ਨਵੀਂ ਦਿੱਲੀ, (ਭਾਸ਼ਾ) ਏਸ਼ੀਆਈ ਖੇਡਾਂ ਦੇ ਤਗਮਾ ਜੇਤੂ ਲੰਬੀ ਦੂਰੀ ਦੇ ਦੌੜਾਕ ਗੁਲਵੀਰ ਸਿੰਘ ਨੂੰ 20 ਅਕਤੂਬਰ ਨੂੰ ਹਾਂਗਕਾਂਗ 'ਚ ਹੋਣ ਵਾਲੀ ਏਸ਼ੀਅਨ ਕਰਾਸ ਕੰਟਰੀ ਚੈਂਪੀਅਨਸ਼ਿਪ ਲਈ ਸੋਮਵਾਰ ਨੂੰ ਅੱਠ ਮੈਂਬਰੀ ਭਾਰਤੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ। 26 ਸਾਲਾ ਫੌਜੀ ਨੇ ਪਿਛਲੇ ਸਾਲ ਹਾਂਗਜ਼ੂ ਏਸ਼ਿਆਈ ਖੇਡਾਂ ਵਿੱਚ ਪੁਰਸ਼ਾਂ ਦੀ 10,000 ਮੀਟਰ ਦੌੜ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ।
ਅਥਲੈਟਿਕਸ ਫੈਡਰੇਸ਼ਨ ਆਫ ਇੰਡੀਆ (ਏ.ਐੱਫ.ਆਈ.) ਦੀ ਚੋਣ ਕਮੇਟੀ ਨੇ 24 ਨਵੰਬਰ ਨੂੰ ਪਾਕਿਸਤਾਨ ਦੀ ਰਾਜਧਾਨੀ ਇਸਲਾਮਾਬਾਦ 'ਚ ਹੋਣ ਵਾਲੀ ਦੱਖਣੀ ਏਸ਼ੀਆਈ ਕਰਾਸ ਕੰਟਰੀ ਚੈਂਪੀਅਨਸ਼ਿਪ ਲਈ ਰਾਸ਼ਟਰੀ ਸੀਨੀਅਰ ਅਤੇ ਜੂਨੀਅਰ ਟੀਮਾਂ ਦਾ ਵੀ ਐਲਾਨ ਕਰ ਦਿੱਤਾ ਹੈ। ਏਸ਼ੀਅਨ ਕਰਾਸ ਕੰਟਰੀ 'ਚ ਹਿੱਸਾ ਲੈਣ ਵਾਲੀ ਰਾਸ਼ਟਰੀ ਟੀਮ ਨੂੰ ਨਵੰਬਰ 'ਚ ਪਾਕਿਸਤਾਨ 'ਚ ਹੋਣ ਵਾਲੇ ਦੱਖਣੀ ਏਸ਼ੀਆਈ ਕਰਾਸ ਕੰਟਰੀ 'ਚ ਖੇਡਣ ਦਾ ਮੌਕਾ ਵੀ ਮਿਲੇਗਾ।
AFI ਦੇ ਪ੍ਰਧਾਨ ਆਦਿਲ ਸੁਮਾਰੀਵਾਲਾ ਨੇ ਕਿਹਾ, ''ਪਾਕਿਸਤਾਨ 'ਚ ਹੋਣ ਵਾਲੀ ਦੱਖਣੀ ਏਸ਼ੀਆਈ ਕਰਾਸ-ਕੰਟਰੀ ਚੈਂਪੀਅਨਸ਼ਿਪ 'ਚ ਖਿਡਾਰੀਆਂ ਦੀ ਭਾਗੀਦਾਰੀ ਫਿਟਨੈੱਸ 'ਤੇ ਨਿਰਭਰ ਕਰੇਗੀ। ਕੋਈ ਵੀ ਅਥਲੀਟ ਜੋ ਅਨਫਿਟ ਹੈ, ਉਸ ਨੂੰ ਰਾਸ਼ਟਰੀ ਟੀਮ ਤੋਂ ਬਾਹਰ ਕਰ ਦਿੱਤਾ ਜਾਵੇਗਾ।'' ਏਸ਼ੀਅਨ ਕਰਾਸ ਕੰਟਰੀ ਚੈਂਪੀਅਨਸ਼ਿਪ ਲਈ ਟੀਮ: ਸੀਨੀਅਰ ਪੁਰਸ਼: ਗੁਲਵੀਰ ਸਿੰਘ, ਕਾਰਤਿਕ ਕੁਮਾਰ, ਅਭਿਸ਼ੇਕ ਪਾਲ, ਅਰੁਣ ਰਾਠੌੜ। ਸੀਨੀਅਰ ਮਹਿਲਾ: ਅੰਕਿਤਾ, ਸੀਮਾ, ਸੰਜੀਵਨੀ ਜਾਧਵ, ਸੋਨਿਕਾ। ਜੂਨੀਅਰ ਪੁਰਸ਼: ਅਮਰਦੀਪ ਪਾਲ, ਕ੍ਰਿਪਾਸ਼ੰਕਰ ਯਾਦਵ, ਵਿਨੋਦ ਸਿੰਘ, ਗੌਰਵ ਭਾਸਕਰ ਭੋਸਲੇ। ਜੂਨੀਅਰ ਮਹਿਲਾ: ਏਕਤਾ ਦੇ, ਸੁਨੀਤਾ ਦੇਵੀ, ਸ਼ਿਲਪਾ ਢਿਓਰਾ, ਪ੍ਰਾਚੀ ਅੰਕੁਸ਼ ਦੇਵਕਰ।
ਗੇਂਦ ਦੀ ਗਤੀ ਹਮੇਸ਼ਾ ਮੇਰੇ ਦਿਮਾਗ 'ਚ ਰਹਿੰਦੀ ਹੈ ਪਰ ਅੰਤਰਰਾਸ਼ਟਰੀ ਪੱਧਰ 'ਤੇ ਨਿਰੰਤਰਤਾ ਮਹੱਤਵਪੂਰਨ ਹੈ: ਮਯੰਕ ਯਾਦਵ
NEXT STORY 
