ਸਪੋਰਟਸ ਡੈਸਕ- ਭਾਰਤ ਨੇ ਵੀਰਵਾਰ ਨੂੰ ਇਥੇ ਦੂਸਰੀ ਏਸ਼ੀਆਈ ਸਕੁਐੈਸ਼ ਡਬਲ ਚੈਂਪੀਅਨਸ਼ਿਪ ’ਚ ਪੁਰਸ਼, ਮਹਿਲਾ ਅਤੇ ਮਿਕਸਡ ਮੁਕਾਬਲਿਆਂ ਦੇ ਸਾਰੇ ਤਿੰਨੋਂ ਖਿਤਾਬ ਜਿੱਤ ਕੇ ਸ਼ਾਨਦਾਰ ਉਪਲੱਬਧੀ ਹਾਸਲ ਕਰ ਲਈ ਹੈ। ਅਭੇ ਸਿੰਘ ਅਤੇ ਵੇਲਾਵਨ ਸੇਂਥਿਆਕੁਮਾਰ ਦੀ ਚੋਟੀ ਦਾ ਦਰਜਾ ਪ੍ਰਾਪਤ ਜੋੜੀ ਨੇ ਪਾਕਿਸਤਾਨ ਦੇ ਵਿਰੋਧੀ ਨੂਰ ਜਮਾਂ ਅਤੇ ਨਾਸਿਰ ਇਕਬਾਲ ਦੀ ਜੋੜੀ ਖਿਲਾਫ ਪਹਿਲਾ ਸੈੱਟ ਗੁਆ ਦਿੱਤਾ ਪਰ ਵਾਪਸੀ ਕਰਦਿਆਂ 88 ਮਿੰਟ ’ਚ 2-1 (9-11, 11-5, 11-5) ਨਾਲ ਜਿੱਤ ਦਰਜ ਕੀਤੀ।
ਇਸ ਭਾਰਤੀ ਜੋੜੀ ਨੇ ਸੈਮੀਫਾਈਨਲ ’ਚ ਹਾਂਗਕਾਂਗ ਦੇ ਚੀ ਹਿਮ ਵੋਂਗ ਅਤੇ ਮਿੰਗ ਹੋਂਗ ਟਾਂਗ ਦੀ ਜੋੜੀ ਨੂੰ ਹਰਾ ਕੇ ਫਾਈਨਲ ’ਚ ਪ੍ਰਵੇਸ਼ ਕਰ ਲਿਆ ਸੀ। ਇਸ ਤੋਂ ਬਾਅਦ ਮਹਿਲਾ ਡਬਲ ਫਾਈਨਲ ’ਚ ਜੋਸ਼ਨਾ ਚਿਨੱਪਾ ਅਤੇ ਅਨਾਹਤ ਸਿੰਘ ਦੀ ਜੋੜੀ ਨੇ ਵੀ 1 ਸੈੱਟ ਨਾਲ ਪਛਾੜਨ ਤੋਂ ਬਾਅਦ ਵਾਪਸੀ ਕੀਤੀ ਅਤੇ ਮਲੇਸ਼ੀਆ ਦੀ ਆਈਨਾ ਅਮਾਨੀ ਅਤੇ ਜਿਨ ਯਿੰਗ ਯੀ ’ਤੇ 35 ਮਿੰਟ ਤੱਕ ਚੱਲੇ ਫਾਈਨਲ ’ਚ 2-1 (8-11, 11-9, 11-10) ਨਾਲ ਜਿੱਤ ਹਾਸਲ ਕੀਤੀ।
ਇਹ ਵੀ ਪੜ੍ਹੋ- 'ਜੈ ਹਿੰਦ, ਜੈ ਭਾਰਤ !', ISS ਪਹੁੰਚਦਿਆਂ ਹੀ ਸ਼ੁਭਾਂਸ਼ੂ ਨੇ ਦੇਸ਼ ਵਾਸੀਆਂ ਦੇ ਨਾਂ ਹਿੰਦੀ 'ਚ ਭੇਜਿਆ 'ਖ਼ਾਸ' ਸੰਦੇਸ਼
ਉੱਥੇ ਹੀ ਮਿਕਸਡ ਡਬਲ ਫਾਈਨਲ ’ਚ ਅਭੇ ਅਤੇ ਅਨਾਹਟ ਦੀ ਟਾਪ ਦਰਜਾ ਪ੍ਰਾਪਤ ਜੋੜੀ ਨੇ ਮਲੇਸ਼ੀਆ ਦੇ ਰਾਸ਼ੇਲ ਅਨਾਰਲਡ ਅਤੇ ਅਮਨਸ਼ੇਨਰਾਜ ਚੰਦਾਰਨ ਨੂੰ 28 ਮਿੰਟ ’ਚ 2-0 (11-9, 11-7) ਨਾਲ ਹਰਾ ਕੇ ਭਾਰਤ ਨੂੰ ਕਲੀਨ ਸਵੀਪ ਕਰਨ ’ਚ ਮਦਦ ਕੀਤੀ। ਇਸ ਪ੍ਰਕਿਰਿਆ ’ਚ ਅਭੇ ਅਤੇ ਅਨਾਹਤ ਨੇ ਚੈਂਪੀਅਨਸ਼ਿਪ ’ਚ ਆਪਣਾ ਦੂਸਰਾ ਖਿਤਾਬ ਹਾਸਲ ਕੀਤਾ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
20 ਸਾਲ ਬਾਅਦ ਭਾਰਤ 'ਚ ਵਾਪਸੀ! CWG 2030 ਦੀ ਰੇਸ 'ਚ ਸਭ ਤੋਂ ਅੱਗੇ ਇਹ ਸ਼ਹਿਰ
NEXT STORY 
