ਸਪੋਰਟਸ ਡੈਸਕ- ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੇ IPL 2026 ਦੇ ਫਾਈਨਲ ਵਿੱਚ ਜਗ੍ਹਾ ਪੱਕੀ ਕਰਕੇ ਨਾ ਸਿਰਫ਼ ਆਪਣੇ ਪ੍ਰਸ਼ੰਸਕਾਂ ਨੂੰ ਖੁਸ਼ ਕੀਤਾ ਹੈ, ਬਲਕਿ ਟੀਮ ਲਈ ਕਰੋੜਾਂ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਯਕੀਨੀ ਬਣਾ ਲਈ ਹੈ। 26 ਮਈ ਨੂੰ ਧਰਮਸ਼ਾਲਾ ਵਿੱਚ ਖੇਡੇ ਗਏ ਕੁਆਲੀਫਾਇਰ-1 ਮੁਕਾਬਲੇ ਵਿੱਚ ਗੁਜਰਾਤ ਟਾਈਟਨਜ਼ ਨੂੰ 92 ਦੌੜਾਂ ਨਾਲ ਕਰਾਰੀ ਮਾਤ ਦੇ ਕੇ RCB ਲਗਾਤਾਰ ਦੂਜੀ ਵਾਰ ਫਾਈਨਲ ਵਿੱਚ ਪਹੁੰਚਣ ਵਿੱਚ ਸਫਲ ਰਹੀ ਹੈ।
ਫਾਈਨਲ ਵਿੱਚ ਪਹੁੰਚਣ ਦੇ ਨਾਲ ਹੀ RCB ਲਈ BCCI ਵੱਲੋਂ ਮਿਲਣ ਵਾਲੀ ਭਾਰੀ ਇਨਾਮੀ ਰਾਸ਼ੀ ਤੈਅ ਹੋ ਗਈ ਹੈ। ਹਾਲਾਂਕਿ ਬੀਸੀਸੀਆਈ ਨੇ ਅਜੇ ਤੱਕ 2026 ਦੇ ਸੀਜ਼ਨ ਲਈ ਇਨਾਮੀ ਰਾਸ਼ੀ ਦਾ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ, ਪਰ ਮੰਨਿਆ ਜਾ ਰਿਹਾ ਹੈ ਕਿ ਇਹ ਪਿਛਲੇ ਸਾਲ (IPL 2025) ਦੇ ਬਰਾਬਰ ਹੀ ਹੋਵੇਗੀ। ਪਿਛਲੇ ਸੀਜ਼ਨ ਦੇ ਨਿਯਮਾਂ ਅਨੁਸਾਰ, ਰਨਰ-ਅੱਪ (ਦੂਜੇ ਨੰਬਰ 'ਤੇ ਰਹਿਣ ਵਾਲੀ) ਟੀਮ ਨੂੰ 13 ਕਰੋੜ ਰੁਪਏ ਦਿੱਤੇ ਗਏ ਸਨ। ਇਸ ਤਰ੍ਹਾਂ RCB ਨੇ ਖਿਤਾਬੀ ਮੁਕਾਬਲੇ ਤੋਂ ਪਹਿਲਾਂ ਹੀ ਘੱਟੋ-ਘੱਟ 13 ਕਰੋੜ ਰੁਪਏ ਦੀ ਰਾਸ਼ੀ ਪੱਕੀ ਕਰ ਲਈ ਹੈ।
ਖਿਤਾਬ ਜਿੱਤਣ 'ਤੇ ਮਿਲਣਗੇ 20 ਕਰੋੜ
ਜੇਕਰ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਆਪਣੇ ਖਿਤਾਬ ਦੀ ਰੱਖਿਆ ਕਰਨ ਵਿੱਚ ਕਾਮਯਾਬ ਰਹਿੰਦੀ ਹੈ ਅਤੇ ਫਾਈਨਲ ਜਿੱਤ ਜਾਂਦੀ ਹੈ, ਤਾਂ ਇਹ ਰਾਸ਼ੀ ਵਧ ਕੇ 20 ਕਰੋੜ ਰੁਪਏ ਤੱਕ ਪਹੁੰਚ ਜਾਵੇਗੀ। ਜ਼ਿਕਰਯੋਗ ਹੈ ਕਿ 2025 ਵਿੱਚ ਚੈਂਪੀਅਨ ਬਣਨ ਵਾਲੀ RCB ਨੂੰ 20 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਮਿਲੀ ਸੀ।
RCB ਇਸ ਸੀਜ਼ਨ ਵਿੱਚ ਬਹੁਤ ਸ਼ਾਨਦਾਰ ਫਾਰਮ ਵਿੱਚ ਹੈ। ਲੀਗ ਸਟੇਜ ਨੂੰ ਟਾਪ 'ਤੇ ਖਤਮ ਕਰਨ ਤੋਂ ਬਾਅਦ, ਕੁਆਲੀਫਾਇਰ-1 ਵਿੱਚ ਵੀ ਟੀਮ ਦਾ ਦਬਦਬਾ ਰਿਹਾ। ਰਜਤ ਪਾਟੀਦਾਰ ਦੀਆਂ ਨਾਬਾਦ 93 ਦੌੜਾਂ (33 ਗੇਂਦਾਂ) ਦੀ ਮਦਦ ਨਾਲ ਬੈਂਗਲੁਰੂ ਨੇ 254 ਦੌੜਾਂ ਦਾ ਵਿਸ਼ਾਲ ਸਕੋਰ ਬਣਾਇਆ ਸੀ, ਜਿਸ ਦੇ ਜਵਾਬ ਵਿੱਚ ਗੁਜਰਾਤ ਦੀ ਟੀਮ ਸਿਰਫ਼ 162 ਰਨ ਹੀ ਬਣਾ ਸਕੀ।
31 ਮਈ ਨੂੰ ਹੋਵੇਗਾ ਮਹਾਂ-ਮੁਕਾਬਲਾ
ਹੁਣ ਸਭ ਦੀਆਂ ਨਜ਼ਰਾਂ 31 ਮਈ ਨੂੰ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਹੋਣ ਵਾਲੇ ਫਾਈਨਲ 'ਤੇ ਟਿਕੀਆਂ ਹੋਈਆਂ ਹਨ। ਇਸ ਖਿਤਾਬੀ ਮੁਕਾਬਲੇ ਵਿੱਚ RCB ਦਾ ਸਾਹਮਣਾ ਕੁਆਲੀਫਾਇਰ-2 ਦੀ ਜੇਤੂ ਟੀਮ ਨਾਲ ਹੋਵੇਗਾ।
ਸਿੰਗਾਪੁਰ ਓਪਨ: HS ਪ੍ਰਣਯ ਨੇ ਜੋਨਾਥਨ ਕ੍ਰਿਸਟੀ ਨੂੰ ਹਰਾ ਕੇ ਕੀਤਾ ਵੱਡਾ ਉਲਟਫੇਰ
NEXT STORY 
