ਪਰਥ (ਆਸਟਰੇਲੀਆ) : ਨੋਵਾਕ ਜੋਕੋਵਿਚ ਗੁੱਟ ਦੀ ਸੱਟ ਨਾਲ ਜੂਝਣਾ ਜਾਰੀ ਹੈ, ਜਿਸ ਦਾ ਫਾਇਦਾ ਉਠਾਉਂਦੇ ਹੋਏ ਆਸਟਰੇਲੀਆ ਨੇ ਬੁੱਧਵਾਰ ਨੂੰ ਇੱਥੇ ਸਰਬੀਆ ਨੂੰ 3-0 ਨਾਲ ਹਰਾ ਕੇ ਯੂਨਾਈਟਿਡ ਕੱਪ ਟੈਨਿਸ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ 'ਚ ਪ੍ਰਵੇਸ਼ ਕਰ ਲਿਆ। ਇਸ ਦੌਰਾਨ ਪੋਲੈਂਡ ਨੇ ਚੀਨ ਨੂੰ 3-0 ਨਾਲ ਹਰਾ ਕੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕੀਤਾ ਜਦਕਿ ਫਰਾਂਸ ਨੇ ਇਟਲੀ ਨੂੰ ਅਤੇ ਗ੍ਰੀਸ ਨੇ ਕੈਨੇਡਾ ਨੂੰ ਹਰਾ ਕੇ ਆਖਰੀ 8 'ਚ ਪ੍ਰਵੇਸ਼ ਕੀਤਾ।
ਇਹ ਵੀ ਪੜ੍ਹੋ : ਤਸਵੀਰ 'ਚ ਗੜਬੜੀ, ਕ੍ਰਿਕਟਰ ਨੂੰ ਗੁਆਉਣਾ ਪਿਆ ਇਕ ਕਰੋੜ ਦਾ IPL ਕਰਾਰ
ਜੋਕੋਵਿਚ ਚੈੱਕ ਗਣਰਾਜ ਦੇ ਖਿਲਾਫ ਪਿਛਲੇ ਮੈਚ ਵਿੱਚ ਵੀ ਗੁੱਟ ਦੀ ਸੱਟ ਤੋਂ ਪ੍ਰੇਸ਼ਾਨ ਸੀ ਪਰ ਫਿਰ ਵੀ ਉਸ ਨੇ ਜਿਰੀ ਲੇਚਕਾ ਨੂੰ ਹਰਾਇਆ ਸੀ। ਦੁਨੀਆ ਦੇ ਨੰਬਰ ਇਕ ਖਿਡਾਰੀ ਨੂੰ ਹਾਲਾਂਕਿ ਅਲੈਕਸ ਡੀ ਮਿਨੌਰ ਖਿਲਾਫ ਸੰਘਰਸ਼ ਕਰਨਾ ਪਿਆ। ਆਸਟ੍ਰੇਲੀਆਈ ਖਿਡਾਰੀ ਨੇ ਇਹ ਮੈਚ 6-4, 6-4 ਨਾਲ ਜਿੱਤ ਲਿਆ। ਇਸ ਤੋਂ ਬਾਅਦ ਅਜਲਾ ਟੋਮਲਜਾਨੋਵਿਚ ਨੇ ਨਤਾਲੀਆ ਸਟੇਵਾਨੋਵਿਚ ਨੂੰ 6-1, 6-1 ਨਾਲ ਹਰਾ ਕੇ ਆਸਟਰੇਲੀਆ ਨੂੰ 2-0 ਦੀ ਅਜੇਤੂ ਬੜ੍ਹਤ ਦਿਵਾਈ। ਮੈਥਿਊ ਐਬਡੇਨ ਅਤੇ ਸਟੋਰਮ ਹੰਟਰ ਨੇ ਮਿਕਸਡ ਡਬਲਜ਼ ਵਿੱਚ ਡੇਜਾਨਾ ਰਾਡਾਨੋਵਿਕ ਅਤੇ ਨਿਕੋਲਾ ਕੈਸਿਕ ਨੂੰ 6-3, 6-3 ਨਾਲ ਹਰਾਇਆ, ਜਿਸ ਨਾਲ ਆਸਟਰੇਲੀਆ ਨੂੰ ਕਲੀਨ ਸਵੀਪ ਪੂਰਾ ਕਰਨ ਵਿੱਚ ਮਦਦ ਮਿਲੀ।
ਇਹ ਵੀ ਪੜ੍ਹੋ : ਨਿਊਲੈਂਡਸ ਸਟੇਡੀਅਮ ਦੇ ਬਾਹਰ ਫਲਸਤੀਨ ਸਮਰਥਕਾਂ ਨੇ ਦੱਖਣੀ ਅਫਰੀਕੀ ਕਪਤਾਨ ਖਿਲਾਫ ਕੀਤੀ ਨਾਅਰੇਬਾਜ਼ੀ
ਇਸ ਤੋਂ ਪਹਿਲਾਂ ਪੋਲੈਂਡ ਅਤੇ ਚੀਨ ਵਿਚਾਲੇ ਖੇਡੇ ਗਏ ਮੈਚ 'ਚ ਚੋਟੀ ਦਾ ਦਰਜਾ ਪ੍ਰਾਪਤ ਇਗਾ ਸਵਿਤੇਕ ਨੇ ਮਹਿਲਾ ਸਿੰਗਲ 'ਚ ਵਿਸ਼ਵ ਦੀ 14ਵੇਂ ਨੰਬਰ ਦੀ ਖਿਡਾਰਨ ਜ਼ੇਂਗ ਕਿਆਨਵੇਨ ਨੂੰ 6-2, 6-3 ਨਾਲ ਹਰਾਇਆ। ਹੁਬਰਟ ਹੁਰਕਾਕਜ਼ ਨੇ ਪੁਰਸ਼ ਸਿੰਗਲਜ਼ ਵਿੱਚ ਝਾਂਗ ਜ਼ਿੰਜੇਨ ਨੂੰ 6-3, 6-4 ਨਾਲ ਹਰਾਇਆ। ਮਿਕਸਡ ਡਬਲਜ਼ ਵਿੱਚ ਕੈਟਰੀਨਾ ਪੀਟਰ ਅਤੇ ਜਾਨ ਜ਼ੀਲਿਨਸਕੀ ਨੇ ਯਾਊ ਜ਼ਿਆਓਡੀ ਅਤੇ ਸਨ ਫਾਜਿੰਗ ਨੂੰ 6-3, 5-7, 10-7 ਨਾਲ ਹਰਾਇਆ। ਪੋਲਿਸ਼ ਟੀਮ ਹੁਣ ਸਿਡਨੀ 'ਚ ਸੈਮੀਫਾਈਨਲ ਖੇਡੇਗੀ ਜਿੱਥੇ ਉਸ ਦਾ ਸਾਹਮਣਾ ਫਰਾਂਸ ਅਤੇ ਨਾਰਵੇ ਵਿਚਾਲੇ ਹੋਣ ਵਾਲੇ ਮੈਚ ਦੇ ਜੇਤੂ ਨਾਲ ਹੋਵੇਗਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਸਾਬਕਾ ਫਾਰਮੂਲਾ ਵਨ ਰੇਸਰ ਵਿਲਸਨ ਫਿਟੀਪਾਲਡੀ ਨੂੰ ਆਪਣੇ 80ਵੇਂ ਜਨਮ ਦਿਨ 'ਤੇ ਪਿਆ ਦਿਲ ਦਾ ਦੌਰਾ
NEXT STORY 
