ਸ਼ਾਰਜਾਹ : ਅੰਤਰਰਾਸ਼ਟਰੀ ਕ੍ਰਿਕਟ ਪਰੀਸ਼ਦ ਨੇ ਟੀ-10 ਲੀਗ ਗੇ ਦੂਜੇ ਸੀਜ਼ਨ ਨੂੰ ਅਧਿਕਾਰਤ ਮੰਜੂਰੀ ਦੇ ਦਿੱਤੀ ਹੈ ਜਿਸਦਾ ਆਯੋਜਨ 23 ਨਵੰਬਰ ਤੋਂ ਸ਼ਾਰਜਾਹ 'ਚ ਕੀਤਾ ਜਾਵੇਗਾ। ਕ੍ਰਿਕਟ ਦੀ ਸਰਵਉੱਚ ਸੰਸਥਾ ਤੋਂ ਮੰਜੂਰੀ ਮਿਲਨਾ ਲੀਗ ਦੇ ਲਈ ਬੇਹੱਦ ਮਹੱਤਵਪੂਰਨ ਹੈ ਜਿਸ 'ਚ ਇਸ ਵਾਰ ਦੋ ਨਵੀਂਆਂ ਟੀਮਾਂ ਜੁੜ ਗਈਆਂ ਹਨ। ਹੁਣ 8 ਟੀਮਾਂ ਵਿਚਾਲੇ ਮੈਚ ਖੇਡੇ ਜਾਣਗੇ। ਆਈ. ਸੀ. ਸੀ. ਦੇ ਬੁਲਾਰੇ ਨੇ ਅੱਜ ਮੀਡੀਆ ਨੂੰ ਕਿਹਾ, '' ਹਾਂ ਆਈ. ਸੀ. ਸੀ. ਨੇ ਟੀ-10 ਟੂਰਨਾਮੈਂਟ ਨੂੰ ਮੰਜੂਰੀ ਦੇ ਦਿੱਤੀ ਹੈ। ਆਯੋਜਕਾਂ ਨੇ ਕਿਸੇ ਕ੍ਰਿਕਟ ਪ੍ਰਤੀਯੋਗਤਾ ਨੂੰ ਮੰਜੂਰੀ ਦਿੱਤੇ ਜਾਣ ਸਬੰਧੀ ਸਾਰੀਆਂ ਸ਼ਰਤਾਂ ਅਤੇ ਰਸਮਾਂ ਨੂੰ ਪੂਰਾ ਕੀਤਾ ਗਿਆ ਜਿਸ ਦੇ ਬਾਅਦ ਉਨ੍ਹਾਂ ਨੂੰ ਮੰਜੂਰੀ ਮਿਲੀ। ਟੀ-10 ਆਈ.ਸੀ.ਸੀ. ਦੇ ਐਸੋਸਿਏਟ ਮੈਂਬਰ ਅਮੀਰਾਤ ਕ੍ਰਿਕਟ ਬੋਰਡ ਦਾ ਘਰੇਲੂ ਫ੍ਰੈਂਚਾਈਜ਼ੀ ਟੂਰਨਾਮੈਂਟ ਹੈ।
ਹਾਲਾਂਕਿ ਇਹ ਪਤਾ ਚਲਿਆ ਹੈ ਕਿ ਮੰਜੂਰੀ ਦੇਣ ਦਾ ਮਤਲੱਬ ਇਹ ਨਹੀਂ ਕਿ ਆਈ. ਸੀ. ਸੀ. ਇਸ ਲੀਗ ਜਾਂ ਫਾਰਮੈਟ ਨੂੰ ਬੜ੍ਹਾਵਾ ਦੇਵੇਗੀ। ਟੀ-10 ਲੀਗ ਦੇ ਚੇਅਰਮੈਨ ਸ਼ਾਜੀਉਲ ਮੁਲਕ ਨੇ ਕਿਹਾ, '' ਆਈ. ਸੀ. ਸੀ. ਤੋਂ ਮੰਜੂਰੀ ਮਿਲਣ ਨਾਲ ਟੀ-10 ਲੀਗ ਦੇ ਸਾਡੇ ਸਪਾਂਸਰ, ਪਾਰਟਨਰ, ਅਤੇ ਖਾਸ ਕਰ ਕੇ ਖਿਡਾਰੀਆਂ ਦਾ ਉਤਸ਼ਾਹ ਵਧੇਗਾ। ਇਸ ਨਾਲ ਸਾਡੇ 'ਤੇ ਇਹ ਪੱਕਾ ਕਰਨ ਦੀ ਹੋਰ ਜ਼ਿੰਮੇਵਾਰੀ ਪੈ ਗਈ ਹੈ ਕਿ ਅਸੀਂ ਹਰ ਸਾਲ ਇਸ ਨੂੰ ਅੱਗੇ ਵਧਾਵਾਂਗੇ ਅਤੇ ਇਸ ਫਾਰਮੈਟ ਨੂੰ ਗਲੋਬਲ ਪੱਧਰ 'ਤੇ ਸਵੀਕਾਰ ਕਰਾਈਏ।
ਬੇਟੀ ਜੀਵਾ ਦੀ ਮੌਜੂਦਗੀ 'ਚ ਹੌਂਸਲਾ ਮਿਲਦਾ ਹੈ : ਧੋਨੀ
NEXT STORY 
