ਤਿਰੂਅਨੰਤਪੁਰਮ— ਦੱਖਣੀ ਅਫਰੀਕਾ ਖਿਲਾਫ ਪਹਿਲੇ ਟੀ-20 ਮੈਚ 'ਚ ਅੱਠ ਵਿਕਟਾਂ ਨਾਲ ਜਿੱਤ ਦਰਜ ਕਰਨ ਦੇ ਬਾਵਜੂਦ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਇਸ ਪਿੱਚ 'ਤੇ ਬੱਲੇਬਾਜ਼ੀ ਕਰਨਾ ਆਸਾਨ ਨਹੀਂ ਸੀ ਅਤੇ ਉਨ੍ਹਾਂ ਦੀ ਟੀਮ ਵਿਕਟਾਂ ਕਾਰਨ ਹੀ ਸਫਲ ਰਹੀ। ਭਾਰਤ ਨੇ ਰੋਹਿਤ ਅਤੇ ਵਿਰਾਟ ਕੋਹਲੀ ਦੀਆਂ ਵਿਕਟਾਂ ਗੁਆ ਕੇ 16.4 ਓਵਰਾਂ ਵਿੱਚ 107 ਦੌੜਾਂ ਦਾ ਟੀਚਾ ਹਾਸਲ ਕਰ ਲਿਆ।
ਰੋਹਿਤ ਨੇ ਮੈਚ ਤੋਂ ਬਾਅਦ ਕਿਹਾ ਕਿ ਅਜਿਹੇ ਮੈਚਾਂ ਤੋਂ ਬਹੁਤ ਕੁਝ ਸਿੱਖਣ ਨੂੰ ਮਿਲਦਾ ਹੈ। ਸਾਨੂੰ ਪਤਾ ਸੀ ਕਿ ਇਹ ਗੇਂਦਬਾਜ਼ਾਂ ਦੀ ਮਦਦ ਕਰੇਗਾ ਅਤੇ ਪੂਰੇ ਮੈਚ ਦੌਰਾਨ ਪਿੱਚ ਗਿੱਲੀ ਰਹੀ। ਧੁੱਪ ਦੀ ਘਾਟ ਕਾਰਨ ਸ਼ਾਟ ਲਗਾਉਣਾ ਮੁਸ਼ਕਲ ਸੀ ਅਤੇ ਦੋਵੇਂ ਟੀਮਾਂ ਮੈਚ ਵਿੱਚ ਸਨ ਪਰ ਅਸੀਂ ਵਿਕਟਾਂ ਲਈਆਂ ਜੋ ਮੈਚ ਦਾ ਟਰਨਿੰਗ ਪੁਆਇੰਟ ਸੀ। ਉਨ੍ਹਾਂ ਕਿਹਾ ਕਿ ਇਸ ਪਿੱਚ 'ਤੇ 107 ਦੌੜਾਂ ਦਾ ਟੀਚਾ ਵੀ ਆਸਾਨ ਨਹੀਂ ਸੀ। ਅਸੀਂ 2 ਵਿਕਟਾਂ ਗੁਆ ਦਿੱਤੀਆਂ ਪਰ ਸੂਰਯਕੁਮਾਰ ਅਤੇ ਰਾਹੁਲ ਦਰਮਿਆਨ ਸਾਂਝੇਦਾਰੀ ਅਹਿਮ ਰਹੀ।
ਦੱਖਣੀ ਅਫਰੀਕਾ ਦੇ ਕਪਤਾਨ ਤੇਂਬਾ ਬਾਵੁਮਾ ਨੇ ਹਾਰ ਦਾ ਦੋਸ਼ ਬੱਲੇਬਾਜ਼ਾਂ 'ਤੇ ਮੜ੍ਹਦਿਆਂ ਕਿਹਾ ਕਿ ਇਕ ਇਕਾਈ ਦੇ ਤੌਰ 'ਤੇ ਅਸੀਂ ਬੱਲੇਬਾਜ਼ੀ 'ਚ ਅਸਫਲ ਰਹੇ। ਅਸੀਂ ਹਾਲਾਤ ਮੁਤਾਬਕ ਬੱਲੇਬਾਜ਼ੀ ਨਹੀਂ ਕਰ ਸਕੇ ਜਦਕਿ ਉਨ੍ਹਾਂ ਦੇ ਬੱਲੇਬਾਜ਼ਾਂ ਨੇ ਕੀਤਾ। ਸਾਡੇ ਗੇਂਦਬਾਜ਼ਾਂ ਨੇ ਕੋਸ਼ਿਸ਼ ਕੀਤੀ ਪਰ ਬੱਲੇਬਾਜ਼ ਦੌੜਾਂ ਨਹੀਂ ਬਣਾ ਸਕੇ।
ਵਿਸ਼ਵ ਕੱਪ ਤੋਂ ਪਹਿਲਾਂ ਅਮਰੀਕਾ ਦੀ ਚਿੰਤਾ ਵਧੀ, ਸਾਊਦੀ ਅਰਬ ਖਿਲਾਫ ਖੇਡਿਆ ਗੋਲ ਰਹਿਤ ਡਰਾਅ
NEXT STORY 
