ਚੇਨਈ : ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਵਿੱਚ ਇੱਕ ਸਵਾਲ ਹਰ ਮੈਚ ਦੇ ਨਾਲ ਵੱਡਾ ਹੁੰਦਾ ਜਾ ਰਿਹਾ ਸੀ ਕਿ ਮਹਿੰਦਰ ਸਿੰਘ ਧੋਨੀ ਮੈਦਾਨ 'ਤੇ ਕਦੋਂ ਪਰਤਣਗੇ। ਹੁਣ ਚੇਨਈ ਸੁਪਰ ਕਿੰਗਜ਼ (CSK) ਦੇ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਸਾਹਮਣੇ ਆਈ ਹੈ ਕਿਉਂਕਿ ਧੋਨੀ ਦੀ ਲਖਨਊ ਜਾਣ ਦੀ ਟਿਕਟ ਬੁੱਕ ਹੋ ਚੁੱਕੀ ਹੈ, ਜਿਸ ਨਾਲ ਉਨ੍ਹਾਂ ਦੀ ਵਾਪਸੀ ਦੀਆਂ ਉਮੀਦਾਂ ਤੇਜ਼ ਹੋ ਗਈਆਂ ਹਨ।
ਇੱਕ ਮਹੀਨੇ ਤੋਂ ਵੱਧ ਦਾ ਇੰਤਜ਼ਾਰ
ਧੋਨੀ ਨੇ ਇਸ ਸੀਜ਼ਨ ਵਿੱਚ ਹੁਣ ਤੱਕ ਇੱਕ ਵੀ ਮੈਚ ਨਹੀਂ ਖੇਡਿਆ ਹੈ । ਸੀਜ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ ਪਿੰਨੀ ਦੀ ਸੱਟ ਕਾਰਨ ਉਨ੍ਹਾਂ ਨੂੰ ਦੋ ਹਫ਼ਤਿਆਂ ਲਈ ਬਾਹਰ ਦੱਸਿਆ ਗਿਆ ਸੀ, ਪਰ ਹੁਣ ਇੱਕ ਮਹੀਨੇ ਤੋਂ ਵੱਧ ਸਮਾਂ ਬੀਤ ਚੁੱਕਾ ਹੈ ਅਤੇ ਉਹ ਅਜੇ ਤੱਕ ਮੈਦਾਨ 'ਤੇ ਨਜ਼ਰ ਨਹੀਂ ਆਏ। ਉਨ੍ਹਾਂ ਨੇ ਚੇਨਈ ਦੇ ਘਰੇਲੂ ਮੈਚ ਵੀ ਮਿਸ ਕੀਤੇ ਹਨ।
CSK ਦੇ CEO ਨੇ ਕੀਤੀ ਪੁਸ਼ਟੀ
CSK ਦੇ CEO ਕਾਸ਼ੀ ਵਿਸ਼ਵਨਾਥਨ ਨੇ ਪੁਸ਼ਟੀ ਕੀਤੀ ਹੈ ਕਿ ਟੀਮ ਮੈਨੇਜਮੈਂਟ ਨੇ ਬਾਕੀ ਸਕੁਐਡ ਦੇ ਨਾਲ ਧੋਨੀ ਦੀ ਵੀ ਲਖਨਊ ਜਾਣ ਲਈ ਕਮਰਸ਼ੀਅਲ ਫਲਾਈਟ ਵਿੱਚ ਟਿਕਟ ਬੁੱਕ ਕਰ ਦਿੱਤੀ ਹੈ। ਲਗਭਗ 60 ਮੈਂਬਰੀ ਟੀਮ ਦਾ ਦਲ ਲਖਨਊ ਜਾਵੇਗਾ ਅਤੇ ਮੈਨੇਜਮੈਂਟ ਨੂੰ ਪੂਰੀ ਉਮੀਦ ਹੈ ਕਿ ਧੋਨੀ ਇਸ ਦੌਰੇ ਦਾ ਹਿੱਸਾ ਹੋਣਗੇ।
ਪਲੇਆਫ ਦੀ ਦੌੜ ਅਤੇ ਅਗਲੇ ਮੁਕਾਬਲੇ
ਚੇਨਈ ਸੁਪਰ ਕਿੰਗਜ਼ ਇਸ ਸਮੇਂ 11 ਮੈਚਾਂ ਵਿੱਚ 6 ਜਿੱਤਾਂ ਨਾਲ ਅੰਕ ਸੂਚੀ ਵਿੱਚ ਪੰਜਵੇਂ ਸਥਾਨ 'ਤੇ ਹੈ ਅਤੇ ਅਜੇ ਵੀ ਪਲੇਆਫ ਦੀ ਦੌੜ ਵਿੱਚ ਬਣੀ ਹੋਈ ਹੈ।
ਚੇਨਈ ਦੇ ਬਾਕੀ ਬਚੇ ਤਿੰਨ ਮੁਕਾਬਲੇ ਇਸ ਪ੍ਰਕਾਰ ਹਨ:
15 ਮਈ: ਲਖਨਊ ਸੁਪਰ ਜਾਇੰਟਸ ਵਿਰੁੱਧ।
18 ਮਈ: ਸਨਰਾਈਜ਼ਰਜ਼ ਹੈਦਰਾਬਾਦ ਵਿਰੁੱਧ।
21 ਮਈ: ਗੁਜਰਾਤ ਟਾਈਟਨਜ਼ ਵਿਰੁੱਧ।
ਮੰਨਿਆ ਜਾ ਰਿਹਾ ਹੈ ਕਿ ਧੋਨੀ ਇਨ੍ਹਾਂ ਤਿੰਨਾਂ ਵਿੱਚੋਂ ਘੱਟੋ-ਘੱਟ ਇੱਕ ਮੈਚ ਵਿੱਚ ਜ਼ਰੂਰ ਮੈਦਾਨ 'ਤੇ ਉਤਰ ਸਕਦੇ ਹਨ, ਜੋ ਕਿ ਕਰੋੜਾਂ ਪ੍ਰਸ਼ੰਸਕਾਂ ਲਈ ਬਹੁਤ ਵੱਡੀ ਖ਼ਬਰ ਹੋਵੇਗੀ।
ਪਹਿਲਵਾਨਾਂ ਦੇ ਵਿਰੋਧ ਪ੍ਰਦਰਸ਼ਨ ਕਾਰਨ ਮੇਰਾ ਕਰੀਅਰ ਪ੍ਰਭਾਵਿਤ ਹੋਇਆ : ਦੀਪਕ ਪੂਨੀਆ
NEXT STORY 
