ਮੁੰਬਈ : ਹੀਰੋ ਇੰਡੀਅਨ ਸੁਪਰ ਲੀਗ (ਆਈ. ਐੱਸ. ਐੱਲ) ਦੇ ਪੰਜਵੇਂ ਸੀਜਨ 'ਚ ਐੱਫ. ਸੀ. ਗੋਵਾ, ਮੁੰਬਈ ਸਿਟੀ ਐੱਫ. ਸੀ ਨਾਲ ਬਿਹਤਰ ਟੀਮ ਸਾਬਤ ਹੋਈ ਹੈ, ਪਰ ਸ਼ਨੀਵਾਰ ਨੂੰ ਮੰਬਈ ਫੁਟਬਾਲ ਏਰੇਨਾ 'ਚ ਖੇਡੇ ਜਾਣ ਵਾਲੇ ਦੂਜੇ ਸੈਮੀਫਾਈਨਲ ਮੈਚ ਦੇ ਪਹਿਲੇ ਪੜਾਅ 'ਚ ਇਨ੍ਹਾਂ ਦੋਨਾਂ ਟੀਮਾਂ 'ਚੋਂ ਕੌਣ ਜੀਤੇਗਾ ਇਸ ਦੀ ਕੋਈ ਗਾਰੰਟੀ ਨਹੀਂ ਹੈ। ਲੀਗ ਸਟੇਜ 'ਚ ਐੱਫ. ਸੀ. ਗੋਵਾ ਨੇ ਮੁੰਬਈ ਨੂੰ ਦੋ ਵਾਰ ਹਰਾਇਆ ਹੈ। ਪਹਿਲੀ ਮੁਕਾਬਲੇ 'ਚ ਗੋਆ ਨੇ ਆਪਣੇ ਹੀ ਘਰ 'ਚ ਮੁੰਬਈ ਨੂੰ 5-0 ਤੋਂ ਮਾਤ ਦਿੱਤੀ ਸੀ ਤਾਂ ਉਥੇ ਹੀ ਦੂਜੇ ਮੈਚ 'ਚ ਵੀ ਗੋਵਾ ਨੇ ਮੁੰਬਈ ਨੂੰ ਉਸ ਦੇ ਘਰ 'ਚ 2-0 ਨਾਲ ਹਰਾਇਆ ਸੀ।
ਬੇਸ਼ੱਕ ਗੋਆ ਮੁੰਬਈ ਤੋਂ ਬਿਹਤਰ ਟੀਮ ਹੈ, ਪਰ ਜਦ ਦੋਨਾਂ ਟੀਮਾਂ ਨਾਕ ਆਊਟ ਸਟੇਜ 'ਚ ਆਹਮਣੇ-ਸਾਹਮਣੇ ਹੋਣਗੀਆਂ ਤਾਂ ਮੁੰਬਈ ਪੁਰਾਣੀ ਹਾਰ ਨੂੰ ਭੁੱਲ ਕੇ ਜਿੱਤ ਹਾਸਲ ਕਰਨਾ ਚਾਹੇਗੀ। ਗੋਆ ਨਾਲ 0-5 ਤੋਂ ਮਿਲੀ ਹਾਰ ਨੇ ਮੁੰਬਈ ਨੂੰ ਝਕਝੋਰ ਦਿੱਤਾ ਸੀ ਤੇ ਇਸ ਤੋਂ ਬਾਅਦ ਕੋਸਟਾ ਨੇ ਆਪਣੀ ਟੀਮ ਦੇ ਖਿਡਾਰੀਆਂ ਨੂੰ ਕੜੀ ਮਿਹਨਤ ਕਰਨ ਨੂੰ ਕਿਹਾ ਸੀ। ਇਸ ਤੋਂ ਬਾਅਦ ਮੁੰਬਈ ਨੇ ਸ਼ਾਨਦਾਰ ਵਾਪਸੀ ਕੀਤੀ ਤੇ ਇਕ ਸਮੇਂ ਤੱਕ ਬਿਨਾਂ ਹਾਰ ਦੇ ਰਹੀ ਬੈਂਗਲੁਰੂ ਐੱਫ. ਸੀ. ਨੂੰ ਮਾਤ ਦਿੱਤੀ। ਲੀਗ ਦੇ ਪੰਜ ਸੀਜਨਾਂ 'ਚ ਗੋਆ ਨੇ ਮੁੰਬਈ ਦੇ ਖਿਲਾਫ ਸੱਤ ਕਲੀਨਸ਼ੀਟ ਹਾਸਲ ਦੀਆਂ ਹਨ ਤੇ ਉਸ ਦੇ ਖਿਲਾਫ 19 ਗੋਲ ਕੀਤੇ ਹਨ। ਕੋਚ ਸਰਜਿਓ ਲੋਬੇਰਾ ਦੇ ਮਾਰਗਦਰਸ਼ਨ 'ਚ ਗੋਆ ਲਗਾਤਾਰ ਦੂਜੀ ਵਾਰ ਪਲੇਆਫ 'ਚ ਪਹੰਚੀ ਹੈ। ਗੁਜ਼ਰੇ ਸੀਜਨ ਚੇਂਨਈ ਐੱਫ. ਸੀ ਦੇ ਹੱਥੋਂ ਹਾਰ ਦਾ ਸਾਹਮਣਾ ਕਰਨ ਮਗਰੋਂ ਫਾਈਨਲ 'ਚ ਨਹੀਂ ਪੁੱਜਣ ਵਾਲੀ ਗੋਆ ਇਸ ਵਾਰ ਫਾਈਨਲ 'ਚ ਜਾਣ ਲਈ ਬੇਤਾਬ ਹੋਵੇਗੀ।
