ਦੇਹਰਾਦੂਨ- ਓਲੰਪੀਅਨ ਅਨੀਸ਼ ਭਾਨਵਾਲਾ, ਸਿਫਤ ਕੌਰ ਸਮਰਾ ਅਤੇ ਜੂਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ਤਗਮਾ ਜੇਤੂ ਉਮਾਮਹੇਸ਼ ਮੇਦਿਨੀ ਨੇ ਕ੍ਰਮਵਾਰ ਪੁਰਸ਼ਾਂ ਦੇ 25 ਮੀਟਰ ਰੈਪਿਡ ਫਾਇਰ, ਮਹਿਲਾਵਾਂ ਦੇ 50 ਮੀਟਰ ਰਾਈਫਲ ਥ੍ਰੀ ਪੋਜੀਸ਼ਨ ਅਤੇ 10 ਮੀਟਰ ਏਅਰ ਰਾਈਫਲ ਵਿੱਚ 'ਗਰੁੱਪ ਏ' ਖਿਡਾਰੀਆਂ ਲਈ ਰਾਸ਼ਟਰੀ ਚੋਣ ਟ੍ਰਾਇਲ ਜਿੱਤੇ। ਇਹ ਟ੍ਰਾਇਲ ਮਹਾਰਾਣਾ ਪ੍ਰਤਾਪ ਸਪੋਰਟਸ ਕਾਲਜ ਵਿਖੇ ਤ੍ਰਿਸ਼ੂਲ ਸ਼ੂਟਿੰਗ ਰੇਂਜ ਵਿਖੇ ਆਯੋਜਿਤ ਕੀਤੇ ਗਏ ਸਨ।
ਅਨੀਸ਼ ਨੇ ਫਾਈਨਲ ਵਿੱਚ 33 ਅੰਕ ਬਣਾਏ ਜਦੋਂ ਕਿ ਆਦਰਸ਼ ਸਿੰਘ ਉਨ੍ਹਾਂ ਤੋਂ ਚਾਰ ਅੰਕ ਪਿੱਛੇ ਦੂਜੇ ਸਥਾਨ 'ਤੇ ਰਹੇ। ਨੇਵੀ ਦੇ ਪ੍ਰਦੀਪ ਸਿੰਘ ਸ਼ੇਖਾਵਤ 23 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਹੇ। ਇਸ ਤੋਂ ਪਹਿਲਾਂ, ਅਨੀਸ਼ ਨੇ ਕੁਆਲੀਫਿਕੇਸ਼ਨ ਦੇ ਦੂਜੇ ਪੜਾਅ ਵਿੱਚ 289 ਅੰਕ ਬਣਾਏ ਸਨ ਜਦੋਂ ਕਿ ਪਹਿਲੇ ਪੜਾਅ ਵਿੱਚ ਉਨ੍ਹਾਂ ਦਾ ਸਕੋਰ 293 ਸੀ। ਉਨ੍ਹਾਂ ਨੇ ਕੁੱਲ 582 ਅੰਕਾਂ ਨਾਲ ਫਾਈਨਲ ਵਿੱਚ ਜਗ੍ਹਾ ਬਣਾਈ। ਪ੍ਰਦੀਪ 581 (290 ਅਤੇ 291) ਦੇ ਸਕੋਰ ਨਾਲ ਦੂਜੇ ਸਥਾਨ 'ਤੇ ਰਹੇ ਅਤੇ ਗੁਰਮੀਤ ਸਿੰਘ ਤੀਜੇ ਸਥਾਨ 'ਤੇ ਰਹੇ। ਹਰਸਿਮਰਨ ਸਿੰਘ ਰੱਤਾ, ਨੀਰਜ ਕੁਮਾਰ ਅਤੇ ਆਦਰਸ਼ ਸਿੰਘ ਚੌਥੇ, ਪੰਜਵੇਂ ਅਤੇ ਛੇਵੇਂ ਸਥਾਨ 'ਤੇ ਰਹੇ।
ਹਾਲ ਹੀ ਵਿੱਚ ਮਿਊਨਿਖ ਵਿੱਚ ਹੋਏ ISSF ਵਿਸ਼ਵ ਕੱਪ ਵਿੱਚ ਕਾਂਸੀ ਦਾ ਤਗਮਾ ਜਿੱਤਣ ਵਾਲੀ ਸਿਫਤ ਕੌਰ ਸਮਰਾ ਨੇ 467.3 ਅੰਕਾਂ ਨਾਲ ਮਹਿਲਾ 50 ਮੀਟਰ 3 ਪੁਜੀਸ਼ਨ ਫਾਈਨਲ ਵਿੱਚ ਸਿਖਰਲਾ ਸਥਾਨ ਪ੍ਰਾਪਤ ਕੀਤਾ। ਆਕ੍ਰਿਤੀ ਦਹੀਆ 456.9 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਰਹੀ। ਆਸ਼ੀ ਚੋਕਸੀ 443.9 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਹੀ।
ਪੁਰਸ਼ਾਂ ਦੇ 10 ਮੀਟਰ ਏਅਰ ਰਾਈਫਲ ਮੁਕਾਬਲੇ ਦੇ ਫਾਈਨਲ ਵਿੱਚ, ਉਮਾਮਹੇਸ਼ ਨੇ ਬਿਊਨਸ ਆਇਰਸ ਵਿਸ਼ਵ ਕੱਪ ਦੇ ਸੋਨ ਤਗਮਾ ਜੇਤੂ ਰੁਦਰਾਕਸ਼ ਪਾਟਿਲ ਨੂੰ ਹਰਾਇਆ। ਉਮਾਮਹੇਸ਼ ਨੇ 252.2 ਅੰਕ ਪ੍ਰਾਪਤ ਕੀਤੇ ਜਦੋਂ ਕਿ ਪਾਟਿਲ ਨੇ 251.5 ਅੰਕ ਪ੍ਰਾਪਤ ਕੀਤੇ। ਦਿਵਯਾਂਸ਼ ਪੰਵਾਰ 230.1 ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਰਿਹਾ। ਇਹ ਟ੍ਰਾਇਲ ਅਗਸਤ ਵਿੱਚ ਕਜ਼ਾਕਿਸਤਾਨ ਵਿੱਚ ਹੋਣ ਵਾਲੀ 16ਵੀਂ ਏਸ਼ੀਅਨ ਸ਼ੂਟਿੰਗ ਚੈਂਪੀਅਨਸ਼ਿਪ ਅਤੇ ਸਤੰਬਰ ਵਿੱਚ ਚੀਨ ਦੇ ਨਿੰਗਬੋ ਵਿੱਚ ਹੋਣ ਵਾਲੇ ISSF ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਦੀ ਚੋਣ ਲਈ ਮਹੱਤਵਪੂਰਨ ਹਨ।
ਬਿਕਰਮ ਮਜੀਠੀਆ ਦੇ ਘਰ ਵਿਜੀਲੈਂਸ ਦੀ Raid ਤੇ ਕੇਜਰੀਵਾਲ ਦਾ ਵੱਡਾ ਬਿਆਨ, ਅੱਜ ਦੀਆਂ ਟੌਪ-10 ਖਬਰਾਂ
NEXT STORY 
