ਨਵੀਂ ਦਿੱਲੀ — ਭਾਰਤ ਦੀ ਜੁਬੀ ਜੋਸ ਨੇ ਅਮਰੀਕਾ ਦੇ ਕਲੀਵਲੈਂਡ ਦੇ ਜਾਰਜ ਫਿਨੀ ਐਥਲੈਟਿਕ ਸਟੇਡੀਅਮ 'ਚ ਸਮਾਪਤ ਹੋਈਆਂ ਪੈਨ ਅਮਰੀਕਨ ਮਾਸਟਰਸ ਖੇਡਾਂ 'ਚ ਔਰਤਾਂ ਦੇ 100 ਮੀਟਰ ਮੁਕਾਬਲੇ 'ਚ ਚਾਂਦੀ ਸਮੇਤ ਤਿੰਨ ਤਗਮੇ ਜਿੱਤੇ। ਕੇਰਲ ਦੇ ਪਲੱਕੜ ਦੀ ਰਹਿਣ ਵਾਲੀ 42 ਸਾਲਾ ਜੁਬੀ ਨੇ 40-44 ਸਾਲ ਵਰਗ ਵਿੱਚ 100 ਮੀਟਰ ਦੌੜ ਵਿੱਚ 15.02 ਸਕਿੰਟ ਦੇ ਸਮੇਂ ਨਾਲ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਉਹ ਵੈਨੇਜ਼ੁਏਲਾ ਦੀ ਜਿਓਰੇਲਿਸ ਪਿਨੇਰੋ ਬ੍ਰੇਟੋ (14.56 ਸਕਿੰਟ) ਤੋਂ ਪਿੱਛੇ ਰਹੀ।
ਜੋਸ, ਜੋ ਕਿ ਦੋ ਬੱਚਿਆਂ ਦੀ ਮਾਂ ਹੈ ਅਤੇ ਪੇਸ਼ੇ ਤੋਂ ਦੰਦਾਂ ਦੀ ਡਾਕਟਰ ਹੈ, ਨੇ ਵੀ 40-44 ਵਰਗ ਵਿੱਚ 200 ਮੀਟਰ ਅਤੇ 400 ਮੀਟਰ ਦੌੜ ਦੇ ਮੁਕਾਬਲਿਆਂ ਵਿੱਚ ਕਾਂਸੀ ਦੇ ਤਗਮੇ ਜਿੱਤੇ। ਇਸ ਨਾਲ ਉਹ ਇਨ੍ਹਾਂ ਖੇਡਾਂ ਵਿੱਚ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਅਜਿਹਾ ਕਾਰਨਾਮਾ ਕਰਨ ਵਾਲੀ ਇਕਲੌਤੀ ਭਾਰਤੀ ਅਥਲੀਟ ਬਣ ਗਈ। ਪੈਨ ਅਮਰੀਕਨ ਮਾਸਟਰਸ ਖੇਡਾਂ ਵਿੱਚ 48 ਦੇਸ਼ਾਂ ਦੇ ਖਿਡਾਰੀਆਂ ਨੇ ਭਾਗ ਲਿਆ ਜੋ ਕਿ 35 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਖਿਡਾਰੀਆਂ ਲਈ ਆਯੋਜਿਤ ਕੀਤੀਆਂ ਜਾਂਦੀਆਂ ਹਨ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਨੀਤਾ ਅੰਬਾਨੀ ਮੁੜ ਚੁਣੀ ਗਈ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਦੀ ਮੈਂਬਰ
NEXT STORY 
