ ਕਾਰਨ ਖੇਡ ਵੀ ਕੁਝ ਸਮੇਂ ਲਈ ਰੁਕ ਗਈ। ਖਿਡਾਰੀਆਂ ਦੀ ਹਾਲਤ ਨੂੰ ਦੇਖਦੇ ਹੋਏ, ਦੋਵਾਂ ਨੂੰ ਮੈਦਾਨ ਤੋਂ ਬਾਹਰ ਕੱਢ ਦਿੱਤਾ ਗਿਆ। ਉਨ੍ਹਾਂ ਦੀ ਜਗ੍ਹਾ, ਦੋ ਬਦਲਵੇਂ ਖਿਡਾਰੀਆਂ ਨੂੰ ਫੀਲਡਿੰਗ ਲਈ ਭੇਜਿਆ ਗਿਆ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਦੋਵਾਂ ਦੀਆਂ ਸੱਟਾਂ ਬਹੁਤ ਗੰਭੀਰ ਨਹੀਂ ਹਨ। ਮੁਕੇਸ਼ ਬਾਅਦ ਵਿੱਚ ਮੈਦਾਨ ਵਿੱਚ ਵਾਪਸ ਆਇਆ।
ਇਹ ਵੀ ਪੜ੍ਹੋ : 6 ਮੈਚਾਂ ਤੋਂ ਜੇਬ 'ਚ ਪਰਚੀ ਲੈ ਕੇ ਘੁੰਮ ਰਹੇ ਸਨ ਅਭਿਸ਼ੇਕ ? ਮੈਚ ਤੋਂ ਬਾਅਦ ਹੈੱਡ ਨੇ ਕੀਤਾ ਖੁਲਾਸਾ
ਮੁੰਬਈ ਲਈ ਤਿਲਕ ਦਾ ਧਮਾਕੇਦਾਰ ਪ੍ਰਦਰਸ਼ਨ
ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਮੁੰਬਈ ਨੇ 205 ਦੌੜਾਂ ਬਣਾਈਆਂ। ਇਸ ਸਮੇਂ ਦੌਰਾਨ ਤਿਲਕ ਵਰਮਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਸਨੇ 33 ਗੇਂਦਾਂ ਦਾ ਸਾਹਮਣਾ ਕਰਦੇ ਹੋਏ 59 ਦੌੜਾਂ ਬਣਾਈਆਂ। ਤਿਲਕ ਦੀ ਪਾਰੀ ਵਿੱਚ 6 ਚੌਕੇ ਅਤੇ 3 ਛੱਕੇ ਸ਼ਾਮਲ ਸਨ। ਸੂਰਿਆਕੁਮਾਰ ਯਾਦਵ ਨੇ 40 ਦੌੜਾਂ ਦਾ ਯੋਗਦਾਨ ਪਾਇਆ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਲਖਨਊ ਦਾ ਸਾਹਮਣਾ ਅੱਜ ਚੇਨਈ ਨਾਲ, ਮੈਚ ਤੋਂ ਪਹਿਲਾਂ ਜਾਣੋ ਇਨ੍ਹਾਂ ਖਾਸ ਗੱਲਾਂ ਬਾਰੇ
NEXT STORY 
