ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦੀ ਮਿੰਨੀ ਨਿਲਾਮੀ ਅੱਜ 16 ਦਸੰਬਰ ਨੂੰ UAE ਦੇ ਅਬੂ ਧਾਬੀ ਵਿੱਚ ਹੋਣ ਜਾ ਰਹੀ ਹੈ। ਇਸ ਨਿਲਾਮੀ ਤੋਂ ਪਹਿਲਾਂ, ਸਾਰੀਆਂ 10 ਫ੍ਰੈਂਚਾਇਜ਼ੀਆਂ ਦੀ ਆਰਥਿਕ ਸਥਿਤੀ ਸਾਹਮਣੇ ਆ ਚੁੱਕੀ ਹੈ ਅਤੇ ਤਸਵੀਰ ਕਾਫ਼ੀ ਦਿਲਚਸਪ ਨਜ਼ਰ ਆ ਰਹੀ ਹੈ। ਇਸ ਨਿਲਾਮੀ ਦੌਰਾਨ ਟੀਮਾਂ ਨੂੰ ਆਪਣੀ ਸਕੁਐਡ ਵਿੱਚ ਵੱਧ ਤੋਂ ਵੱਧ 25 ਖਿਡਾਰੀ ਪੂਰੇ ਕਰਨ ਲਈ ਕੁੱਲ 77 ਖਾਲੀ ਸਲੌਟ ਭਰਨੇ ਹਨ। ਸਾਰੀਆਂ ਟੀਮਾਂ ਕੋਲ ਖਰੀਦਦਾਰੀ ਲਈ ਕੁੱਲ ਮਿਲਾ ਕੇ ₹237.55 ਕਰੋੜ ਦੀ ਰਾਸ਼ੀ ਉਪਲਬਧ ਹੈ। ਨਿਲਾਮੀ ਦੀ ਅੰਤਿਮ ਸੂਚੀ ਵਿੱਚ ਕੁੱਲ 350 ਖਿਡਾਰੀਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚੋਂ 77 ਖਿਡਾਰੀਆਂ ਦੀ ਕਿਸਮਤ ਅੱਜ ਚਮਕੇਗੀ।
ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਸਭ ਤੋਂ ਅਮੀਰ
ਤਿੰਨ ਵਾਰ ਦੀ ਚੈਂਪੀਅਨ ਕੋਲਕਾਤਾ ਨਾਈਟ ਰਾਈਡਰਜ਼ (KKR) IPL 2026 ਆਕਸ਼ਨ ਵਿੱਚ ਸਭ ਤੋਂ ਜ਼ਿਆਦਾ ਪਰਸ ਦੇ ਨਾਲ ਉਤਰ ਰਹੀ ਹੈ। KKR ਕੋਲ 64.30 ਕਰੋੜ ਰੁਪਏ ਦੀ ਭਾਰੀ-ਭਰਕਮ ਰਕਮ ਬਚੀ ਹੋਈ ਹੈ। ਟੀਮ ਨੂੰ 13 ਖਿਡਾਰੀ ਖਰੀਦਣੇ ਹਨ, ਜਿਨ੍ਹਾਂ ਵਿੱਚੋਂ 6 ਵਿਦੇਸ਼ੀ ਸਲੌਟ ਸ਼ਾਮਲ ਹਨ। ਇੰਨੀ ਵੱਡੀ ਰਾਸ਼ੀ ਦੇ ਚੱਲਦਿਆਂ, KKR ਵੱਡੇ ਨਾਵਾਂ 'ਤੇ ਹਮਲਾਵਰ ਬੋਲੀ ਲਗਾ ਸਕਦੀ ਹੈ। ਟੀਮ ਇੱਕ ਵੱਡੇ ਆਲਰਾਊਂਡਰ ਦੀ ਤਲਾਸ਼ ਵਿੱਚ ਹੈ, ਤਾਂ ਜੋ ਆਂਦਰੇ ਰਸਲ ਦੀ ਕਮੀ ਨੂੰ ਪੂਰਾ ਕੀਤਾ ਜਾ ਸਕੇ।
CSK ਅਤੇ ਮਿਡ-ਟੇਬਲ ਟੀਮਾਂ ਦੀ ਸਥਿਤੀ
