ਲੰਡਨ, (ਭਾਸ਼ਾ) ਇੰਗਲੈਂਡ ਦੇ ਮਹਾਨ ਕ੍ਰਿਕਟਰ ਸਰ ਜੈਫਰੀ ਬਾਈਕਾਟ ਨੇ ਆਪਣੀ ਗਰਦਨ 'ਚੋਂ ਟਿਊਮਰ ਕੱਢਣ ਲਈ ਸਰਜਰੀ ਕਰਵਾਈ। ਇਹ ਜਾਣਕਾਰੀ ਉਨ੍ਹਾਂ ਦੀ ਬੇਟੀ ਐਮਾ ਨੇ ਦਿੱਤੀ। ਇੰਗਲੈਂਡ ਦੇ ਸਾਬਕਾ ਬੱਲੇਬਾਜ਼ ਨੇ ਇਸ ਤੋਂ ਪਹਿਲਾਂ 2002 'ਚ ਵੀ ਗਲੇ ਦੇ ਟਿਊਮਰ ਲਈ ਕੀਮੋਥੈਰੇਪੀ ਦਾ ਸਹਾਰਾ ਲਿਆ ਸੀ। ਇਸ 83 ਸਾਲਾ ਬਜ਼ੁਰਗ ਨੂੰ ਮਈ ਵਿੱਚ ਪਤਾ ਲੱਗਾ ਕਿ ਉਹ ਮੁੜ ਇਸ ਕੈਂਸਰ ਤੋਂ ਪ੍ਰਭਾਵਿਤ ਹੈ।
ਐਮਾ ਨੇ ਬਾਈਕਾਟ ਦੇ ਐਕਸ ਅਕਾਊਂਟ 'ਤੇ ਲਿਖਿਆ, ''ਮੈਂ ਸਾਰਿਆਂ ਨੂੰ ਦੱਸਣਾ ਚਾਹੁੰਦੀ ਹਾਂ ਕਿ ਮੇਰੇ ਪਿਤਾ ਜੈਫਰੀ ਦੇ ਗਲੇ ਦੇ ਕੈਂਸਰ ਨੂੰ ਹਟਾਉਣ ਲਈ ਤਿੰਨ ਘੰਟੇ ਦਾ ਆਪਰੇਸ਼ਨ ਕਰਵਾਉਣਾ ਪਿਆ। ਉਸ ਦੀ ਸਰਜਰੀ ਪੂਰੀ ਹੋ ਗਈ ਹੈ, ”ਉਸਨੇ ਕਿਹਾ, “ਮੈਂ ਅਜੇ ਤੱਕ ਉਸ ਨੂੰ ਨਹੀਂ ਮਿਲੀ ਪਰ ਡਾਕਟਰਾਂ ਦਾ ਕਹਿਣਾ ਹੈ ਕਿ ਇਹ ਸਫਲ ਰਿਹਾ।” ਉਸਨੇ ਮੈਨੂੰ ਇਹ ਜਾਣਕਾਰੀ ਸਾਂਝੀ ਕਰਨ ਲਈ ਕਿਹਾ।''
ਬਾਈਕਾਟ ਨੇ 1964 ਤੋਂ 1982 ਤੱਕ ਆਪਣੇ ਸ਼ਾਨਦਾਰ ਕਰੀਅਰ 'ਚ 108 ਟੈਸਟ ਮੈਚਾਂ 'ਚ ਲਗਭਗ 48 ਦੀ ਔਸਤ ਨਾਲ 8,000 ਤੋਂ ਵੱਧ ਦੌੜਾਂ ਬਣਾਈਆਂ। ਉਸ ਦੇ ਨਾਂ 100 ਤੋਂ ਵੱਧ ਪਹਿਲੀ ਸ਼੍ਰੇਣੀ ਦੇ ਸੈਂਕੜੇ ਹਨ।
13ਵੀਂ ਜੂਨੀਅਰ ਤੇ ਸਬ ਜੂਨੀਅਰ ਨੈਸ਼ਨਲ ਪੈਰਾ ਅਥਲੈਟਿਕਸ ਚੈਂਪੀਅਨਸ਼ਿਪ 'ਚ ਪੰਜਾਬ ਦੇ 13 ਖਿਡਾਰੀਆਂ ਨੇ ਜਿੱਤੇ ਮੈਡਲ
NEXT STORY 
