ਬੈਂਗਲੁਰੂ— ਦੱਖਣੀ ਅਫਰੀਕਾ ਨੇ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਮੇਜ਼ਬਾਨ ਭਾਰਤ ਨੂੰ ਸਸਤੇ ਵਿਚ ਰੋਕਣ ਤੋਂ ਬਾਅਦ ਕਪਤਾਨ ਕਵਿੰਟਨ ਡੀ ਕੌਕ (ਅਜੇਤੂ 79) ਤੇ ਤੇਂਬਾ ਬਾਵੂਮਾ (ਅਜੇਤੂ 27) ਦੀ ਸ਼ਾਦਨਾਰ ਬੱਲੇਬਾਜ਼ੀ ਦੀ ਬਦੌਲਤ ਤੀਜੇ ਤੇ ਆਖਰੀ ਟੀ-20 ਨੂੰ 9 ਵਿਕਟਾਂ ਨਾਲ ਜਿੱਤ ਕੇ 3 ਮੈਚਾਂ ਦੀ ਸੀਰੀਜ਼ 1-1 ਨਾਲ ਬਰਾਬਰ ਕਰਵਾ ਲਈ। ਜ਼ਿਕਰਯੋਗ ਹੈ ਕਿ ਧਰਮਸ਼ਾਲਾ ਵਿਚ ਪਹਿਲਾ ਟੀ-20 ਮੀਂਹ ਕਾਰਨ ਰੱਦ ਹੋ ਗਿਆ ਸੀ ਤੇ ਦੂਜਾ ਮੈਚ ਮੇਜ਼ਬਾਨ ਭਾਰਤ ਨੇ ਜਿੱਤ ਕੇ ਲੜੀ ਵਿਚ 1-0 ਦੀ ਬੜ੍ਹਤ ਬਣਾ ਲਈ ਸੀ ਪਰ ਬੈਂਗਲੁਰੂ ਦੇ ਚਿੰਨਾਸਵਾਮੀ ਸਟੇਡੀਅਮ ਵਿਚ ਮਹਿਮਾਨ ਟੀਮ ਨੇ ਟਾਸ ਹਾਰ ਜਾਣ ਤੋਂ ਬਾਅਦ ਭਾਰਤ ਨੂੰ 9 ਵਿਕਟਾਂ 'ਤੇ 134 ਦੌੜਾਂ ਦੇ ਘੱਟ ਸਕੋਰ 'ਤੇ ਹੀ ਰੋਕ ਦਿੱਤਾ ਤੇ ਫਿਰ ਜਿੱਤ ਲਈ ਮਿਲੇ 135 ਦੌੜਾਂ ਦੇ ਟੀਚੇ ਨੂੰ 16.5 ਓਵਰਾਂ ਵਿਚ 1 ਵਿਕਟ 'ਤੇ 140 ਦੌੜਾਂ ਬਣਾ ਕੇ ਆਸਾਨੀ ਨਾਲ ਹਾਸਲ ਕਰ ਕੇ ਸੀਰੀਜ਼ ਬਰਾਬਰ ਕਰਵਾ ਲਈ। ਦੱਖਣੀ ਅਫਰੀਕਾ ਵਲੋਂ ਓਪਨਰ ਰੀਜਾ ਹੈਂਡ੍ਰਿਕਸ ਨੇ ਵੀ 28 ਦੌੜਾਂ ਦਾ ਯੋਗਦਾਨ ਦਿੱਤਾ।
ਇਸ ਤੋਂ ਪਹਿਲਾਂ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਲਈ ਉਤਰੇ ਭਾਰਤ ਦੇ ਕਿਸੇ ਵੀ ਬੱਲੇਬਾਜ਼ ਨੇ ਟਿਕ ਕੇ ਖੇਡਣ ਦੀ ਕੋਸ਼ਿਸ਼ ਨਹੀਂ ਕੀਤੀ। ਸਲਾਮੀ ਬੱਲੇਬਾਜ਼ ਸ਼ਿਖਰ ਧਵਨ (25 ਗੇਂਦਾਂ 'ਤੇ 