ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ 2026 ਵਿੱਚ ਅੱਜ ਮੰਗਲਵਾਰ ਨੂੰ ਰਾਜਸਥਾਨ ਰਾਇਲਜ਼ (RR) ਅਤੇ ਮੁੰਬਈ ਇੰਡੀਅਨਜ਼ (MI) ਵਿਚਕਾਰ ਹੋਣ ਵਾਲੇ ਮਹੱਤਵਪੂਰਨ ਮੁਕਾਬਲੇ 'ਤੇ ਸੰਕਟ ਦੇ ਬੱਦਲ ਮੰਡਰਾ ਰਹੇ ਹਨ। ਗੁਹਾਟੀ ਦੇ ਬਰਸਾਪਾਰਾ ਸਟੇਡੀਅਮ ਵਿੱਚ ਖੇਡੇ ਜਾਣ ਵਾਲੇ ਇਸ ਮੈਚ ਵਿੱਚ ਮੌਸਮ ਖ਼ਰਾਬ ਹੋਣ ਦੀ ਪੂਰੀ ਸੰਭਾਵਨਾ ਹੈ ਪਰ ਖ਼ਾਸ ਗੱਲ ਇਹ ਹੈ ਕਿ ਇਸ ਵਾਰ ਮੈਚ ਰੱਦ ਹੋਣ ਦਾ ਕਾਰਨ ਮੀਂਹ ਨਹੀਂ ਬਲਕਿ ਕੁਝ ਹੋਰ ਹੈ।
ਮੌਸਮ ਵਿਭਾਗ ਵੱਲੋਂ 'ਯੈਲੋ ਅਲਰਟ' ਜਾਰੀ
ਮੌਸਮ ਵਿਭਾਗ ਦੇ ਅਨੁਮਾਨ ਅਨੁਸਾਰ, ਮੈਚ ਦੌਰਾਨ ਮੀਂਹ ਪੈਣ ਦੀ ਸੰਭਾਵਨਾ ਬਹੁਤ ਘੱਟ ਹੈ। ਹਾਲਾਂਕਿ, ਵਿਭਾਗ ਨੇ ਗੁਹਾਟੀ ਲਈ 'ਯੈਲੋ ਅਲਰਟ' ਜਾਰੀ ਕਰਦਿਆਂ ਤੇਜ਼ ਹਨ੍ਹੇਰੀ-ਤੂਫ਼ਾਨ ਅਤੇ ਅਸਮਾਨੀ ਬਿਜਲੀ ਡਿੱਗਣ ਦੀ ਚੇਤਾਵਨੀ ਦਿੱਤੀ ਹੈ। ਰਿਪੋਰਟਾਂ ਮੁਤਾਬਕ, ਮੈਚ ਦੇ ਸਮੇਂ ਤੇਜ਼ ਤੂਫ਼ਾਨੀ ਹਵਾਵਾਂ ਚੱਲ ਸਕਦੀਆਂ ਹਨ ਅਤੇ ਅਸਮਾਨ ਵਿੱਚ ਬਿਜਲੀ ਚਮਕਦੀ ਰਹੇਗੀ। ਜੇਕਰ ਹਵਾਵਾਂ ਦੀ ਰਫ਼ਤਾਰ ਬਹੁਤ ਜ਼ਿਆਦਾ ਹੁੰਦੀ ਹੈ, ਤਾਂ ਖੇਡ ਨੂੰ ਰੋਕਣਾ ਪੈ ਸਕਦਾ ਹੈ, ਜਿਸ ਨਾਲ ਮੈਚ ਰੱਦ ਹੋਣ ਦੀ ਨੌਬਤ ਆ ਸਕਦੀ ਹੈ।
ਇਹ ਵੀ ਪੜ੍ਹੋ- BCCI ਨੇ ਜਿਸ ਖਿਡਾਰੀ 'ਤੇ ਲਾਇਆ ਬੈਨ ਹੁਣ ਓਹੀ IPL 'ਚ ਪਾ ਰਿਹੈ ਧੱਕ
ਲਗਾਤਾਰ ਦੂਜੇ ਦਿਨ ਮੈਚ ਰੱਦ ਹੋਣ ਦਾ ਖ਼ਤਰਾ
