ਨਵੀਂ ਦਿੱਲੀ : ਆਈ.ਪੀ.ਐੱਲ. ਸ਼ੁਰੂ ਹੋਣ ਵਿਚ ਹੁਣ ਸਿਰਫ਼ ਇਕ ਦਿਨ ਦਾ ਹੀ ਸਮਾਂ ਬਚਿਆ ਹੈ ਅਤੇ ਖਿਡਾਰੀਆਂ ਸਮੇਤ ਪ੍ਰਸ਼ੰਸਕਾਂ ਦੀ ਬੇਸਬਰੀ ਵੀ ਵੱਧਦੀ ਜਾ ਰਹੀ ਹੈ। ਇਸ ਵਾਰ ਜਿੱਥੇ ਮੈਦਾਨ 'ਤੇ ਐੱਮ.ਐੱਸ. ਧੋਨੀ 'ਤੇ ਹਰ ਕਿਸੇ ਦੀਆਂ ਨਜ਼ਰ ਰਹਿਣਗੀਆਂ, ਉਥੇ ਹੀ ਮੈਦਾਨ ਦੇ ਬਾਹਰ ਐਂਕਰਸ ਬੀਬੀਆਂ ਵੀ ਹੁਣ ਤੋਂ ਹੀ ਸੁਰਖੀਆਂ ਬਟੋਰਨ ਲੱਗੀਆਂ ਹਨ। ਆਈ.ਪੀ.ਐੱਲ. ਦੇ 13ਵੇਂ ਸੀਜ਼ਨ ਵਿਚ ਹਾਲਾਂਕਿ ਭਾਰਤ ਦੀ ਸਭ ਤੋਂ ਮਸ਼ਹੂਰ ਫੀਮੇਲ ਸਪੋਰਟਸ ਐਂਕਰ ਮਯੰਤੀ ਲੈਂਗਰ ਨਜ਼ਰ ਨਹੀਂ ਆਏਗੀ ਪਰ ਇਸ ਵਾਰ ਐਂਕਰਸ ਵਿਚ ਕੁੱਝ ਬਾਲੀਵੁੱਡ ਅਦਾਕਾਰਾ ਜ਼ਰੂਰ ਨਜ਼ਰ ਆਉਣਗੀਆਂ।
ਆਈ.ਪੀ.ਐੱਲ. ਦੇ ਬਰਾਡਕਾਸਟਰ ਸਟਾਰ ਸਪੋਰਟਸ ਨੇ ਇਸ ਵਾਰ ਕੀਰਾ ਨਾਰਾਇਣਨ, ਨਸ਼ਪ੍ਰੀਤ ਕੌਰ, ਤਾਨਿਆ ਪੁਰੋਹਿਤ ਨੂੰ ਆਈ.ਪੀ.ਐੱਲ. ਐਂਕਰਿੰਗ ਲਈ ਮੌਕਾ ਦਿੱਤਾ ਹੈ। ਇਸ ਦੇ ਇਲਾਵਾ ਆਸਟਰੇਲੀਆ ਦੀ ਮਸ਼ਹੂਰ ਪ੍ਰੈਜੇਂਟਰ ਬੀਬੀ ਨੇਰਾਲੀ ਮੀਡੋਜ ਨੂੰ ਆਈ.ਪੀ.ਐੱਲ. 2020 ਲਈ ਸਾਈਨ ਕੀਤਾ ਗਿਆ ਹੈ। ਕੀਰਾ ਨਰਾਇਣਨ ਬਾਲੀਵੁੱਡ ਅਤੇ ਥਿਏਟਰ ਅਦਾਕਰਾ ਹੈ। ਉਨ੍ਹਾਂ ਨੇ ਬਤੌਰ ਸਪੋਰਟਸ ਐਂਕਰ ਵੀ ਆਪਣੀ ਖ਼ਾਸ ਪਛਾਣ ਬਣਾਈ ਹੈ। ਉਥੇ ਹੀ ਤਾਨਿਆ ਪੁਰੋਹਿਤ ਦਾ ਸੰਬੰਧ ਵੀ ਬਾਲੀਵੁੱਡ ਨਾਲ ਹੈ। ਤਾਨਿਆ ਪੁਰੋਹਿਤ ਨੇ ਅਨੁਸ਼ਕਾ ਸ਼ਰਮਾ ਨਾਲ ਨੈਸ਼ਨਲ ਹਾਈਵੇ-10 ਫ਼ਿਲਮ ਵਿਚ ਕੰਮ ਕੀਤਾ ਹੈ। ਨਸ਼ਪ੍ਰੀਤ ਕੌਰ ਸਟਾਰ ਸਪੋਰਟਸ ਦੀ ਐਂਕਰ ਹੋਣ ਦੇ ਨਾਲ- ਨਾਲ ਹੀ ਇਕ ਮਾਡਲ ਵੀ ਹੈ। ਉਥੇ ਹੀ ਸਟਾਰ ਸਪੋਰਟਸ ਦਾ ਪੁਰਾਣਾ ਚਿਹਰਾ ਸੰਜਨਾ ਗਣੇਸ਼ਨ ਇਕ ਵਾਰ ਆਈ.ਪੀ.ਐੱਲ. ਵਿਚ ਐਂਕਰਿੰਗ ਕਰਦੇ ਹੋਏ ਨਜ਼ਰ ਆਏਗੀ।
ਕੋਰੋਨਾ ਆਫ਼ਤ: IPL 2020 'ਚ ਇਸ ਵਾਰ ਹੋਏ ਇਹ 5 ਵੱਡੇ ਬਦਲਾਅ, ਇਨ੍ਹਾਂ ਚੀਜ਼ਾਂ 'ਤੇ ਲੱਗੀ ਪਾਬੰਦੀ
NEXT STORY 
