ਮੁੱਲਾਂਪੁਰ: ਪੰਜਾਬ ਕਿੰਗਜ਼ ਦੇ ਕ੍ਰਿਕਟਰ ਆਸ਼ੂਤੋਸ਼ ਸ਼ਰਮਾ ਦੀ ਹਮਲਾਵਰ ਪਾਰੀ ਦੀ ਮੁੰਬਈ ਇੰਡੀਅਨਜ਼ ਦੇ ਕਪਤਾਨ ਹਾਰਦਿਕ ਪੰਡਯਾ ਅਤੇ ਪੰਜਾਬ ਦੇ ਕਾਰਜਕਾਰੀ ਕਪਤਾਨ ਸੈਮ ਕੁਰਾਨ ਦੋਵਾਂ ਨੇ ਤਾਰੀਫ਼ ਕੀਤੀ ਹੈ। ਆਸ਼ੂਤੋਸ਼ ਅਤੇ ਸ਼ਸ਼ਾਂਕ ਸਿੰਘ ਨੇ ਇਸ ਆਈ.ਪੀ.ਐੱਲ ਸੀਜ਼ਨ 'ਚ ਪੰਜਾਬ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ ਪਰ ਟਾਪ ਆਰਡਰ ਦੀ ਅਸਫਲਤਾ ਕਾਰਨ ਟੀਮ ਨੌਵੇਂ ਸਥਾਨ 'ਤੇ ਖਿਸਕ ਗਈ ਹੈ।
ਆਸ਼ੂਤੋਸ਼ ਨੇ 28 ਗੇਂਦਾਂ 'ਚ 61 ਦੌੜਾਂ ਬਣਾ ਕੇ ਪੰਜਾਬ ਨੂੰ ਜਿੱਤ ਦੇ ਨੇੜੇ ਪਹੁੰਚਾਇਆ ਸੀ ਪਰ 193 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਉਨ੍ਹਾਂ ਦੀ ਟੀਮ ਨੌਂ ਦੌੜਾਂ ਨਾਲ ਖੁੰਝ ਗਈ। ਪੰਡਯਾ ਨੇ ਮੈਚ ਤੋਂ ਬਾਅਦ ਕਿਹਾ, 'ਅਵਿਸ਼ਵਾਸ਼ਯੋਗ। ਜਿਸ ਤਰ੍ਹਾਂ ਉਹ ਖੇਡ ਰਿਹਾ ਸੀ, ਇਹ ਉਸ ਦੇ ਭਵਿੱਖ ਲਈ ਚੰਗਾ ਹੈ। ਅਸੀਂ ਟਾਈਮਆਊਟ ਵਿੱਚ ਇਸ ਬਾਰੇ ਗੱਲ ਕੀਤੀ। ਅਸੀਂ ਢਿੱਲੀ ਗੇਂਦਾਂ ਨਾ ਦੇਣ 'ਤੇ ਜ਼ੋਰ ਦਿੱਤਾ। ਉਸ ਨੇ ਚੰਗੇ ਸ਼ਾਟ ਖੇਡੇ ਪਰ ਅਸੀਂ ਕੁਝ ਢਿੱਲੀ ਗੇਂਦਾਂ ਵੀ ਸੁੱਟੀਆਂ।
ਪੰਜਾਬ ਦੇ ਕਾਰਜਕਾਰੀ ਕਪਤਾਨ ਕੁਰਾਨ ਨੇ ਕਿਹਾ, 'ਇਕ ਹੋਰ ਨਜ਼ਦੀਕੀ ਮੈਚ। ਇਸ ਟੀਮ ਨੂੰ ਕਰੀਬੀ ਮੈਚ ਪਸੰਦ ਹਨ ਪਰ ਅਸੀਂ ਫਿਰ ਹਾਰ ਗਏ। ਆਸ਼ੂਤੋਸ਼ ਨੇ ਸ਼ਾਨਦਾਰ ਪਾਰੀ ਖੇਡੀ ਪਰ ਅਸੀਂ ਕਰੀਬੀ ਮੈਚ ਹਾਰ ਗਏ। ਅਸੀਂ ਸ਼ੁਰੂਆਤ 'ਚ ਕਾਫੀ ਵਿਕਟਾਂ ਗੁਆ ਦਿੱਤੀਆਂ ਪਰ ਨੌਜਵਾਨ ਖਿਡਾਰੀਆਂ ਨੂੰ ਟੀਮ ਨੂੰ ਜਿੱਤ ਦੇ ਇੰਨੇ ਨੇੜੇ ਲੈ ਕੇ ਜਾਂਦੇ ਦੇਖ ਕੇ ਚੰਗਾ ਲੱਗਾ।
ਚੋਣ ਰੈਲੀ 'ਚ ਬੋਲੇ PM ਮੋਦੀ, ਭਰਾ ਮੁਹੰਮਦ ਸ਼ਮੀ ਵੱਲੋਂ ਕੀਤਾ ਗਿਆ ਕਮਾਲ ਪੂਰੀ ਦੁਨੀਆ ਨੇ ਦੇਖਿਆ
NEXT STORY 