ਇਸ ਸੀਜ਼ਨ ਵਿੱਚ ਪ੍ਰਸ਼ੰਸਕਾਂ ਲਈ ਇਹ ਚਿੰਤਾ ਵਾਲੀ ਗੱਲ ਹੈ ਕਿਉਂਕਿ ਬੀਤੇ ਦਿਨ ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਪੰਜਾਬ ਕਿੰਗਜ਼ ਵਿਚਕਾਰ ਹੋਇਆ 12ਵਾਂ ਮੈਚ ਵੀ ਮੀਂਹ ਕਾਰਨ ਸਿਰਫ਼ 22 ਗੇਂਦਾਂ ਬਾਅਦ ਰੱਦ ਕਰਨਾ ਪਿਆ ਸੀ। ਹੁਣ ਲਗਾਤਾਰ ਦੂਜੇ ਦਿਨ ਮੈਚ 'ਤੇ ਮੰਡਰਾ ਰਿਹਾ ਖ਼ਤਰਾ ਦੋਵਾਂ ਟੀਮਾਂ ਦੀਆਂ ਉਮੀਦਾਂ ਨੂੰ ਝਟਕਾ ਦੇ ਸਕਦਾ ਹੈ।
ਇਹ ਵੀ ਪੜ੍ਹੋ- ਕਪਤਾਨ ਸ਼ੁਭਮਨ ਗਿੱਲ ਟੀਮ 'ਚੋਂ ਬਾਹਰ! GT ਦੀਆਂ ਵਧੀਆਂ ਮੁਸ਼ਕਲਾਂ
ਪੁਆਇੰਟ ਟੇਬਲ 'ਤੇ ਪਵੇਗਾ ਵੱਡਾ ਅਸਰ
ਨਿਯਮਾਂ ਅਨੁਸਾਰ, ਜੇਕਰ ਮੈਚ ਰੱਦ ਹੁੰਦਾ ਹੈ ਤਾਂ ਰਾਜਸਥਾਨ ਅਤੇ ਮੁੰਬਈ ਨੂੰ 1-1 ਅੰਕ ਦਿੱਤਾ ਜਾਵੇਗਾ।
ਮੈਚ ਰੱਦ ਹੋਣ 'ਤੇ ਰਾਜਸਥਾਨ ਨੂੰ ਲਗਾਤਾਰ ਤੀਜੀ ਜਿੱਤ ਦਰਜ ਕਰਨ ਅਤੇ ਪੁਆਇੰਟ ਟੇਬਲ 'ਚ ਸਪੱਸ਼ਟ ਬੜਤ ਬਣਾਉਣ ਦਾ ਮੌਕਾ ਗੁਆਉਣਾ ਪਵੇਗਾ। ਹਾਲਾਂਕਿ, 5 ਅੰਕਾਂ ਨਾਲ ਉਹ ਪੰਜਾਬ ਕਿੰਗਜ਼ ਦੀ ਬਰਾਬਰੀ ਕਰਕੇ ਪਹਿਲੇ ਸਥਾਨ 'ਤੇ ਪਹੁੰਚ ਸਕਦੀ ਹੈ।
ਮੁੰਬਈ ਲਈ 1 ਅੰਕ ਦਾ ਨੁਕਸਾਨ ਭਾਰੀ ਪੈ ਸਕਦਾ ਹੈ ਕਿਉਂਕਿ ਉਹ ਬੈਂਗਲੁਰੂ, ਦਿੱਲੀ ਅਤੇ ਰਾਜਸਥਾਨ ਵਰਗੀਆਂ ਟੀਮਾਂ ਦੇ ਬਰਾਬਰ ਪਹੁੰਚਣ ਤੋਂ ਖੁੰਝ ਜਾਵੇਗੀ।
ਹੁਣ ਸਾਰੀਆਂ ਨਜ਼ਰਾਂ ਗੁਹਾਟੀ ਦੇ ਮੌਸਮ 'ਤੇ ਟਿਕੀਆਂ ਹੋਈਆਂ ਹਨ ਕਿ ਕੀ ਸ਼ਾਮ ਨੂੰ ਖਿਡਾਰੀ ਮੈਦਾਨ 'ਤੇ ਉਤਰ ਸਕਣਗੇ ਜਾਂ ਤੂਫ਼ਾਨ ਖੇਡ ਦਾ ਮਜ਼ਾ ਕਿਰਕਿਰਾ ਕਰ ਦੇਵੇਗਾ।
ਇਹ ਵੀ ਪੜ੍ਹੋ- IPL 2026 ਵਿਚਾਲੇ ਚੈਂਪੀਅਨ ਟੀਮ ਨੂੰ ਵੱਡਾ ਝਟਕਾ! ਅਚਾਨਕ ਟੀਮ ਨੂੰ ਅਧਵਾਟੇ ਛੱਡ ਗਿਆ ਕਪਤਾਨ
IPL 2026: ਕੀ ਰਾਜਸਥਾਨ ਖਿਲਾਫ ਸੂਰਿਆਕੁਮਾਰਵ ਯਾਦਵ ਦੀ ਫਾਰਮ ਜਾਰੀ ਰਹੇਗੀ? ਦੇਖੋ ਅੰਕੜੇ
NEXT STORY 
