ਸਪੋਰਟਸ ਡੈਸਕ- ਮੇਜਰ ਲੀਗ ਕ੍ਰਿਕਟ 2026 ਦੇ 11ਵੇਂ ਮੁਕਾਬਲੇ ਵਿੱਚ ਸੈਨ ਫਰਾਂਸਿਸਕੋ ਯੂਨੀਕੋਰਨਜ਼ ਨੇ ਇੱਕ ਬਹੁਤ ਹੀ ਹੈਰਾਨੀਜਨਕ ਵਾਪਸੀ ਕਰਦਿਆਂ ਸੀਟਲ ਓਰਕਾਸ ਨੂੰ 2 ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਓਕਲੈਂਡ ਕੋਲੀਜ਼ੀਅਮ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ ਇੱਕ ਸਮੇਂ ਅਜਿਹਾ ਲੱਗ ਰਿਹਾ ਸੀ ਕਿ ਸੀਟਲ ਓਰਕਾਸ ਟੀ-20 ਕ੍ਰਿਕਟ ਦਾ ਸਭ ਤੋਂ ਵੱਡਾ ਸਕੋਰ ਖੜ੍ਹਾ ਕਰੇਗੀ, ਪਰ ਸੈਨ ਫਰਾਂਸਿਸਕੋ ਦੇ ਗੇਂਦਬਾਜ਼ਾਂ ਨੇ ਮੈਚ ਦਾ ਪਾਸਾ ਪਲਟ ਦਿੱਤਾ।
ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਸੀਟਲ ਓਰਕਾਸ ਦੇ ਸਲਾਮੀ ਬੱਲੇਬਾਜ਼ਾਂ, ਟਿਮ ਸਾਈਫਰਟ ਅਤੇ ਸ਼ਯਾਨ ਜਹਾਂਗੀਰ ਨੇ ਤੂਫਾਨੀ ਸ਼ੁਰੂਆਤ ਕੀਤੀ ਅਤੇ ਪਹਿਲੇ 4.1 ਓਵਰਾਂ ਵਿੱਚ ਹੀ 60 ਦੌੜਾਂ ਜੋੜ ਦਿੱਤੀਆਂ। ਟੀਮ ਨੇ ਸਿਰਫ਼ 9.5 ਓਵਰਾਂ ਵਿੱਚ 1 ਵਿਕਟ ਦੇ ਨੁਕਸਾਨ 'ਤੇ 138 ਦੌੜਾਂ ਬਣਾ ਲਈਆਂ ਸਨ ਅਤੇ ਅਜਿਹਾ ਲੱਗ ਰਿਹਾ ਸੀ ਕਿ ਸਕੋਰ 240-250 ਦੇ ਪਾਰ ਜਾਵੇਗਾ। ਪਰ 10ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਦੂਜੀ ਵਿਕਟ ਡਿੱਗਦੇ ਹੀ ਸੀਟਲ ਦੀ ਪਾਰੀ ਤਾਸ਼ ਦੇ ਪੱਤਿਆਂ ਵਾਂਗ ਖਿੱਲਰ ਗਈ। ਸੈਨ ਫਰਾਂਸਿਸਕੋ ਦੇ ਗੇਂਦਬਾਜ਼ਾਂ ਨੇ ਸ਼ਾਨਦਾਰ ਵਾਪਸੀ ਕਰਦਿਆਂ ਸੀਟਲ ਦੀਆਂ ਆਖਰੀ 9 ਵਿਕਟਾਂ ਸਿਰਫ਼ 53 ਦੌੜਾਂ ਦੇ ਅੰਦਰ ਝਟਕਾ ਦਿੱਤੀਆਂ। ਨਤੀਜੇ ਵਜੋਂ, ਪੂਰੀ ਟੀਮ 19.2 ਓਵਰਾਂ ਵਿੱਚ 191 ਦੌੜਾਂ 'ਤੇ ਹੀ ਸਿਮਟ ਗਈ।
192 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਸੈਨ ਫਰਾਂਸਿਸਕੋ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਸੀ, ਪਰ ਲੁਹਾਨ-ਡਰੀ ਪ੍ਰੀਟੋਰੀਅਸ ਨੇ 39 ਗੇਂਦਾਂ ਵਿੱਚ 87 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡ ਕੇ ਟੀਮ ਦੀ ਉਮੀਦ ਜਗਾਈ। ਅੰਤ ਵਿੱਚ ਬਰੋਡੀ ਕਾਊਚ ਨੇ ਅਹਿਮ ਭੂਮਿਕਾ ਨਿਭਾਈ। ਉਨ੍ਹਾਂ ਨੇ ਪਹਿਲਾਂ ਗੇਂਦਬਾਜ਼ੀ ਵਿੱਚ 3 ਵਿਕਟਾਂ ਲਈਆਂ ਅਤੇ ਫਿਰ ਬੱਲੇਬਾਜ਼ੀ ਵਿੱਚ 14 ਗੇਂਦਾਂ 'ਤੇ ਨਾਬਾਦ 26 ਦੌੜਾਂ ਬਣਾ ਕੇ 19.4 ਓਵਰਾਂ ਵਿੱਚ ਆਪਣੀ ਟੀਮ ਨੂੰ ਜਿੱਤ ਦਿਵਾਈ। ਸੈਨ ਫਰਾਂਸਿਸਕੋ ਯੂਨੀਕੋਰਨਜ਼ ਦੀ ਇਸ ਜਿੱਤ ਵਿੱਚ ਆਰੋਨ ਹਾਰਡੀ ਨੇ ਵੀ ਅਹਿਮ ਯੋਗਦਾਨ ਪਾਇਆ।
ਭਿਆਨਕ ਗਰਮੀ ਕਾਰਨ ਪੈਰਿਸ ਡਾਇਮੰਡ ਲੀਗ ਪ੍ਰਤੀਯੋਗਿਤਾ ਰੱਦ ਕਰਨ ਦੀ ਮੰਗ
NEXT STORY 
