ਨਵੀਂ ਦਿੱਲੀ : ਭਾਰਤੀ ਸਪਿਨਰ ਹਰਭਜਨ ਸਿੰਘ ਨਿਊਜ਼ੀਲੈਂਡ ਦੇ ਮਿਡਲਆਰਡਰ ਬੱਲੇਬਾਜ਼ ਰਾਸ ਟੇਲਰ ਦੀ ਬੀਤੇ ਦਿਨੀ ਬੁੱਧਵਾਰ ਨੂੰ ਹੈਮਿਲਟਨ ਦੇ ਮੈਦਾਨ 'ਤੇ ਖੇਡੀ ਗਈ ਸ਼ਾਨਦਾਰ ਪਾਰੀ ਦੇਖ ਕੇ ਕਾਫੀ ਖੁਸ਼ ਹਨ। ਉਸ ਨੇ ਰਾਸ ਟੇਲਰ ਦੀ ਇਕ ਤਸਵੀਰ ਟਵੀਟ ਕਰ ਪਹਿਲਾਂ ਤਾਂ ਕੀਵੀ ਟੀਮ ਨੂੰ ਵਧਾਈ ਦਿੱਤੀ। ਨਾਲ ਹੀ ਉਸ ਨੇ ਰਾਸ ਟੇਲਰ ਤੋਂ ਇਕ ਸਵਾਲ ਵੀ ਪੁੱਛਿਆ ਹੈ ਕਿ ਉਹ ਆਫਣੀ ਜੀਭ ਬਾਹਰ ਕਿਉਂ ਕੱਢਦੇ ਹਨ।
ਦਰਅਸਲ, ਭਾਰਤ ਖਿਲਾਫ 348 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਰਾਸ ਟੇਲਰ ਨੇ ਸ਼ਾਨਦਾਰ ਸੈਂਕੜਾ ਲਾਇਆ ਸੀ। ਸੈਂਕੜਾ ਲਾਉਣ ਤੋਂ ਬਾਅਦ ਰਾਸ ਟੇਲਰ ਹਰ ਵਾਰ ਆਪਣੀ ਜੀਭ ਬਾਹਰ ਕੱਢਦੇ ਹਨ। ਇਸ ਗੱਲ ਤੋਂ ਭੱਜੀ ਵੀ ਹੈਰਾਨ ਹਨ। ਉੱਥੇ ਹੀ ਭੱਜੀ ਦੇ ਟਵੀਟ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਇਸ ਦੇ ਮਜ਼ੇਦਾਰ ਜਵਾਬ ਦੇਣੇ ਸ਼ੁਰੂ ਕਰ ਦਿੱਤੇ। ਇਕ ਪ੍ਰਸ਼ੰਸਕ ਨੇ ਡਬਲਯੂ. ਡਬਲਯੂ. ਈ. ਦੇ ਮਸ਼ਹੂਰ ਰੈਸਲਰ ਅੰਡਰਟੇਕਰ ਦੀ ਤਸਵੀਰ ਪੋਸਟ ਕੀਤੀ ਜਿਸ ਵਿਚ ਉਹ ਜੀਭ ਕੱਢਦੇ ਦਿਸ ਰਹੇ ਹਨ। ਨਾਲ ਹੀ ਲਿਖਿਆ ਕਿ ਸ਼ਾਇਦ ਰਾਸ ਟੇਲਰ ਅੰਡਰਟੇਕਰ ਦੇ ਫੈਨ ਹੋਣ। ਉੱਥੇ ਹੀ ਇਕ ਨੇ ਲਿਖਿਆ ਕਿ ਸ਼ਾਇਦ ਟੇਲਰ ਜਿੱਤ ਦਾ ਸਵਾਦ ਲੈਣਾ ਚਾਹੁੰਦੇ ਹਨ।
ਜੀਭ ਕੱਢਣ ਦੀ ਇਹ ਹੈ ਵਜ੍ਹਾ
ਰਾਸ ਟੇਲਰ ਨੇ ਕੁਝ ਸਾਲ ਪਹਿਲਾਂ ਇਕ ਇੰਟਰਵਿਊ ਦੌਰਾਨ ਦੱਸਿਆ ਸੀ ਕਿ ਉਹ ਸੈਂਕੜਾ ਲਾਉਣ ਤੋਂ ਬਾਅਦ ਆਪਣੀ ਬੇਟੀ ਮੈਂਕੇਜੀ ਲਈ ਜੀਭ ਕੱਢਦੇ ਹਨ। ਟੇਲਰ ਨੇ ਕਿਹਾ ਸੀ ਕਿ ਜਦੋਂ ਮੈਂ ਜੀਭ ਕੱਢਦਾ ਹਾਂ ਤਾਂ ਉਸ ਨੂੰ ਬਹੁਤ ਚੰਗਾ ਲਗਦਾ ਹੈ। ਮੈਂ ਇਹ ਚਾਹੁੰਗਾ ਕਿ ਮੈਂ ਜਦੋਂ ਵੀ ਸੈਂਕੜਾ ਲਗਾਂਵਾ ਤਾਂ ਇਹ ਕੰਮ (ਜੀਭ ਕੱਢਣਾ) ਜ਼ਰੂਰ ਕੱਢਾਂ।
ਅਮਰੀਕੀ ਗਰੈਂਡਸਲੈਮ ਚੈਂਪੀਅਨ ਸਪੀਅਰਜ਼ 'ਤੇ ਡੋਪਿੰਗ ਮਾਮਲੇ 'ਚ ਲੱਗੀ ਪਾਬੰਦੀ
NEXT STORY 