36 ਦੌੜਾਂ) ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਉਸ ਤੋਂ ਇਲਾਵਾ ਤਿੰਨ ਹੋਰ ਬੱਲੇਬਾਜ਼ ਹੀ ਦੋਹਰੇ ਅੰਕ ਵਿਚ ਪਹੁੰਚ ਸਕੇ। ਬਿਊਰਨ ਹੈਂਡ੍ਰਿਕਸ (14 ਦੌੜਾਂ 'ਤੇ 2 ਵਿਕਟਾਂ), ਬਿਊਰਨ ਫੋਰਟੁਈਨ (39 ਦੌੜਾਂ 'ਤੇ 3 ਵਿਕਟਾਂ) ਨੇ ਭਾਰਤ ਨੂੰ ਸਭ ਤੋਂ ਵੱਧ ਨੁਕਸਾਨ ਪਹੁੰਚਾਇਆ, ਜਦਕਿ ਤਬਰੇਜ਼ ਸ਼ਮਸੀ (23 ਦੌੜਾਂ 'ਤੇ 1 ਵਿਕਟ) ਨੇ ਸ਼ੁਰੂ ਵਿਚ ਦੌੜਾਂ ਗੁਆਉਣ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕੀਤੀ। ਭਾਰਤ ਨੇ ਪਹਿਲੇ 10 ਓਵਰਾਂ ਵਿਚ ਹੀ ਆਪਣੇ ਤਿੰਨ ਸਰਵਸ੍ਰੇਸ਼ਠ ਬੱਲੇਬਾਜ਼ਾਂ ਰੋਹਿਤ ਸ਼ਰਮਾ (8 ਗੇਂਦਾਂ 'ਤੇ 9 ਦੌੜਾਂ), ਧਵਨ ਤੇ ਕਪਤਾਨ ਵਿਰਾਟ ਕੋਹਲੀ (15 ਗੇਂਦਾਂ 'ਤੇ 9 ਦੌੜਾਂ) ਦੀਆਂ ਵਿਕਟਾਂ ਗੁਆ ਦਿੱਤੀਆਂ।
ਐਂਡਿਲੇ ਫੇਲਕਵਾਓ 'ਤੇ 2 ਸ਼ਾਨਦਾਰ ਚੌਕੇ ਤੇ ਤਬਰੇਜ਼ ਸ਼ਮਸੀ 'ਤੇ ਦਿਲਖਿੱਚਵਾਂ ਛੱਕਾ ਧਵਨ ਦੀ ਪਾਰੀ ਦਾ ਖਿੱਚ ਦਾ ਕੇਂਦਰ ਰਿਹਾ। ਰੋਹਿਤ ਦੇ ਤੀਜੇ ਓਵਰ ਵਿਚ ਬਿਊਰਨ ਹੈਂਡ੍ਰਿਕਸ ਦੀ ਗੇਂਦ 'ਤੇ ਸਲਿੱਪ ਵਿਚ ਕੈਚ ਦੇਣ ਤੋਂ ਬਾਅਦ ਧਵਨ ਦੌੜਾਂ ਬਣਾਉਣ ਦੀ ਜ਼ਿੰਮੇਵਾਰੀ ਬਾਖੂਬੀ ਨਿਭਾ ਰਿਹਾ ਸੀ ਪਰ ਸ਼ਮਸੀ 'ਤੇ ਇਕ ਹੋਰ ਛੱਕਾ ਲਾਉਣ ਦੀ ਕੋਸ਼ਿਸ਼ ਵਿਚ ਉਹ ਗੇਂਦ ਹਵਾ ਵਿਚ ਲਹਿਰਾ ਗਿਆ ਤੇ ਮਿਡਵਿਕਟ 'ਤੇ ਕੈਚ ਹੋ ਗਿਆ। ਉਸ ਨੇ ਆਪਣੀ ਪਾਰੀ ਵਿਚ 4 ਚੌਕੇ ਤੇ 2 ਛੱਕੇ ਲਾਏ। ਕੋਹਲੀ ਨੇ ਪਾਰੀ ਦੀ ਸ਼ੁਰੂਆਤ ਉਮੀਦਾਂ ਅਨੁਸਾਰ ਨਹੀਂ ਕੀਤੀ। ਉਹ ਦੌੜਾਂ ਬਣਾਉਣ ਲਈ ਜੂਝਦਾ ਨਜ਼ਰ ਆਇਆ। ਕੈਗਿਸੋ ਰਬਾਡਾ 'ਤੇ ਹਾਵੀ ਹੋਣ ਦੀ ਕੋਸ਼ਿਸ਼ ਵਿਚ ਉਸ ਨੇ ਗੇਂਦ ਮਿਡਵਿਕਟ ਬਾਊਂਡਰੀ ਵੱਲ ਉਛਾਲ ਦਿੱਤੀ ਪਰ ਫੇਲਕਵਾਓ ਨੇ ਉਥੇ ਉਸ ਨੂੰ ਬਹੁਤ ਹੀ ਖੂਬਸੂਰਤੀ ਨਾਲ ਕੈਚ 'ਚ ਬਦਲ ਦਿੱਤਾ।
ਵਿਕਟਾਂ ਡਿਗਣ ਦਾ ਸਿਲਸਿਲਾ ਇਸ ਤੋਂ ਬਾਅਦ ਵੀ ਜਾਰੀ ਰਿਹਾ। ਖਰਾਬ ਫਾਰਮ ਵਿਚ ਚੱਲ ਰਹੇ ਰਿਸ਼ਭ ਪੰਤ (20 ਗੇਂਦਾਂ 'ਤੇ 19 ਦੌੜਾਂ) ਨੇ ਫਿਰ ਤੋਂ ਆਪਣੀ ਗਲਤੀ ਨਾਲ ਵਿਕਟ ਗੁਆਈ। ਉਹ ਫੋਰਟੁਈਨ ਦੀ ਚਾਲ ਵਿਚ ਫਸ ਗਿਆ ਤੇ ਲੌਂਗ ਆਫ 'ਤੇ ਆਸਾਨ ਕੈਚ ਦੇ ਬੈਠਾ। ਇਸੇ ਓਵਰ ਵਿਚ ਸ਼੍ਰੇਅਸ ਅਈਅਰ (8 ਗੇਂਦਾਂ 'ਤੇ 5 ਦੌੜਾਂ) ਦੇ ਆਊਟ ਹੋਣ ਨਾਲ ਸਕੋਰ 5 ਵਿਕਟਾਂ 'ਤੇ 92 ਦੌੜਾਂ ਹੋ ਗਿਆ। ਹੁਣ ਪੰਡਯਾ ਭਰਾਵਾਂ 'ਤੇ ਦਾਰੋਮਦਾਰ ਸੀ ਪਰ ਕਰੁਣਾਲ ਤੀਹਰੇ ਅੰਕ ਵਿਚ ਪਹੁੰਚਣ ਤੋਂ ਪਹਿਲਾਂ ਹੀ ਪੈਵੇਲੀਅਨ ਪਰਤ ਗਿਆ। ਹਾਰਦਿਕ (18 ਗੇਂਦਾਂ 'ਤੇ 14 ਦੌੜਾਂ) ਆਪਣੀ ਪੂਰੀ ਪਾਰੀ ਦੌਰਾਨ ਦੌੜਾਂ ਬਣਾਉਣ ਲਈ ਜੂਝਦਾ ਰਿਹਾ। ਰਵਿੰਦਰ ਜਡੇਜਾ (17 ਗੇਂਦਾਂ 'ਤੇ 19 ਦੌੜਾਂ) ਨੇ ਰਬਾਡਾ 'ਤੇ ਛੱਕਾ ਲਾ ਕੇ ਉਮੀਦ ਜਗਾਈ ਸੀ ਪਰ ਆਖਰੀ ਓਵਰ ਵਿਚ 3 ਵਿਕਟਾਂ ਡਿੱਗਣ ਨਾਲ ਭਾਰਤ 140 ਦੌੜਾਂ ਤਕ ਵੀ ਨਹੀਂ ਪਹੁੰਚ ਸਕਿਆ।
ਤੀਜੇ ਟੀ20 ਤੋਂ ਪਹਿਲਾ ਦੱ. ਅਫਰੀਕਾ ਦੇ ਇਸ ਖਿਡਾਰੀ ਨੇ ਟੀਮ ਇੰਡੀਆ ਬਾਰੇ ਦਿੱਤਾ ਇਹ ਵੱਡਾ ਬਿਆਨ
NEXT STORY