ਸਿਡਨੀ (ਭਾਸ਼ਾ) : ਬੱਲੇਬਾਜ ਸਟੀਵਨ ਸਮਿਥ (104) ਦੇ ਲਗਾਤਾਰ ਦੂਜੇ ਤੂਫਾਨੀ ਸੈਂਕੜੇ ਅਤੇ ਸਲਾਮੀ ਬੱਲੇਬਾਜ਼ਾਂ ਡੈਵਿਡ ਵਾਰਨਰ (83), ਆਰੋਨ ਫਿੰਚ (60) , ਮਾਰਨਸ ਲਾਬੁਸ਼ੇਨ (70) ਅਤੇ ਗਲੇਨ ਮੈਕਸਵੇਲ (ਨਾਬਾਦ 63) ਦੇ ਅਰਧ ਸੈਂਕੜਿਆਂ ਨਾਲ ਆਸਟਰੇਲੀਆ ਨੇ ਭਾਰਤ ਖ਼ਿਲਾਫ਼ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਦੂਜੇ ਵਨਡੇ ਵਿਚ ਐਤਵਾਰ ਨੂੰ 50 ਓਵਰ ਵਿਚ 4 ਵਿਕਟ 'ਤੇ 389 ਦੌੜਾਂ ਬਣਾ ਕੇ ਭਾਰਤ ਨੂੰ 390 ਦੌੜਾਂ ਦਾ ਟੀਚਾ ਦਿੱਤਾ ਹੈ। ਟੀਚੇ ਦਾ ਪਿੱਛਾ ਕਰਨ ਮੈਦਾਨ 'ਤੇ ਉਤਰੀ ਭਾਰਤੀ ਟੀਮ ਦੀ ਸ਼ੁਰੂਆਤ ਖ਼ਰਾਬ ਰਹੀ ਤੇ ਉਸ ਨੇ 225 ਦੌੜਾਂ 'ਤੇ 4 ਵਿਕਟਾਂ ਗੁਆ ਦਿੱਤੀਆਂ ਹਨ। ਭਾਰਤ ਨੂੰ ਪਹਿਲਾ ਝਟਕਾ ਉਦੋਂ ਲੱਗਾ ਜਦੋਂ ਸ਼ਿਖਰ ਧਵਨ 30 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਹੇਜ਼ਲਵੁੱਡ ਦੀ ਗੇਂਦ 'ਤੇ ਸਟਾਰਕ ਨੂੰ ਕੈਚ ਦੇ ਬੈਠੇ ਤੇ ਆਊਟ ਹੋ ਗਏ। ਭਾਰਤ ਨੂੰ ਦੂਜਾ ਝਟਕਾ ਉਦੋਂ ਲੱਗਾ ਜਦੋਂ ਮਯੰਕ ਅਗਰਵਾਲ 28 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਆਊਟ ਹੋ ਗਏ। ਇਸ ਤੋਂ ਬਾਅਦ ਸ਼੍ਰੇਅਸ ਅਈਅਰ 38 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਹੈਨਰਿਕ ਦੀ ਗੇਂਦ 'ਤੇ ਸਟੀਵ ਸਮਿਥ ਦਾ ਸ਼ਿਕਾਰ ਬਣੇ। ਵਿਰਾਟ ਕੋਹਲੀ ਨੇ ਸਭ ਤੋਂ ਵੱਧ 89 ਦੌੜਾਂ ਬਣਾਈਆਂ ਪਰ ਉਹ ਵੀ ਹੇਜ਼ਲਵੁੱਡ ਦੀ ਗੇਂਦ 'ਤੇ ਹੈਨਰਿਕ ਨੂੰ ਕੈਚ ਦੇ ਗਏ ਤੇ ਪਵੇਲੀਅਨ ਪਰਤ ਗਏ। ਇਸ ਤੋਂ ਬਾਅਦ ਕੇ. ਐੱਲ. ਰਾਹੁਲ 76 ਦੌੜਾਂ ਦੇ ਨਿੱਜੀ ਸਕੋਰ 'ਤੇ ਜ਼ਾਂਪਾ ਦੀ ਗੇਂਦ 'ਤੇ ਹੇਜ਼ਲਵੁੱਡ ਦਾ ਸ਼ਿਕਾਰ ਬਣੇ। ਰਵਿੰਦਰ ਜਡੇਜਾ ਨਿੱਜੀ 24 ਦੌੜਾਂ ਤੇ ਹਾਰਦਿਕ ਪੰਡਯਾ ਵੀ ਨਿੱਜੀ 28 ਦੌੜਾਂ ਬਣਾਕੇ ਆਊਟ ਹੋਏ । ਆਸਟਰੇਲੀਆ ਨੇ ਇਹ ਮੈਚ 51 ਦੌੜਾਂ ਨਾਲ ਜਿੱਤ ਲਿਆ ਹੈ।
ਇਸ ਤੋਂ ਪਹਿਲਾਂ ਸਮਿਥ ਨੇ ਭਾਰਤ ਖ਼ਿਲਾਫ਼ ਆਪਣਾ ਸਭ ਤੋਂ ਉੱਤਮ ਪ੍ਰਦਰਸ਼ਨ ਕਰਣ ਦਾ ਸਿਲਸਿਲਾ ਇਸ ਮੈਚ ਵਿਚ ਵੀ ਬਰਕਰਾਰ ਰੱਖਿਆ ਅਤੇ ਸਿਰਫ਼ 64 ਗੇਂਦਾਂ ਵਿਚ 14 ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ 104 ਦੌੜਾਂ ਦੀ ਚੰਗੀ ਪਾਰੀ ਖੇਡੀ। ਉਨ੍ਹਾਂ ਨੇ 62 ਗੇਂਦਾਂ ਵਿਚ ਆਪਣਾ ਸੈਂਕੜਾ ਪੂਰਾ ਕੀਤਾ। ਸਮਿਥ ਦਾ ਇਹ 11 ਵਾਂ ਵਨਡੇ ਸੈਂਕੜਾ ਸੀ, ਜਿਸ ਵਿਚੋਂ 5 ਤਾਂ ਭਾਰਤ ਖ਼ਿਲਾਫ਼ ਬਣੇ ਹਨ ਅਤੇ ਇਨ੍ਹਾਂ 5 ਵਿਚੋਂ 2 ਸੈਂਕੜੇ ਇਸ ਸੀਰੀਜ ਵਿਚ ਬਣੇ ਹਨ। ਸਮਿਥ ਨੇ ਪਹਿਲੇ ਵਨਡੇ ਵਿਚ 105 ਦੌੜਾਂ ਬਣਾਈਆਂ ਸਨ।
ਪਲੇਇੰਗ ਇਲੈਵਨ
ਆਸਟਰੇਲੀਆ : ਆਰੋਨ ਫਿੰਚ (ਕਪਤਾਨ), ਡੈਵਿਡ ਵਾਰਨਰ, ਸਟੀਵ ਸਮਿਥ, ਮਾਰਨਸ ਲੇਬੁਸਚਗਨੇ, ਗਲੇਨ ਮੈਕਸਵੇਲ, ਐਲੇਕਸ ਕੇਰੀ (ਵਿਕਟਕੀਪਰ), ਪੈਟ ਕਮਿੰਸ, ਮਿਸ਼ੇਲ ਸਟਾਰਕ, ਏਡਮ ਜੰਮਾ, ਜੋਸ਼ ਹੇਜਲਵੁਡ, ਮਿਸ਼ੇਲ ਸਟਾਰਕ।
ਭਾਰਤ : ਸ਼ਿਖਰ ਧਵਨ, ਮਯੰਕ ਅਗਰਵਾਲ, ਵਿਰਾਟ ਕੋਹਲੀ (ਕਪਤਾਨ), ਸ਼੍ਰੇਅਸ ਅਈਅਰ, ਕੇ.ਐਲ. ਰਾਹੁਲ (ਵਿਕਟਕੀਪਰ), ਹਾਰਦਿਕ ਪੰਡਯਾ, ਰਵਿੰਦਰ ਜਡੇਜਾ, ਮੁਹੰਮਦ ਸ਼ਮੀ, ਯੁਜਵੇਂਦਰ ਚਾਹਲ, ਜਸਪ੍ਰੀਤ ਬੁਮਰਾਹ, ਨਵਦੀਪ ਸੈਨੀ।
ਹਾਰਦਿਕ ਦਾ ਸਹੀ ਬਦਲ ਨਹੀਂ ਮਿਲਣ 'ਤੇ ਭਾਰਤੀ ਟੀਮ 'ਚ ਬੈਲੰਸ ਨਹੀਂ ਬਣ ਸਕੇਗਾ : ਗੰਭੀਰ
NEXT STORY 