ਲੋਬੇਰਾ ਦੀ ਗੋਵਾ ਨੇ ਇਕ ਵਾਰ ਫਿਰ ਲੀਗ 'ਚ ਅਗਰੈਸਿਵ ਫੁੱਟਬਾਲ ਖੇਡ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ ਤੇ 18 ਮੈਚਾਂ 'ਚ ਕੁੱਲ 36 ਗੋਲ ਦਾਗੇ। ਫੇਰਾਨ ਕੋਰੋਮਿਨਾਸ ਨੇ ਇਕ ਵਾਰ ਫਿਰ ਟੀਮ ਦੀ ਜ਼ਿੰਮੇਦਾਰੀ ਲਈ। ਸਪੇਨ ਦਾ ਇਹ ਖਿਡਾਰੀ ਲਗਾਤਾਰ ਦੂਜੀ ਵਾਰ ਗੋਲਡਨ ਬੂਟ ਦੀ ਰੇਸ 'ਚ ਹੈ। ਗੋਆ ਦੀ ਸਫਲਤਾ ਦੇ ਪਿੱਛੇ ਕੋਰੋਮਿਨਾਸ ਦੇ 15 ਗੋਲ ਦਾ ਅਹਿਮ ਯੋਗਦਾਨ ਹੈ ਤਾਂ ਉਥੇ ਹੀ ਮੁੰਬਈ ਨੂੰ ਸਿਖਰ-4 'ਚ ਪਹੁੰਚਾਉਣ 'ਚ ਮੋਦੂ ਸੋਗੂ ਨੇ ਵੱਡੀ ਭੂਮਿਕਾ ਨਿਭਾਈ ਹੈ। ਸੋਗੂ ਦੇ ਇਸ ਸੀਜਨ 'ਚ ਹੁਣ ਤੱਕ 12 ਗੋਲ ਹਨ। ਇਹ ਮੁੰਬਈ ਦੇ ਕਿਸੇ ਵੀ ਖਿਡਾਰੀ ਦੁਆਰਾ ਆਈ. ਐੱਸ. ਐੱਲ ਦੇ ਇਕ ਸੀਜਨ 'ਚ ਕੀਤੇ ਗਏ ਸਭ ਤੋਂ ਜ਼ਿਆਦਾ ਗੋਲ ਹਨ। ਸੋਗੂ ਮੁੰਬਈ ਲਈ ਕੋਸਟਾ ਦੀ ਰਣਨੀਤੀ ਦਾ ਅਹਿਮ ਹਿੱਸਾ ਹਨ, ਪਰ ਪੁਰਤਗਾਲੀ ਕੋਚ ਦੇ ਟੀਮ ਦੇ 'ਤੇ ਪ੍ਰਭਾਵ ਨੂੰ ਅਣਡਿੱਠਾ ਨਹੀਂ ਕੀਤਾ ਜਾ ਸਕਦਾ। ਕੋਸਟਾ ਨੇ ਗੁਜ਼ਰੇ ਸੀਜਨ 'ਚ ਕੋਚ ਰਹੇ ਐਲੇਕਜੈਂਡਰ ਗੁਇਮਾਰੇਸ ਤੋਂ ਕਮਾਨ ਲੈਣ ਤੋਂ ਬਾਅਦ ਮੁੰਬਈ ਦੀ ਕਿਸਮਤ ਨੂੰ ਬਦਲਿਆ ਹੈ। ਇਸ ਮੈਚ 'ਚ ਸਾਰੇ ਦੀਆਂ ਨਜ਼ਰਾਂ ਸੋਗੂ ਤੇ ਕੋਰੋਮਿਨਾਸ 'ਤੇ ਹੋਣਗੀਆਂ, ਪਰ ਇਹ ਮੈਚ ਦੋਨਾਂ ਟੀਮਾਂ ਦੀ ਡਿਫੈਂਸਿਵ ਤਾਕਤ ਨੂੰ ਵੀ ਪਰਖੇਗਾ। ਦੋਨਾਂ ਨੇ 18 ਮੈਚਾਂ 'ਚ 20-20 ਗੋਲ ਖਾਧੇ ਹਨ।
ਆਸਟਰੇਲੀਆ ਖਿਲਾਫ ਆਖਰੀ ਦੋ ਵਨ ਡੇ ਮੈਚਾਂ 'ਚੋਂ ਟੀਮ ਦਾ ਇਹ ਧਾਕੜ ਖਿਡਾਰੀ ਬਾਹਰ
NEXT STORY 