ਪੰਜ ਵਾਰ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ (CSK) ਕੋਲ ਵੀ ਖਰੀਦਾਰੀ ਲਈ ਬਹੁਤ ਤਾਕਤ ਹੈ। CSK ਕੋਲ 43.40 ਕਰੋੜ ਰੁਪਏ ਦਾ ਪਰਸ ਬਚਿਆ ਹੋਇਆ ਹੈ ਅਤੇ ਉਨ੍ਹਾਂ ਨੂੰ 9 ਸਲੌਟ ਭਰਨੇ ਹਨ। ਰਵਿੰਦਰ ਜਡੇਜਾ ਅਤੇ ਮਥੀਸ਼ਾ ਪਥੀਰਾਣਾ ਵਰਗੇ ਅਹਿਮ ਖਿਡਾਰੀਆਂ ਦੇ ਟੀਮ ਤੋਂ ਬਾਹਰ ਹੋਣ ਤੋਂ ਬਾਅਦ CSK ਰੀਬਿਲਡਿੰਗ ਮੋਡ ਵਿੱਚ ਹੈ। ਉਮੀਦ ਹੈ ਕਿ ਚੇਨਈ ਆਪਣੀ ਪੁਰਾਣੀ ਰਣਨੀਤੀ ਦੇ ਤਹਿਤ ਅਨੁਭਵੀ ਅਤੇ ਭਰੋਸੇਮੰਦ ਖਿਡਾਰੀਆਂ 'ਤੇ ਦਾਅ ਲਗਾਏਗੀ।
ਸਨਰਾਈਜ਼ਰਜ਼ ਹੈਦਰਾਬਾਦ ਕੋਲ 25.50 ਕਰੋੜ ਰੁਪਏ ਅਤੇ 10 ਸਲੌਟ ਹਨ। ਲਖਨਊ ਸੁਪਰ ਜਾਇੰਟਸ ਕੋਲ 22.95 ਕਰੋੜ ਰੁਪਏ ਬਚੇ ਹਨ। ਦਿੱਲੀ ਕੈਪੀਟਲਸ ਕੋਲ 21.80 ਕਰੋੜ ਰੁਪਏ ਅਤੇ 8 ਸਲੌਟ ਹਨ, ਜਿਨ੍ਹਾਂ ਵਿੱਚ 5 ਵਿਦੇਸ਼ੀ ਖਿਡਾਰੀ ਸ਼ਾਮਲ ਹਨ। ਰਾਇਲ ਚੈਲੰਜਰਜ਼ ਬੈਂਗਲੁਰੂ ਕੋਲ 16.40 ਕਰੋੜ ਰੁਪਏ ਅਤੇ ਰਾਜਸਥਾਨ ਰਾਇਲਜ਼ ਕੋਲ 16.05 ਕਰੋੜ ਰੁਪਏ ਹਨ। ਗੁਜਰਾਤ ਟਾਈਟਨਜ਼ ਕੋਲ 12.90 ਕਰੋੜ ਰੁਪਏ ਬਚੇ ਹਨ, ਜਿਨ੍ਹਾਂ ਨਾਲ ਉਨ੍ਹਾਂ ਨੂੰ 5 ਸਲੌਟ ਭਰਨੇ ਹਨ। ਉੱਥੇ ਹੀ ਪੰਜਾਬ ਕਿੰਗਜ਼ ਕੋਲ ਸਿਰਫ਼ 11.50 ਕਰੋੜ ਰੁਪਏ ਦੀ ਰਾਸ਼ੀ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਬੇਹੱਦ ਸੋਚ-ਸਮਝ ਕੇ ਖਰੀਦਾਰੀ ਕਰਨੀ ਪਵੇਗੀ।
ਮੁੰਬਈ ਇੰਡੀਅਨਜ਼ (MI) ਦੀ ਸਭ ਤੋਂ ਵੱਡੀ ਚੁਣੌਤੀ
ਪੰਜ ਵਾਰ ਦੀ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਇਸ ਵਾਰ ਸਭ ਤੋਂ ਮੁਸ਼ਕਲ ਵਿੱਤੀ ਸਥਿਤੀ ਵਿੱਚ ਹੈ। MI ਕੋਲ ਸਿਰਫ਼ 2.75 ਕਰੋੜ ਰੁਪਏ ਦਾ ਪਰਸ ਬਚਿਆ ਹੈ, ਜੋ ਕਿ ਸਾਰੀਆਂ ਟੀਮਾਂ ਵਿੱਚੋਂ ਸਭ ਤੋਂ ਘੱਟ ਹੈ। ਇਸ ਘੱਟ ਰਕਮ ਦੇ ਨਾਲ ਮੁੰਬਈ ਨੂੰ ਨਿਲਾਮੀ ਵਿੱਚ ਬਜਟ ਪਲੇਅਰਾਂ ਅਤੇ ਅਨਕੈਪਡ ਪ੍ਰਤਿਭਾ 'ਤੇ ਭਰੋਸਾ ਕਰਨਾ ਪੈ ਸਕਦਾ ਹੈ।
Team India 'ਚ ਵੱਡਾ ਬਦਲਾਅ! ਅਖ਼ੀਰਲੇ 2 ਮੈਚਾਂ ਲਈ ਨਵੇਂ ਖਿਡਾਰੀ ਦੀ ਹੋਈ ਐਂਟਰੀ
NEXT STORY 
